الموضوع: استفسارات بخصوص الاستلام

المشاركة الأصلية كتبت بواسطة teefa_10

إن شاء الله هستلم خلال يومين :
1- اشيك علي ايه أهم حاجه بيبقي عليها تعليقات

تشيك على كل حاجة فى عربية (انوار_مساحات_تكييف_ولاعة_ا� �ارات_استبن_
وعدة كوريك_سى دى بلاير) ويفضل انك تستلم فى نهار
علشان لو فيى خدتش او اى حاجة تكون ظاهرة ..

2- لو فيه حاجه معجيتنيش مستلمش و أمشي و لا ايه

متستلمش وتطلب انهم يغيروها حضرتك دااافع فلوس ..

3- ايه نظام التلين و التكيف و كده

تلييين تاخدها بهدوها وبلاش تقرص وتحرق وطبعا متشغلش تكييف فى فترة تليين .

4- أحسن الاماكن اعمل فيها فرش جلد نضيف و بكام يكون قريب من الشروق أو مصر الجديده

جينيز كار .. والاسعار بتختلف حسب خااامة اللى هتشتغل
عليها وهتعمل خياطة دبل ولا لأ .
والاخوة الافاضل هيساعدوك اكتر ..

5- لو ركبت الشاشه و الج بي اس عند السجان تخرج ايه من الضمان

بالنسبة لتركيب ولعب فى ضفيرة كهرباء يبقى كدة ضمان كهرباء عربية برة ضمان .

6- لو عندكم اي نصائح خاصه ياريت متبخالوش عليه بيها

التزم بجدول صيانة وربنا يباركلك فيها ويحفظها من عين
وتستلم على خير وربنا يوفقك .

المشاركة الأصلية كتبت بواسطة teefa_10

إن شاء الله هستلم خلال يومين :
1- اشيك علي ايه أهم حاجه بيبقي عليها تعليقات
2- لو فيه حاجه معجيتنيش مستلمش و أمشي و لا ايه
3- ايه نظام التلين و التكيف و كده
4- أحسن الاماكن اعمل فيها فرش جلد نضيف و بكام يكون قريب من الشروق أو مصر الجديده
5- لو ركبت الشاشه و الج بي اس عند السجان تخرج ايه من الضمان
6- لو عندكم اي نصائح خاصه ياريت متبخالوش عليه بيها

الف مبروك عليك العربيه الجديده اولا لازم تتأكد من وجود 1- الاستبن 2- الولعه 3- وخد لفه حولين العربيه شوف لو فيها خربيش او تجريح ارفض استلمها .

موضوع التلين ببساطه لاتعدى السرعه 90 كم الالف الاولى وبلاش تشغل التكيف فى البدايه وطبعا بلاش الحرق والجرى والكلام الفاضى ده كله لضمان اداء كويس للسياره فى المستقبل .

اما موضوع الفرش الجلد هو واحد مفيش غيره جينز كار فى مدينة نصر ودى اللينك فى كل حاجه عنه .http://www.nilemotors.net/Nile/133983-a.html

واخير اى لعب فى الكهرباء تخرج على طول من الضمان .

واى استفسار تحت امرك