استفسار بخصوص البيع ارجو الرد بسرعة

**Inteltech** · 03-05-2012 04:11 PM

بداية السلام عليكم ورحمة الله وبركاته اخوتي الكرام

الموضوع اللي هكلمكم فيه دلوقتي فعلا مزهقني ومدايقني فقلت افضفض فيه مع حضراتكم وان كان يصح يحصل كده او انا اضحك عليا

كنت حطيت بمشاركة قبل كده اني بعت عربيتي الاودي علشان كانت بصراحة مغلباني ومزهقاني بقطع الغيار بتاعتها لواحد زميل لينا بالشغل عن طريق صديق مشترك لينا لكن هو بيشتغل بقطاع تاني بمكان تاني بالشركة وبالفعل اتفقنا وضغط علي بالسعر ولما عرف اني ببيع لاني هشتري زيرو وانا وافقت عن طيب نية وخد العربية وفحصها باكثر من مكان لوحده ومكنتش معاه اساسا
وبالنهاية قلي معلش اصل الفلوس مش متوفرة معايا دلوقتي فهديلك جزا منها والباقي هكمله ليك على اول شهر مايو يعني اليومين دول وصاحبي كان شاهد على الكلام ده وكله تمام
المهم اتفقنا واخدت المقدم اللي هو 40 الف جنيه وحطيته مع فلوس كانت جاية لي وجهزته كمقدم لواحدة من العربيات اللي سالت حضرتكم اختار مين فيهم بمشاركة ليا قبل كده المهم بقى لما كلمته النهاردة الصبح بدري لقيته بيقولي لا انا اصلي مش عايز العربية والجماعة في البيت مش حابينها خصوصا انها اتحكت كده حكة على الماشي واحنا طالعين فيها امبارح قلت له ماشي مفيش مشاكل يا باشا وربنا يكرمك باحسن منها هاتها وخد فلوسك مفيش مشاكل وادى العربية لصاحبي على اساسا يجيبها لي وانا بعتله الفلوس على حسابه بالبنك بشيك حتى قبل ما استلم عربيتي علشان الثقة اننا بشركة واحدة وصاحبي بعتها لنا الشركة مع سواق من القطاع بتاعهم
الصدمة بقى
العربية جاتلي فيها مشكلة كبيرة في الفتيس يعني العربية مش بتنقل غيارات وهي على الدي الا ما بين اول وتاني وبتنتش كده والخبطة الخفيفة اللي بيقول عليها جابتها مفيهاش فانوس قدام
والاكصدام مكسور !!!!! ويقولي يا عم هي العربيات دي ورق !!!!!!!!!!!!! لو الاودي ورق الصيني والكوري ايه ...؟؟؟
اتجننت بكلمه على الفتيس ده كان كده من الاول !!!!!!!!!!!!!!! مع اني والله عامل صيانة شاملة قبل ما اديهاله وكنت ناوي ازبطها لنفسي واصبر شوية على الزيرو علشان وضع البلد

دلوقتي قدامي حلين اما اني الغي قصة الزيرو وخصوصا اني رجعت للراجل فلوسه واخليها معايا لحد ما تفرج او اني اجيب الزيرو بقى والعربية دي اخليها للمشاوير والسفر والزيرو اخليها على قد المشاوير الخفيقة بس طبعا بدل ما اجيب النترا فولي لودد هكتفي بقى بفيرنا ولا اكسنت
اسف جدا على الاطالة ومستني ردود حضرتكم عليا وعلى كل حال العربية دلوقتي بتتعمل لاني اديتها لسواق عندي بالشركة يصلحها ويعمل اللازم لعدم توفر الوقت اني اطلع من المكتب وشكرا

وسؤالي هو انا غلطت بايه علشان الناس تتعلم من غلطي وشكرا ملاحظة انا لما كلمت المهندس زميلي اتضح لي انه حتى مش شاف العربية لما جت مجرد ما جت كلف سواق يجيبها لي والله حاجة تحرق الدم
المفجاة التانية السواق بيقولي حالا على الموبايل ان التكييف كمان بايظ ؟؟ انا كرهت العربية دي وكرهت البيع والله سامحوني كلامي مش مترتب لان فعلا تفكيري اتشتت ومفكر اوقف الشيك قبل ما ينزل بحسابه بس مستعيبها اوي ومتهيالي كمان ان الاوان فات دلوقتي !!!

