فكرة بعشرا مليون جنيه واتمنى المنتدى ينفذها

**mmosly** · 03-05-2012 04:35 PM

بسم الله الرحمن الرحيم

السلام عليكم ورحمة الله وبركاتة

عندى فكره حلوه جدا واظنها حتعجبكم واتمنى من كريم باشا يتبنها ويحاول ينفذها

بختصار انا كنت بغير اسطوانة للعربية فشتريت طقم دبرياج

وبرده كان عندى عمود التيكهات فيه مسمار مكسور طبعا ملقتش المسمار لوحده اجبرت انى اشترى عامود استراد كامل

وقلت ياد اصرف شويه لان العربية عايزه مساعدين ورا وادام كبالن وقصص كده

بس فى بعض القطع دى ماشى حالها يعنى ممكن تستحمل اد شهر كمان ولا كمان مطبين ثلاثه من الى بكلهم كل يوم لانى مش بشوف المطبات اساسا. المهم

لقيت نفسى بغير الاسطوانة والبلية والديسك والى بيايظ الاسطوانة بس

ولقيت نفسى حجيب مساعدين جداد والى عندى لسه ماشى حالهم شويه يعنى مش او ى

وفكرت وقلت لو كل واحد صلح الميكانيكى طلب منه قطعه معينه زى مثلا المسمار الى قلت عليه دا بتاع عامود التكيهات

ولا واحد مش معاه فلوس بس المساعد بتاعه اتكسر وعايز واحده لحد ما يجيب واحد جديد كمان شهر ولا اتنين

ليه احنا بقى كل قسم هنا يابانى ولا المانى ولا ايطالى ولا هندى

كل ما يصلح او يغير حاجه يحتفظ بالقطعه القديمه ويبقى فى موضوع هنا لكل عربية او لكل قسم

فى اعلان انا مثلا محمد عندى ديسك سليم مساعد سليم عامود تيكهات اى حد عايز مسمار

طقم كهربا فى منه سليم وجبته كله جديد كده يعنى

واهو نوفر شويه بدل ما الحاجه تبقى واقفه على حته صغيره اوى ويبقى لازم نشترى الطقم كله علشان حاجه بسيطه ويقولك والله يا باشا مفيش الحته دى اشترى الطقم كله

ارجو تكون الفكره كويسه وتعجبكم واى حد حابب يطور فى الفكره اهلا بيه

**AhMeD MeTwAlY** · 03-05-2012 04:43 PM

فكره جامده فعلا وبحيك علي تفكيرك
ديما الابداع يخرج من اصحاب الفليشيا يا زومل

**N.a.j.d** · 03-05-2012 04:53 PM

فكره جامده اوي والله كل الاحترام لحضرتك ع التفكير السليم دا

**mmosly** · 03-05-2012 05:05 PM

فكره جامده فعلا وبحيك علي تفكيرك
ديما الابداع يخرج من اصحاب الفليشيا يا زومل

ربنا يبارك فيك ويبارك لك فى الفليشيا بتعتك

فكره جامده اوي والله كل الاحترام لحضرتك ع التفكير السليم دا

ربنا يكرمك ويبارك فيك على الاطراء دا

ناس كتير والله بتبقى مزنقه معاها على الاخر والعربية بتعملها كده فدا يبقى تكافل جميل كده

وكده كده الواحد بيبقى حسيب الحاجات دى للميكانيكى او العفشجى او الكهربائى او اى حد يعنى

فتبقى مجانا لأخونا . علشان حتى ربنا يبارك لنا فى العربيه