ياجماعة لو حد يعرف صيانة ٨٠،٠٠٠٠ للكرولا ٢٠٠٩ بيتم فيها ايه وبتكون بكام فالتوكيل يكون كتر خيره :)
بصراحة انا مستخصر اعميلها فالتوكيل ولا ايه رئيكم؟
عرض للطباعة
ياجماعة لو حد يعرف صيانة ٨٠،٠٠٠٠ للكرولا ٢٠٠٩ بيتم فيها ايه وبتكون بكام فالتوكيل يكون كتر خيره :)
بصراحة انا مستخصر اعميلها فالتوكيل ولا ايه رئيكم؟
منور يا باشا
انا بردوا المفروض كنت عملت صيانة 80 الف بس موديل 04
ومعملتش
ربنا يوفقك وتم علي خير
السلام عليكم
لسة الناهرده عملت صيانة ال 60 الف
تغيير زيت 10000 وفلتر بنزين وبوجيهات وتربيط عفشة وكشف على العربية
صيانة ال 80 الف الى سمعته عنها بيغيرو فلتر البنزين وتمنه 800 جنيييييييييه !!!!!!! :rfds:
والله اعلم
المصلحة الى جت الناهرده انى قولتله يبص على طقم الدبرياج وفعـلا عايزة طقم دبرياج وهتتعمل فى
الضمـان بس لازم ابيت العربية يوم
ممكن حضرتك تتصل بيهم وتسألهم ايه الى بيتم بالضبط بس موضوع فلتر البنزين سمعته من واحد جوا
الصيانات اللى زي ال 40.000 وال 80.000
تسمى بالصيانات الكبيرة بمعنى انه بيتم فيها تغيير حجات كتير
غير الصيانات العادية 20.000 و 30.000 بتبقى الصيانة مجرد فحص للفلاتر والزيوت
فلو فيه امكانية انك تعملها في التوكيل هيكون افضل واحسن طبعا
وغالبا بيتم فيها تغيير التالي
زيت ماتور
فلتر زيت
فلتر هوا
فلتر بنزين
سير المجموعة
بوجيهات
غالبا كمان بيغيرو زيت الفرامل
بيغير دورة التبريد وبينضفها
دي تقريبا الحجات اللى بتتعمل ومش متاكد ان كان فيه حاجة زيادة عن كدة او حاجة مش بتتغير
بس ده اللى غالبا بيتغير في الصيانات الكبيرة للتويوتا بشكل عمومي " كورولا قديم وجديد وياريس"
المشكلة إن هنا كل واحد هيقولك على صيانة ال 80 بتاعت عربيته (أو بتاعت واحد صاحبه لو معندوش عربية)
هو الأفضل طبعا إنك تبص في الكتالوج الا بقى لو صاحبها الأولاني مدهولكش
عامة البوجيهات كل 100 مش كل 80
المية الفبريكة أول مرة عند 160 و بعدين كل 80
زيت الفرامل كل 30 يعني مفروض عند ال 90
و فلتر البنزين بيتغير كل 75 و بيبقى في واحد كمان في التنك بيتغير
امممم حضرتك معاك تويوتا علي كده
؟؟؟؟؟؟؟
الف شكر ياجماعة على تعاونكم. انا حجزت للصيانة فالتوكيل يوم الخميس، وانشاء الله هقولكم التفاصيل والاسعار بالظبط.
موفق ان شاء الله
اخي الكريم
في انتظار ردك علشان لو حد فكر يعملها يبقي علي علم
تحياتي
شوف كده بنفسك عشان تبقى عارف من بيفتي و من بيقول الصح :grin54:اقتباس:
المشاركة الأصلية كتبت بواسطة ahmed1006
مش شرط يكون معايا كورولا بس أنا عشان أرد على حاجة زي كده لازم يكون عندي الأدلة يا إما ولا كأني شفت الموضوع, انما ادخل اقول أي حاجة و خلاص عشان اسمي بشارك مع الرجل (و ده إحساس كويس بس في النهاية أنا بضلله) يبقى بلاها.
http://i664.photobucket.com/albums/v...s/IMG_2622.jpg
http://i664.photobucket.com/albums/v...s/IMG_2623.jpg
http://i664.photobucket.com/albums/v...s/IMG_2624.jpg
http://i664.photobucket.com/albums/v...s/IMG_2625.jpg
مش تضليل بس بنفعل روح التعاون
وانا مقولتش ان حضرتك بتتكلم بدون علم
تحياتي اخي الكريم
بس ومع ذلك ماجوبتش على اخونا احمد يا استاذي الكريم. حضرتك معاك تويوتا ؟؟؟
ثم حضرتك مفيش حد بيضلل حد هنا عندنا في القسم ولكن روح التعاون. الاستاذ صاحب الموضوع سئل سؤال وهو عارف ومتاكد اننا هنا قسم اصحاب تويوتا وملكها مش توكيل تويوتا. ، ومفيش حد ميكانيكي فينا ولا كهربائي ولا احنا بتوع كوفته كمان ، فهو حب ياخود اراء الاعضاء ويسئلهم انتو غيرتو ايه في الصيانه بتاعت التوكيل !!!!
علشان ياخود فكرة وميتفاجئش بحاجة في التوكيل ويخبط على صدرو ويشهق ويقول هاااااااااااااي. ينهر ازرق الفاتورة عليه كده ليه فبيحضر نفسو لصدمت التوكيل. او لو عاوز يعمل الصيانة برة التوكيل علشان يوفر نفيدو ونقلو يعمل ايه بالزبط .... وهو الي بيسئل وكلنا هنا بنجاوب وبنساعد على حدود علمنا. يعني لا احنا بنفتي. ولا بنألف ولا قاعدين بنهجص .... ووالله لو مش مصدق اننا ملاك تويوتا. تعاله يوم الخميس وشوف عربيتنا. وعاينها بنفسك اذا كانت تويوتا. ولا تووك تووك وحاطين عليه الشعار هههههه. وتحياتي. وياريت تخليك ايزي ميزي كده ياباشا
انا عملت الصيانة الحمد لله وعملت تقرير صغير عنه
http://www.nilemotors.net/Nile/28802...00-2009-a.html
انا عندي ملحوظة صغيرة وماعرفش يصراحة اذا كانت صح ولا غلط ... بس انا بشوف ان اغلب الماركات الكويسة التانية صيانتها معروفة بجداولها واللي بيتغير فيها او ممكن يتبص عليه واسعارها كمان انما التويوتا اغلب ملاكها مايعرفوش المواعيد ولا ايه اللي بيحصل واعتقد احيانا انها مش ثابته في كل مكان وفي التوكيل مابيحاولش يفهمك برضه