**aboomar22** · 03-05-2012 08:02 PM

والله انت رجل محترم جدا ونوع مش موجود دلوقتى فى الزمن ياسيدى هو اخد العربية وراح كشف عليها فى مركز فنى وبراحتة كمان يعنى كده انت مش مسئول عن اى عيب ممكن يظهر فيها بعد كده لانه بيشترى مستعمل مش زيرو بالضمان معقول فيه كده يخبط العربية ويبوز الفتيس ويرجعها بالطريقة دى انت المفروض ليك عنده فلوس مش عربية لان البيعة تمت بالاتفاق واستلام العربية ولا يحق له ارجاع العربية الا اذا تراضيتم حسب الحالة التى وصلت اليها السيارة مافعلة زميلك لا يرضى الله الخلاصة انت شخصية نادرة مش للزمن ده ربنا يعوض عليك بخير منها ويبارك فيها بس انت برضه لازم تفهموا غلطة ان كده لايصح

**moh_faheem** · 04-05-2012 01:55 AM

مش معقولة انت راجل من زمن تاااااااااانى خالص
ازاى يعنى تدفع الفلوس من غير ما تشوف العربية بتاعتك
ومتزعلش منى ايه الشخصية اللى اشترت العربية دى
دى شخصية تيييييييييييييت اوى اوى
لازم طبعا تجيب صاحبك الشاهد بينكم
وياخذ الراجل اللى اشترى العربية ورجعها ويدفع تكاليف اصلاحها بالكامل
وحاول تاخذ ىحقك منه
علشان ده انسان مستهتر وانتهازى
وغير امين على اشياء الناس
واستغل ثقة حضريتيك اسواء استغلال
فمعلش اوعى تسيب حقك لازم تاخذة منه
وبصراحة انت لازم تغير تعاملاتك مع الشخص ده
او اقطع علاقتك بيه بس بردوا بعد ما تاخذ حقك
وانا اسف على التطويل
بس بجد دمى اتحرق
وتفضل بقبول خالص تحياتى
ولازم تقول علمت ايه مع الشخص ده

**Inteltech** · 04-05-2012 02:57 AM

المشاركة الأصلية كتبت بواسطة aboomar22

والله انت رجل محترم جدا ونوع مش موجود دلوقتى فى الزمن ياسيدى هو اخد العربية وراح كشف عليها فى مركز فنى وبراحتة كمان يعنى كده انت مش مسئول عن اى عيب ممكن يظهر فيها بعد كده لانه بيشترى مستعمل مش زيرو بالضمان معقول فيه كده يخبط العربية ويبوز الفتيس ويرجعها بالطريقة دى انت المفروض ليك عنده فلوس مش عربية لان البيعة تمت بالاتفاق واستلام العربية ولا يحق له ارجاع العربية الا اذا تراضيتم حسب الحالة التى وصلت اليها السيارة مافعلة زميلك لا يرضى الله الخلاصة انت شخصية نادرة مش للزمن ده ربنا يعوض عليك بخير منها ويبارك فيها بس انت برضه لازم تفهموا غلطة ان كده لايصح

اشكر حضرتك على الرد المفعم بالمجاملة التي لا استحقها وانت احسن اخي الكريم كل الحكاية دي احراج في احراج وثقة زيادة عن اللازم يمكن لاننا بنفس الشركة من سنين على كل حال انا مش نادم وان شاء الله هتصل بصاحبي فعلا النهاردة بعد صلاة الجمعة وافهمه الوضع بالزبط ايه واخده كمان الورشة يشوف العربية معايا وانا متاكد انه مش هييعجبه الحال ده ابدا ولازم هيتصرف مع الطرف اللي هو جايبه وهعرفكم ايه اللي هيحصل معايا بالزبط شكرا لكل مشاعركم الجميلة والاخوية الصادقة

**Inteltech** · 04-05-2012 03:03 AM

المشاركة الأصلية كتبت بواسطة moh_faheem

مش معقولة انت راجل من زمن تاااااااااانى خالص
ازاى يعنى تدفع الفلوس من غير ما تشوف العربية بتاعتك
ومتزعلش منى ايه الشخصية اللى اشترت العربية دى
دى شخصية تيييييييييييييت اوى اوى
لازم طبعا تجيب صاحبك الشاهد بينكم
وياخذ الراجل اللى اشترى العربية ورجعها ويدفع تكاليف اصلاحها بالكامل
وحاول تاخذ ىحقك منه
علشان ده انسان مستهتر وانتهازى
وغير امين على اشياء الناس
واستغل ثقة حضريتيك اسواء استغلال
فمعلش اوعى تسيب حقك لازم تاخذة منه
وبصراحة انت لازم تغير تعاملاتك مع الشخص ده
او اقطع علاقتك بيه بس بردوا بعد ما تاخذ حقك
وانا اسف على التطويل
بس بجد دمى اتحرق
وتفضل بقبول خالص تحياتى
ولازم تقول علمت ايه مع الشخص ده

متشكر لرد حضرتك ولتفاعلك الصادق كمان بس مش تتنرفز تصدق لما انت تنرفزت انا كمان بحس اني اضحك عليا بس اكيد صاحبي مش هيرضيه الوضع ده وانا بكرة ان شاء الله هجيبه يشوف الحكاية دي بنفسه ونشوف ايه هيكون بس انا مش نادم ولا هخسر صاحبي وتصدق بالله انا لحد دلوقتي مش عارف لا ازاي ولا حتى فكرت وانا بدي الفلوس قبل حتى ما استلم وازاي حتى وافقت على اني ارجع وانا خلاص بعت بس يمكن لاني معنديش والله حتى وقت افكر لضغط الشغل ومشاكله او يمكن هي ثقة زيادة انا حبيت انقل اللي حصل معايا بامانة ربنا وزي ما حصل علشان محدش يوقع باللي انا وقعت فيه واهو الواحد بيتعلم وشكرا مرة تانية دمتم بود

