فوكاس 2012 عاملالى خرم فى دماغى :d

السلام عليكم . انا بدور فى الفورد الجديدة بجد حاجة وهمية و تحفة جميلة جدا بس عندى شوية اسئلة يا ريت اللى شاف العربية يقولى
1- ايه نظام بنزين 92 مع العربية ( ده مش استخسار على فكرة ) انا فى اسيوط و لسة منزلش عندنا بنزين 95 اساسا بالنسبالنا كصعايدة يعتبر رفاهية زيادة مش محتاجينها ههههههه
2- سمعت عن انشاء مركز خدمة معتمد للصعيد ياريت لو حد عنده معلومة
3- الكنبة الخلفية نظامها ايه لاننا هنجيب عربية للعيلة يعنى المفروض انها تشيل 5 افراد مرتاح
4- انا غالبا ناوى على فئة 165000 دى يا ترى كماليتها ايه يعنى هلاقى فيها باركنج سنسور و بلوتوث ولا انقل على ال 180000 :d
شكرا و اسف للاطالة

العربية تمشي ب 92 و أنا في سوهاج على فكرة و خلاص هاحجزها الأسبوع الجاي ان شاء الله...
يا ريت لو عرفت انت عن مركز الخدمة تطمني عشان أنا مرعوب من السفر مصر كل شوية
الكنبة يقال ضيقة بس أكيد مش أضيق من الفانتازيا
يا الفئة ال180 يا بلاش هي ال 180 أنسب واحدة بصراحة

الف شكر لسرعة ردك
هو انا سمعت عن ان فى مركز خدمة معتمد هيبقى فى اسيوط خلال شهور قليلة

هى فئة ال 165000 تنقص ايه عن ال 180000 بالظبط لو امكن

اقتباس:

---

المشاركة الأصلية كتبت بواسطة midobond

هى فئة ال 165000 تنقص ايه عن ال 180000 بالظبط لو امكن

---

فيه فروق كتير اوى و كمان فرق فلوس انما لو مكانك انا مش هاتردد ان اجيب 180,000 عربيه تانيه

وده لينك بالفروق

https://docs.google.com/file/d/0B8BI...6dw/edit?pli=1

+1+1+1+1+1

اقتباس:

---

المشاركة الأصلية كتبت بواسطة olver

فيه فروق كتير اوى و كمان فرق فلوس انما لو مكانك انا مش هاتردد ان اجيب 180,000 عربيه تانيه

وده لينك بالفروق

https://docs.google.com/file/d/0b8bi...6dw/edit?pli=1

---

الف شكر يا باشا انت عارف انا لقيت الصفحة دى صدفة من اسبوعين كده و من ساعتها عمال ادور عليها مش لاقيها :d شكرا

توكل على الله وهات اللي ب 180 , والاحسن تجيب الهاتشباك ب 185 , شكل احسن وشنطة اكبر خصوصا لما تنزل الكراسي , وان شاء الله مستنيين تقرير مفصل وحصري من حضرتك

بالتوفيق ان شاء الله

اقتباس:

---

المشاركة الأصلية كتبت بواسطة midobond

السلام عليكم . انا بدور فى الفورد الجديدة بجد حاجة وهمية و تحفة جميلة جدا بس عندى شوية اسئلة يا ريت اللى شاف العربية يقولى
1- ايه نظام بنزين 92 مع العربية ( ده مش استخسار على فكرة ) انا فى اسيوط و لسة منزلش عندنا بنزين 95 اساسا بالنسبالنا كصعايدة يعتبر رفاهية زيادة مش محتاجينها ههههههه
2- سمعت عن انشاء مركز خدمة معتمد للصعيد ياريت لو حد عنده معلومة
3- الكنبة الخلفية نظامها ايه لاننا هنجيب عربية للعيلة يعنى المفروض انها تشيل 5 افراد مرتاح
4- انا غالبا ناوى على فئة 165000 دى يا ترى كماليتها ايه يعنى هلاقى فيها باركنج سنسور و بلوتوث ولا انقل على ال 180000 :d
شكرا و اسف للاطالة

---

والله مافى احلى ولا احسن من التعامل مع الصعايده
على خلق واصحاب واجب وفضل

لك منى كل تحيه وتقدير لكل من فى الصعيد

اقتباس:

---

المشاركة الأصلية كتبت بواسطة _hema

والله مافى احلى ولا احسن من التعامل مع الصعايده
على خلق واصحاب واجب وفضل

لك منى كل تحيه وتقدير لكل من فى الصعيد

---

ربنا يخليك يا كبير ده بس من ذوقك :)

