عاوز مساعده الاعضاء فى شراء ميزان ديجيتال منزلى ....
ممكن اعرف الانواع المحترمه ايه و اشتريها منين ....و يكون فى حدود 200 الى 300 جنيه .
عرض للطباعة
عاوز مساعده الاعضاء فى شراء ميزان ديجيتال منزلى ....
ممكن اعرف الانواع المحترمه ايه و اشتريها منين ....و يكون فى حدود 200 الى 300 جنيه .
لازم ديجتال ؟؟؟
أنا اشتريت ميزان 20 كيلو
صينى
بكفه واحده
وليه مؤشر شبه دائرى شبه الساعه بيكون تحت الكفه
وماشاء الله ممتاز
سعره 75 جنيه
حضرتك تقصد ميزان ديجيتال ..يعنى ميزان أفراد..ولا ميزان بضائع؟
لو أفراد بغرض متابعه الوزن بدقه وذو حساسيه عاليه.....أنا إشتريت واحد لغايه 120 كيلو ب 120 جنيه تقريبا..!!!
ممتاز بس محتاج معامله بحرص..!!
انا فعلا اقصد ميزان افراد لمتابعه اوزن ....و كنت عاوز اعرف هل فيه نوع مين موثوق فيه ... علشان انا جبت واحد صينى و للاسف باظ على طول
تركب المترو وتنزل محطة السيدة زينب وتطلع على محلات بيع مستلزمات الاجهزة الطبية اللى موجودة عند مستشفى قصر العينى الفرنساوى
ها تلاقى كل الانواع والاسعار اقل من اى حتة تانية، بس عايزك لما تروح ادخل محل واعرف الاسعار واستقر على نوع معين عجبك وبعد كده دور فى كل المحلات على الموديل ده عشان توصل لاقل سعر ليه
وهناك فيه الصينى والالمانى واليابانى
الالمانى فيه ماركة اسمها Beurer واليابانى ماركة اسمها Omron
الماركتين دول افضل مصنعين انا بثق فيهم