الموضوع: استفسار بخصوص البيع ارجو الرد بسرعة

المشاركة الأصلية كتبت بواسطة hugan

انت انسان محترم
الاشكال الضاله دي لازم تتعلم ازاي يكون التعامل بين البشر
هم ملزم انه يرجع لك العربيه زي ما ستلمها

انت الاحسن اخي هوجان والشيك اتوقف بالفعل والعربية لسه متصلحتش مستني لما يرجع الباشا من الشغل اللي هو فيه برة الشركة على نهاية الاسبوع بامر الله بس ان شاء الله هتنتهي على خير وشكرا لكل من اهتم ورد بشكركم من القلب

المشاركة الأصلية كتبت بواسطة mhdeeb

العقد بيكون فيه شرط جزاء للشخص اللى يرجع في البيعة والمفروض بيكون من 2000 جنية إلى 3000 جنية واعتقد ان سواء مكتوب او غيرمكتوب لازم تخصم منه مبلغ لا يقل عن 75% من اصلاح التلفيات التى قام بها على الاقل وربنا يوفقك

اشكر لحضرتك الرد والمعلومة دي بس لعدة اسباب انا مقدرش اعمل كده اولا الفلوس دي حرام اخدها وانا مش بستحقها لاني برفض مبدأ اني اعمل شرط جزاء على واحد اشترى وحب يرجع لاني اكره لو انا مكانه يتعمل بيا كده اما بالنسبة لخصم مبلغ التلفيات ونسبته فده اكيد حقي ومفيهوش حاجة بس انا لحد دلوقتي معرفش هو نيته ايه فبتأمل من الله احسان الظن يكون بمحله ان شاء الله ومنتظر عودته من المهمة بالسلامة على نهاية الاسبوع وهبلغكم اكيد بالتطورات والعربية لسه متوقفه على عودته ومعرف ده صح ولا غلط انا لسه موقف اصلاحها لحين رجوعه.
بالنهاية لا يسعني الا شكرك وتشريفك وردك .