اقتباس:

---

المشاركة الأصلية كتبت بواسطة midobond

ربنا يخليك يا كبير ده بس من ذوقك :)

---

اشكرك على ذوقك

بس دى حقيقه مش مجامله

الناس الصعايده محترمين ومعاملاتهم حلوه وكلمتهم سيف

المشكلة للاسف ان العربية نازلة هنا بكماليات قليلة شوية , يعني حتى اعلى فئة مفيهاش كاميرا خلفية ولا بلوتوث ولا وحدات رفع

اقتباس:

---

المشاركة الأصلية كتبت بواسطة mody3on

المشكلة للاسف ان العربية نازلة هنا بكماليات قليلة شوية , يعني حتى اعلى فئة مفيهاش كاميرا خلفية ولا بلوتوث ولا وحدات رفع

---

حضرتك متأكد ان مفيش بلوتوث او وحدات رفع دى؟؟؟؟

اقتباس:

---

المشاركة الأصلية كتبت بواسطة mody3on

المشكلة للاسف ان العربية نازلة هنا بكماليات قليلة شوية , يعني حتى اعلى فئة مفيهاش كاميرا خلفية ولا بلوتوث ولا وحدات رفع

---

متن قال مافيهاش وحدات رفع......؟؟؟؟
فيها طبعا

و بالنسبة للبلوتوث؟؟

طلع فيها وحدات رفع فعلا , بس مفيش بلوتوث ولا كاميرا خلفية ( في سينسور بارك ) , عادي حاجات مقدور عليها بصراحة وسعرها ممتاز

ومين سمعك دى عاملا لى خرمين فى دماغى من الموديل اللى قبلة و خلاص كنت حاشترى واحدة كسر كسر الزيرو اعلى فئة بس الناس خوفونى كلهم محدش شجعنى عليها ومع زللك بنام و احلم بيها من الاخر عربية ,,,,, مش تقوللى الالنترا ولال 100 كورى ,,,, فعلا وعن تجربة مهدش فاهم حاجة ,,,,,,

شهادة حق وعن تجربه في المعرض وارض الواقع ..

العربية الفوكاس ضيقة من وري بشكل ملحوظ نسبيا

(( بمقارنة مع النترا 2012 ))

يعني يدوبك 2 تخان شوية و وشخص اخير في النص رفيع بالكتييييييييييييير

وعلى فكرة الفئة اللي بـ 165 الف كان فيها سينسور خلفي

ده اللي انا فاكره ..

وربنا يكتبلك اللي فيه الخير

165 الف تركب ستروين سي فور 2012 الجديدة شكلها تحفة وكماليات اكتر وقطع غاير ارخص طبعا .. عربية حكاية بمعنى الكلمة

معلومة مهمة جدا لمحبى الفوكس الجديدة , انا كنت شفتها من حوالى 3-4 شهور والكلام اللى انتم بتقولوه صح وبسبب كده انا قفلت منها وبعدين رحت من ىومين كده للطارق فى الاسكندرية وركبتها اللى هى اعلى فئة ولقيتهم زودوا اوبشنز كتير بنفس السعر منها البلوتوث والاوامر الصوتية (voice control) وجربته و كان سهل وجامد جدا يعنى اصبحت عربية مليانة اوبشنز و من رأيى ينقصها اربع حاجات بس و تبقى عربية سوبر السوبر وهى فرش الجلد و الزينون و فتحات تكييف خلفية و مفتاح بصمة
المهم انا خايف من حاجتين عشان اشتريها هما التوكيل خايف اوى منه وخصوصا انا من الاسكندرية وتانيا كمان كل ما اسأل واحد عليها يقولى التمن ده كتير اوى على فورد
انا دلوقت بصيت عليها عشان كنت ناوى اجيب مازدا 3 بس اللى انا فهمته من كل الاماكن انها مابقتش بتنزل خلاص و فكرت شوية فى السبورتاج بس كان نفسى اخرج من الكورى و فكرت كمان فى 318i 2009 او 2010 مستعملة استعمال خفيف بس للاسف كل اللى لقيته ماشى كتير اوى فى وقت صغير اوى
ممكن حد ينصحنى اعمل ايه انا عايز عربية امان وراحة و مليانة اوبشنز و تعيش خصوصا انى باقعد العربية معايا لفترة كويسة 4-5 سنين مش بقلب عالطول
مستنى ردودكم بشدة يا جماعة

اقتباس:

