رابطة ملاك القشقاي اتفضل و شارك معنا

**mohie777** · 06-05-2012 04:00 AM

الف مبروك على السيارة وربنا يبارك لكم فيها ويعطيك خرها ويكفيك شرها................................ومنتظ ر تفاصيل اكتر على استخدام السيارة

**eslam_hashad** · 06-05-2012 09:58 PM

بسم الله الرحمن الرحيم
اخوكم فى الله : اسلام سلامه حشاد
السن :30 سنه
ساكن :الشيخ زايد - 6 اكتوبر
السياره :قاشقاى 2012 بنى غامق مانيوال
المهنه : جيولوجى فى شركه بترول
متزوج و عندى بنتين ( اروى و ايسل )
اتشرف جدا بالانضمام ليكو
بالنسبه للعربيه اول ما استلمتها ركبت فارش جلد و رخصتها و ركبت فاميه للجزىء الخلفى عملت صيانه 1000 فى مودرن موتورز ( مكان ما اشتريت ) و صيانه 5000 فى اوتو ايجيبت و بصراحه اوتو ايجيبت افضل بكتير تقريبا معدل استهلاك البنزين عندى 232 كيلو فى الصفيحه العربيه ما شاء الله ثابته جدا على الطريق حتى مع السرعات العاليه العزل فيا جيد جدا التسارع فيها ممتاز بالنسبه لحجم العربيه و انها 1600 لسا عاوز اركب فيها شويه كماليات بس واحده واحده ان شاء الله اركب الدفيندرات و جى بى اس و كاميرا و سينسور بارك و ربنا يكرم ان شاء الله

**م. حاتم السباعي** · 06-05-2012 10:46 PM

المشاركة الأصلية كتبت بواسطة ahmazong

نفسي اجيبها واللهِ .. إن شاء الله 10 سنين كده ههههههههههههه

طيب ما انت خلاص جبتها يا احمد باشا
مش المفروض اننا اخوات يبقي عربيتي هي عربيتك و تزيك معاك و الله العظيم
انت بس أأمر و انا اجي بيها لحد البيت ان شاء الله
و الي ان نلتقي بأذن الله قريبا

المشاركة الأصلية كتبت بواسطة mohie777

الف مبروك على السيارة وربنا يبارك لكم فيها ويعطيك خرها ويكفيك شرها................................ومنتظ ر تفاصيل اكتر على استخدام السيارة

الله يبارك في حضرتك
و ان شاء الله قريبا سأرفع تقرير عن حالة السيارة في اول 1000 كم
و ان شاء الله نستطيع ان نفيد اكثر عدد من الاخوة الافاضل
تحياتي لحضرتك

م.حاتم السباعي

**Dr'AhmZZong** · 07-05-2012 12:24 AM

المشاركة الأصلية كتبت بواسطة HAGAN

طيب ما انت خلاص جبتها يا احمد باشا
مش المفروض اننا اخوات يبقي عربيتي هي عربيتك و تزيك معاك و الله العظيم
انت بس أأمر و انا اجي بيها لحد البيت ان شاء الله
و الي ان نلتقي بأذن الله قريبا
م.حاتم السباعي

يا حبيبي ربنا يخليك .. اكتر من اخوات كمان

متشكر قوي على ذوقك و اخلاقك العليا

**Youssef.Awad** · 24-05-2012 02:45 PM

موضوع رائع وفكرة جميلة وطبعا القاشقاى حلم اغلب ملاك نيسان وغير نيسان وانا اولهم
بس ربنا يجازى (الحمرانى) اللى كان السبب انى ما اقدرش امتلكها فى السعودية مكان اقامتى وشغلى بس باذن الله اجيبها فى مصر قريبا وانضم للرابطة

**م. حاتم السباعي** · 24-05-2012 08:05 PM

المشاركة الأصلية كتبت بواسطة y2y1500

موضوع رائع وفكرة جميلة وطبعا القاشقاى حلم اغلب ملاك نيسان وغير نيسان وانا اولهم
بس ربنا يجازى (الحمرانى) اللى كان السبب انى ما اقدرش امتلكها فى السعودية مكان اقامتى وشغلى بس باذن الله اجيبها فى مصر قريبا وانضم للرابطة

ربنا يبارك في حضرتك و يعزك
و انا شاء الله منتظرين حضرتك بالسلامة و ان شاء الله تنضم لينا بالسلامة
تحياتي لحضرتك

المشاركة الأصلية كتبت بواسطة semsem20co

أحمد أنس
مصر الجديدة
مهندس كمبيوتر
قاشقا ي ٢٠١٢ سوداء اشتريتها من أتوا يجيبت ٢٠/٤/٢٠١٢
عملت صيانة الألف في اتو ايجيبت وعندي عليهم كومينت بسيط (انهم محطوش بلاستيك علي الكراسي ولا في الدواسه:( ) وركبت فرش جلد علي قماش عند جينز والحمد لله طلع شكله حلو الحمد لله العربيه كويسه والتقرير اللي عامله المهندس حاتم رائع أنا عندي بعض التعليقات عن العربيه هاقولهلكم بعد كده عشان مطولش عليكم

اهلا و مرحبا بيك بشمهندس احمد
و واضح ان معظم ملاك القشقاي مهندسين هههههه
و انا بفكر بعد فترة ننظم ان شاء الله لقاء يضم ملاك القشقاي تحت مظلة قسم نيسان و بمشاركة الاخ الفاضل الاستاذ احمد مصطفي
و ان شاء الله منتظرين مشاركاتك
تحياتي لحضرتك

م.حاتم السباعي

**Ahmed.TV** · 27-05-2012 02:59 PM

http://www.nilemotors.net/Nile/277698-a.html

اللينك ده لاخونا وزميلنا احمد محسن .. فيه اسعار مصنيعات القاشقاى .. وفى حاجات مفيدة جدا

,,

طبعا احب احى المهندس الخلوق الاخ الحبيب حاتم على الموضوع الرائع ده .. وعلى كلامه الطيب
ومنتظرين من الاستاذ اسلام والاستاذ احمد لو فى استطاعهم .. تقرير عن انطباعهم للسيارة باذن الله بعد صيانة الالف .. ويبقا جزاهم الله خيرا على افادتهم للاعضاء .. والف مبروك عليكم .. وربنا يعطيكم خيرها ويكفيكم شر الطريق

وكنت عايز اكتر على المهندس حاتم .. ايه رايكم لو نخلى الموضوع رابطة لملاك الكروس اوفر ونغير العنوان .. ويكون شامل فيها القاشقاى والجوك .. ولو ملاك الجوك اصبحوا اكثر مستقبلا .. نبقا نبعت للادارة تفصل الجوك ..
فا ايه راى حضرتك ورايكم جميعا

تحياتى للجميع