المشاركة الأصلية كتبت بواسطة a.saad

اسمح لى اطلب انى اتعرف عليك
لانك انسان محترم بزيادة
ربنا يكرمك انت احسن اخي الكريم وده يشرفني اني اتعرف على حضرتك اكيد
بس خدها من واحد كان محترم زيك واتعلم ان فيه ناس مش ينفع معاها احترامك
وحضرتك ان شاء الله لسه محترم جدا واكثر مني كمان وده واضح من كلام حضرتك
الشيك يتوقف
ده تم والحمد لله من قبل الصرف
تدخل صاحبك فى الموضوع على عينى وراسى وتقوله كدة
هو مش تخلى عني بحمد الله وهو من نفسه عامل الموضوع والله كانها عربيته واكثر يمكن مش تصدقني بحس انه متدايق اكثر مني انا لانضغاط شغلي بنسى شوية ومش بفكر بالموضوع ده اوقات كثير بس حاسس انه محرج جدا مني وعايز يعمل اي حاجة وانا مبحاولش اشيل احساسه ده بصراحة يمكن دي انانية مني بس عايزه يحس بمسؤلية اكبر ويتعلم من دي وان وصلت لحد ان الراجل ينفض وصاحبي اللي يدفع اكيد انا مش هرضى ده باي حال من الاحوال لانه مش ذنبه كمان.
بس هو مش هيغصب الزميل ده انه يجيب منه فلوسك
ان شاء الله زميلنا مش هيحتاج لده صحيح انا اعرفه من بعيد بس كنت بقابله دايما في اعتكاف رمضان اللي بنعمله بمسجد الشركة وفي موائد الرحمن اللي بتنظمها شركتنا وهو من اصحاب البر ان شاء الله وهيراجع نفسه املي بربنا كبير
او حتى مكنش هيعرف يجيب عربيتك لو فلوسك كانت راحت له
كنت هتلاقى العربية معاه شغاله ببلاش
دي مش فاهم قصد حضرتك فيها بامانة
وممكن يطلع سمعة عليك فى شغلك انك غشيته فيها
بدي ميقدرش لعدة اسباب اولا معتقدش ده بطبعه وتانيا انا مش غشيته بحاجة وربنا يشهد ده حتى استخدم هزاري وانتقادي لعربيتي اللي الشركة كلها عارفاه من لساني بتخفيض السعر وطلب مني بفتكر اني مقولش سعر بيعها الحقيقي!!! ابدا لحد وامني على ده ومع استغرابي وافقت خاصة ان السعر مناسب بنظري او على الاقل خسارتي مش كبيرة عن ما اشتريت بغض النظر عن الاصلاحات واللوازم اللي عملتها .
والسبب الثالث اني تقريبا مش انا اللي بعت العربية قد ما صاحبي اللي كان بيبيع لخبرته بالموضوع ده وخبرتي المنعدمة والحمد لله ولما اشتريتها اساسا وكنت خلاص موافق على السعر ربنا بعتلي ابن حلال قلي لا مش تشتري واصبر والله الراجل ده ما بعرفه ولا عمري شفته ولله في الله نزلي من المعرض اللي اشتريت منه مبلغ مش بسيط ايامها وكان معايا وانا بفحصها واصر اننا نفحصها باكثر من مكان ربنا يرحمه ويتغمده بواسع مغفرته واصر كمان اني اسجل باسمي مش تفضل باسم المالك. والحمد لله ربنا دايما بيوقف لي ولاد حلال زي حضرتكم .
واعرف ان كلامه مش من دماغه
غالبا ده راى المدام
مع اقتناعي بده بس مينفعش اقوله ومليش فيه
ومعتقدش ان ليه فى العربيات
انت تقوله حاجة
انا كدة بشتريها منك تانى يبقى اقدرها بعد تلفياتك
ان شاء الله رب العالمين لما يرجع بالسلامة هنقعد معاه واقوله الكلام ده او اخصم جزأ من الاصلاح او زي ما تحكم الناس لان والده عنده علم بالقصة ومش مبسوط منها ابدا واتصل وطمني ان حقي هيرجع كامل والله بدون حتى ما اكلمه بس صاحبي بيجري بكل طريقة بقى يصعب عليا .
او
اعتبرها بترجع فى البيعة يبقى
شرط جزائى
انا برفض الفكرة دي وبستحرمها على نفسي بصراحة ودي مش نموذجية مني ولا شي بس فلوس متعبتش فيها علشان لما يرجعها اخسره فيها تبقى حرام والله اعلم بس الاصلاح اتفق مع حضرتك فيه
وكمان فلوس التصليح
بس ياريت توضح موقف ورق العربية ايه
العربية رخصتها باسمي وده بفضل واحد ابن حلال كان السبب ربنا يرحمه
يعنى فيها توكيل ولا عقد ابتدائى ولا خدها منك ازاى
هو كان مقترح يجيب ورقتين من مكتبة جاهزين او نكتب ورقة بينا وخلاص وانا رفضت يومها وكنت جبت عقد من النت من موقع ممكن ابعتلك نسخة منه بعد طبعا ما عدلنا فيه شوية حجات زي بيانات العربية والاسم والبملغ ألخ ..... مع ملاحظة انه حط مبلغ اقل من ثمنها الاصلي بالعقد وقلي كل البيع دلوقتي كده واسأل واتحط فيه 40 الف اللي هو دقعهم وقال عند التسجيل بنغير العقد وبتاخد كل حقك.
انا دمى اتحرق

وسلامة دمك من الحرق يا باشا صدقني انا بتدايق لما الاقي حد متدايق بسببي واعتذر عن ده
انا حطيت اللي حصلي علشان اللي معندوش خبرة زيي وجهل بالامور دي يتعلم من تجربتي وكلي ثقة ان الله مش هيخيب ظني وان الحق راجع راجع بامر الله.

اسف جدا على الاطالة بس حبيت ادي حضرتك الصورة الكاملة . وشكرا