---

المشاركة الأصلية كتبت بواسطة wessamsheta

معلومة مهمة جدا لمحبى الفوكس الجديدة , انا كنت شفتها من حوالى 3-4 شهور والكلام اللى انتم بتقولوه صح وبسبب كده انا قفلت منها وبعدين رحت من ىومين كده للطارق فى الاسكندرية وركبتها اللى هى اعلى فئة ولقيتهم زودوا اوبشنز كتير بنفس السعر منها البلوتوث والاوامر الصوتية (voice control) وجربته و كان سهل وجامد جدا يعنى اصبحت عربية مليانة اوبشنز و من رأيى ينقصها اربع حاجات بس و تبقى عربية سوبر السوبر وهى فرش الجلد و الزينون و فتحات تكييف خلفية و مفتاح بصمة
المهم انا خايف من حاجتين عشان اشتريها هما التوكيل خايف اوى منه وخصوصا انا من الاسكندرية وتانيا كمان كل ما اسأل واحد عليها يقولى التمن ده كتير اوى على فورد
انا دلوقت بصيت عليها عشان كنت ناوى اجيب مازدا 3 بس اللى انا فهمته من كل الاماكن انها مابقتش بتنزل خلاص و فكرت شوية فى السبورتاج بس كان نفسى اخرج من الكورى و فكرت كمان فى 318i 2009 او 2010 مستعملة استعمال خفيف بس للاسف كل اللى لقيته ماشى كتير اوى فى وقت صغير اوى
ممكن حد ينصحنى اعمل ايه انا عايز عربية امان وراحة و مليانة اوبشنز و تعيش خصوصا انى باقعد العربية معايا لفترة كويسة 4-5 سنين مش بقلب عالطول
مستنى ردودكم بشدة يا جماعة

---

شوف يا ريس احنا كان لينا تجارب مع الفورد بالعبيط سنه 98 بابا جاب اسكورت 1600 زيرو و كانت تحفه ثبات مش طبيعى و تكييف زى الفل و كانت ايام توكيل رجب و كنا مبسوطين بيها و بعنها سنه 2005 و جبنا بعدها فورد فوكس موديل 2005 و كانت العربيه قليله فى السوق اول شكل للفوكس فى مصر و العربيه كانت مش طبيعيه موتور و عفشه تحفه عملنا بيها 150,000 و بعنها و انا بقى جبت الفوكس الشكل الى بعدها موديل 2011 و العربيه عامل بيها 10,000 و الحمدلله و لله الحمد العربيه كويسه و التوكيل كويس اوى و قطع الغيار موجوده فانا احب اقولك حاجه لو عجباك هتها هتبستك اووووووى و صدقنى هتحس انك منفرد عن باقى الناس عربيه مش منتشره زى الهيونداى ولا الانسر و انا رائى توكل على الله و ربنا ييسرلك الخير انشاء الله

اقتباس:

---

المشاركة الأصلية كتبت بواسطة olver

شوف يا ريس احنا كان لينا تجارب مع الفورد بالعبيط سنه 98 بابا جاب اسكورت 1600 زيرو و كانت تحفه ثبات مش طبيعى و تكييف زى الفل و كانت ايام توكيل رجب و كنا مبسوطين بيها و بعنها سنه 2005 و جبنا بعدها فورد فوكس موديل 2005 و كانت العربيه قليله فى السوق اول شكل للفوكس فى مصر و العربيه كانت مش طبيعيه موتور و عفشه تحفه عملنا بيها 150,000 و بعنها و انا بقى جبت الفوكس الشكل الى بعدها موديل 2011 و العربيه عامل بيها 10,000 و الحمدلله و لله الحمد العربيه كويسه و التوكيل كويس اوى و قطع الغيار موجوده فانا احب اقولك حاجه لو عجباك هتها هتبستك اووووووى و صدقنى هتحس انك منفرد عن باقى الناس عربيه مش منتشره زى الهيونداى ولا الانسر و انا رائى توكل على الله و ربنا ييسرلك الخير إن شاء الله

---

شكرا على الرد الوافى و على اهتمامك
بس سؤال هى دوختك على ما بعتها و خسرت فيها كتير ولا ايه و مشاكلها المنتشرة ايه
يمكن عشان انا معرفش حد جاب فورد قبل كده يمكن قلقان شوية و من المقارنة ما بينها و بين المنافسين اللى فى نفس سعرها كده و بالذات ال bmw 318 استعمال خفيف طبعا و ال sportage
و اسف للأطالة