**samoreception** · 04-05-2012 05:13 AM

اول حاجة تعملها لازززززم توقف صرف الشيك فوررررررررا وبعدين يحلها ربنا وحقك يرجعلك

**Land_Cruiser** · 04-05-2012 05:33 AM

اضعف الايمان. انه يصلحلك اللى بوظه ده حضرتك ليس لك ذنب فى التلفيات دى و تخصم تمن التصليح من الفلوس اللى ادهالك طالما ان حضرتك متأكد ان الحاجات دى هو اللى بوظها و ممن تدخل اللى اتوسط ما بينكم طرف تحكيم و برضه حضرتك كده هتبقى عامل خاطر لصديقك لانك رضيت ترجع له العربيه اصلا بعد ما بعتها له و ليه عتاب صغير لحضرتك تبيع اودى برضه علشان هيونداى فوللى لودد؟

**Inteltech** · 04-05-2012 04:33 PM

المشاركة الأصلية كتبت بواسطة samoreception

اول حاجة تعملها لازززززم توقف صرف الشيك فوررررررررا وبعدين يحلها ربنا وحقك يرجعلك

شكرا لرد حضرتك ولسه في قدامي ان اوقف الشيك ده خصوصا ان تاريخ استحقاقه يوم 7 مايو بس انا مستعيب اوي الحكاية دي زي ما قلت باول مرة معلش انا بتعلم من حضراتكم لان دي اول مرة ابيع فيها عربية بنفسي وفعلا الموضوع ده اصعب من الكلام

**Inteltech** · 04-05-2012 04:46 PM

المشاركة الأصلية كتبت بواسطة land_cruiser

اضعف الايمان. انه يصلحلك اللى بوظه ده حضرتك ليس لك ذنب فى التلفيات دى و تخصم تمن التصليح من الفلوس اللى ادهالك طالما ان حضرتك متأكد ان الحاجات دى هو اللى بوظها و ممن تدخل اللى اتوسط ما بينكم طرف تحكيم و برضه حضرتك كده هتبقى عامل خاطر لصديقك لانك رضيت ترجع له العربيه اصلا بعد ما بعتها له و ليه عتاب صغير لحضرتك تبيع اودى برضه علشان هيونداى فوللى لودد؟

مشتكر لرد حضرتك عليا وانا فعلا اتصلت واتقابلت مع صاحبي النهاردة بعد صلاة الجمعة ولسه يدوب جاي من شوية وبقى هو متدايق وزعلان جدا ونهاية الكلام قلي دلوقتي العربية بتاعته واحنا ملناش فيه حتى انها ترجع مش هنرجع وبقية فلوسك هتجيلك كمان لو هدفعها انا انا مش عاجبني حكاية حتى لو هيدفعها هو بس انا سكت معلقتش على الكلام ده
اللي كان شوية مخليني احسن ومتفائل ان صاحبي كان معاه وهو بيجرب العربية ومكنش بيها لوحده زي ما كنت فاكر وعارف كل حاجة عن العربية قبل وبعد مع اني استعيبت جدا انه مشيكش على العربية قبل ما يبعتها لي من عنده مع السواق والراجل اعتذر وقال انه مكنش بالشركة وقتها وعلشان مش يتاخر عليا بعتها على طول
المهم بالحكاية دي بقى دلوقتي والخلاصة ان الحمد لله ربنا وقف لي صاحب في الدنيا دي ابن حلال نهاية كلامه قال حتى لو انت وافقت انك ترجعله العربية انا مش هوافق ومتقلقش كل حقك هتاخده

اما بالنسبة لسؤال حضرتك حد ينزل من اودي لكوري هقول لحضرتك لان الاودي بالتحديد مظلومة جدا بمصر مع الميكانيكة وقطع الغيار وصدقني التجربة اثبتت لي ان عربية صيني زيرو هتديك سنة واتنين احسن من الماني له 14 سنة ودي وجهات نظر
واخيرا اشكر كل من ساعدني من حضراتكم واهتم او حتى دخل ومعلقش .

**moh_faheem** · 05-05-2012 01:13 AM

الحمد لله ان صاحبك راجل محترم زى حضريتيك
والحمد لله انه شاهد على كل حاجة وطبعا مش راضى بالظلم ده
واخيرا الحمد لله انها جت على اد كدة بس يارب نتعلم
وبجد انا اتشرفت بمعرفة حضريتيك
وربنا يدوم المعروف والخير بين ابناء هذا المنتدى الجميل
اخوك محمد فهيم