وزير البترول يناقش اليوم صرف البنزين بكوبونات لرفع الدعم عن البنزين

**elmadawy** · 03-05-2012 08:16 PM

الفكره دي والله انا فكرة فيها كل مره يحصل فيها ازمه للبنزين ولكن بطريقة اخري وكلنا عارفين الازمه بتيجي ازاي
اولا العربية بتخرج من المصنع محمله البنزين او السولار بعد ذلك تروح المحطة لابد ان يكون هناك لينك وليس مجرد ورق للتسليم لمسئول المحطة لانها مجرد ورقة واي حد حيمضي عليها او يكون هناك ختم للاستلام المهم
طبعا لعمل هذه الفكره محتاجه ايام وسنين لكن ممكن ان يتم تجربتها في محافظات القاهرة الكبري او الاسكندرية مثلا
مش حنقول كمية لكل عربية لكن عمل كارت ممغنط مثل كارت البنك وان يكون هذا الكارت يتم شحنه ماليا ويكون مسجل علية بيانات السيارة وعند الحصول علي البنزين من المحطة يتم اثبات للجهه المختصه بان السيارة رقم قد حصلت علي كمية بنزين هذا اليوم واي عربية كمية التنك الخاصه بيها لا يتعدي في السيارات الكبيرة 80 لتر علي ما اذكر اذا انه سوف لا يتم تموين السيارة في نفس اليوم الا اذا سافرت السيارة الي محافظة اخري يعني لايمكن تموين السيارة مره اخري في نفس المحافظة لنفس اليوم والمطلوب هنا عمل حوكمه بين الشركة المنتجه ومحطة التموين والسيارات التي تقوم بتموين البنزين وانا شايف ان ده حيمنع بيع البنزين او السولار في السوق السودا

**bassemali** · 03-05-2012 08:24 PM

قرار غببببببببببي
إزاي تساوي واحد إستخدامه للعربيه قليل بواح ( غصب عنه ) بيستعملها كتير ... هوا اللي بيستعمل العربيه ده ف كل مشوار بيستعملها بمزاجه ولا مضطر ... هو مين بيحب يسوق في البلد دي أصلا ... أتنيل روح طور وسائل المواصلات وحسنها والناس كلها هتستعملها من نفسها وتوفر البنزين من نفسها بلا فلسفه فاضيه .

**CalvinKlein** · 03-05-2012 08:32 PM

المشاركة الأصلية كتبت بواسطة karim_monir

القاهرة
نايل موتورز
كتب كريم منير
يعقد اليوم بمقر الهيئة العامة للبترول المهندس عبد الله غراب وزير البترول وعدد من كبار قيادات الهيئة العامة للبترول ومسئولو وزارة البترول وعدد من اعضاء اللجنة الاقتصادية والعديد من الخبراء اجتماع غاية في الاهمية لمناقشة مشروع صرف البنزين بالكوبونات وتحرير اسعار المنتجات البتروليه وعلى راسها البنزين والسولار لعدم اهدار الدعم وضمان وصوله لمستحقية
وعدم خلق سوق سوداء لتجارة المواد البتروليه

صورة ارشيفية لازمة البنزين الماضية

الكلام لغاية النهاردة متوقف على موافقة الداخلية,لكن الدعم هيكون عن ال80 و ال95 و السولار محدش جاب سيره ال90 و 92
لان كوبونات ب 2500 جنيه على مدار العام فكرة مش كويسة على اساس انك لو معتدل فى السير هتصرف 10 لتر يوميا و على اساس الكوبونات هتحرق 6 لتر يوميا. يعنى اللى متعود يسافر بالعربية هيركنها بالطبع.

**vampireromio** · 03-05-2012 08:35 PM

يعني الواحد بيتبهدل على الطرق علشان يروح الشغل بتاعه
ومصاريف و صيانه والذي منه و في الاخر بيوفر كام
كدا هياخدو اللي بوفره و مش هعرف أتجوز
شكلي هنحرف يا هتجوز المخده

**CalvinKlein** · 03-05-2012 09:00 PM

المشكلة الرئيسية مش رفع الدعم عن المواد البترولية لكن المشكلة الحقيقة ان كل حاجة هتزيد معاها من زيت و صيانة و مواصلات و ايجارات و غذاء و كهرباء يعنى الحكومة بتدى باليمين و تاخد بالشمال

**egyptiandiver** · 03-05-2012 09:03 PM

200 لتر فى الشهر كويس جدا بالنسبه لمعظم الناس

**lanos2004** · 03-05-2012 10:37 PM

مين الى هيشتم معايا الحكومه الفاشله الغبيه حكومه بنت ستين--------------------------------------

