مقارنة بين فيستا و ميجان و بولو و ابيزا

الى السادة الخبراء عايز لو سمحتوا مقارنة كاملة بين فورد فيستا و رينو ميجان و سيات ابيزا و فولكس بولو و كلهم طبعا موديل 2012 و لكم جزيل الشكر

مبدئياً العربيات دول مش كلهم فئة واحدة ، الفيستا والبولو والابيزا فئة والميجان فئة تانية
التلاتة إلي في الاول دول super mini ، يعني عربيات صغيرة حجماً ومعموله أصلاً عشان الشباب أو عائلات صغيرة ، والتانية compact car يعني حجم أكبر شوية ، مناسب لعيلة ، وبالتالي هتلاقي الشنطة أكبر والكراسي أكبر وأوسع ، وغالباً بتنزل بموتير أقوى .

تاني نقطة البولو والابيزا واحد تقريباً ، الأساسيات كلها واحدة ، الفرق في الشكل الخارجي والداخلي فقط ، يعني فرق مظهر .

أخيراً لو محتاج مقارنة تفصلية أحسن تعمل الموضوع في قسم المقارنات ، هتلاقي ناس كتير بتشارك أكتر من هنا .

شكرا على ردك يا باشا :)

الميجان فئة تانية وسعر تاني
انا افضل الفييستا ثم البولو

متابع...
بأهتمام...
موفق ان شاء الله

انا داخل بس اقلك لو جبت فيستا يبقي هترمي فلوسك في الارض سلام عليكم

اقتباس:

---

المشاركة الأصلية كتبت بواسطة ahmed_nubira

انا داخل بس اقلك لو جبت فيستا يبقي هترمي فلوسك في الارض سلام عليكم

---

ليييييييييييه يا عم احمد كده هو هيجيب اسبرانزا ؟
ده لو قلنا انه مش بيفكر في البيع الا بعد 5 سنين مثلا

شكرا يا جماعة على الاهتمام ...بس حبيت أقول للأستاذ أحمد عزت وجهة نظر حضرتك تحترم لو هابيع بسرعة بس لو على الكفاءة اكيد الفورد فيستا مفيهاش رمي فلوس على الأرض و الفورد او السيات او الرينو او الفولكس كلها عربيات محترمة من كل النواحي تكنولوجيا و تقفيل و أمااااااااان و دي حاجة محدش بيبصلها خالص في مصر و لا تقارن باي عربية كوري او ياباني من نفس الفئة طبعا