**Deshahcoka** · 03-05-2012 11:33 PM

المشاركة الأصلية كتبت بواسطة abo_domma

بلد حالها عجيب العالم كله بيطلع لقدام واحنا اللى بنرجع لورا عشان ماشيين ورا شويه معقدين ومعاقين ذهنيا
كوبون ايه يا وزير المواشى؟؟؟؟
وانت مالك امشى قد ايه بعربيتى هو اللى معاه 800 سى سى زى اللى معاه 5700 انتى هتحكمنى اركب ايه؟؟؟
انا شغلك تحت بيتك وانا شغلى فى محافظه تانيه ليه نتساوى ببعض؟؟؟
انا تعبان ومش بقدر اتحرك غير بالعربيه ودخلى محدود وانتى صحتك كويسه ومش محتاج العربيه نتساوى ببعض ليه؟؟؟
هتنمع كده السوق السودا يعنى بخطتك اللى اغبى منها ماشفتش؟؟؟؟؟
انا مش معايا 2500 جنيه ف الترخيص عشان اشترى الكوبونات اشتحهم ولا امشى مخالف؟؟؟
طيب وباقى السلع والمواصلات اللى 100% هاتغلى اضعاف واضعاف ف الخطه ولا فين بالظبط؟؟؟
هتقدر تحكم البنزينات؟؟؟ طبعا احسن ليهم يبيعوا بالسعر الحر
مش عيب اننا دوله متخلفه وبننزل للقاع كل يوم بس على الاقل نشوف الناس المتحضره بتعمل ايه مش ننفرد بتجربه غبيه وفاشله زى دى
حسبى الله ونعم الوكيل فيكم يا شويه غنم

الله ينور عليك قول خلي الناس الي عمالة تتكلم و تنفسن على الي راكبين عربيات و بيقلك احسن يغلوا البانزين ! انتوا في ايه مش حاسسسسسسسسسسين !

محسسني انوا البلد كلها جايبة عربيات و بتحت بانزين و بتفضل رايحة جيه تعمل شقلبزات بالعربية ! حرام عليكم.... لو 100 واحد في منهم 99 بيستخدموا العربية في توصيل الطلبات و الاكل و البضايع و يودي المدام الشغل و العيال المدرسة عشان يوفر تمن الباص عشان يعرف يأكل العيال حلال و شغال طاحن نفسه و عراك و حوادث من بتوع مكروباصات مش فارق معاهم حاجة ...

و الي بيركب مكرباص و مش عاجبه العربيات و عمال يقول اسحن فكرك حتفضل تركبه ب جنيه وربع يا بيه ! ليه يعني حضرتك المكربواص ده شغال على البي البي لا موؤخذة يعني ؟ اكل حضرتك الي بتشرتيه من السوق كل يوم مش الفلاحة بتيجي من الغيط بعربية بيتحطلها بانزين ...

يا عااااااااااالم فوقوا حرام عليكم ... انا بتكلم وياريت الناس تحسبها بدل ما بيقلك مظاهرة عشان مرشح بتاع.... مفيش حد فيهم عملنا قرارا مفيد ولا حتى سمعنى رأيه في اي زفت من الي بيحصل ....

بجد حسيب الله و نعم الوكيل ... ياربببببببببببب تولانا و ارحمنا من العيشة ديه ...

**windofchange** · 03-05-2012 11:43 PM

المفروض ان القرار ده كويس بالنسبة له وحالته المادية والعملية يبص للي تحت منه اللي بيستخدم العربية اكتر منه وفالآخر نقول حديث الحبيب صلي الله عليه وسلم "لن يؤمن احدكم حتي يحب لأخيه مايحب لنفسه" حسبي الله ونعم الوكيل ....... الثورة مستمرة لغاية مالبلد تنضف من الحرامية

**Deshahcoka** · 03-05-2012 11:54 PM

المشاركة الأصلية كتبت بواسطة windofchange

المفروض ان القرار ده كويس بالنسبة له وحالته المادية والعملية يبص للي تحت منه اللي بيستخدم العربية اكتر منه وفالآخر نقول حديث الحبيب صلي الله عليه وسلم "لن يؤمن احدكم حتي يحب لأخيه مايحب لنفسه" حسبي الله ونعم الوكيل ....... الثورة مستمرة لغاية مالبلد تنضف من الحرامية

بس تصدق مش عارف ليه مش حاسس انها حتنضف :) خلاص بقى

الموضوع: وزير البترول يناقش اليوم صرف البنزين بكوبونات لرفع الدعم عن البنزين

LinkBack

أدوات الموضوع

عرض

-

-

-

-

-

المواضيع المتشابهه

وزير البترول و حكاية رفع الدعم دى هيجنونى

سيارات 1600 سي سي فقط من يستحق الدعم -على لسان وزير البترول

وزير البترول: لن يتم المساس بأسعار البنزين

وزير البترول: مناقشات فى مجلس الوزراء حول أسعار البنزين والسولار والبوتاجاز

الكلمات الدلالية لهذا الموضوع

المفضلات

المفضلات

ضوابط المشاركة