عاوز مساعدة عاجلة بخصوص الحواجز اللي بتتعمل لمنع الركنات
عندي في العمارة محلين عملو مواسير ومسبتنها قدامهم ومش بس قدامهم لا كمان قدام بيتي بحيث ان محدش يركن اية الحل
الشكوي بتبقي لمين وهل فعلا بيكون في ازالة للكلام دة؟؟؟؟
عاوز مساعدة عاجلة بخصوص الحواجز اللي بتتعمل لمنع الركنات
عندي في العمارة محلين عملو مواسير ومسبتنها قدامهم ومش بس قدامهم لا كمان قدام بيتي بحيث ان محدش يركن اية الحل
الشكوي بتبقي لمين وهل فعلا بيكون في ازالة للكلام دة؟؟؟؟
عليك وعلي الحي اعمل هناك شكوي و روح القسم اللي حضرتك تابع لية
بيشيلو الكلام دا وبيدفعو اللي عمل كدا غرامة لان الشارع ملك الكل مش ملكهم انهم يعملو حواجز
الا لو كانو عاملين عقد مع ادارة الحي بالمبيت
المشكلة ان البلد دي معدش فيها قانون دلوقتي وربنا يستر
شوف يا صديقى دى برضة اسمها بلطجة...محدش فضيلك الشرطة مش هتنزل معاك عشان تشيلها او تخوف الراجل و الحى نفس الحكاية, اسمع الكلام
هتجيب منشار و تتسلى على الحديد تقطعة هترمية فى الشارع تانى يوم هييجى بتاع الروبابكيا يلمهم و هتحرق دم اللى عملهم اساسا و يا سلام لو معرفش. لو عملها تانى انت طبعا معاك المنشار و بالتاكيد هييجى ناس و يركنوا مكانها و بكدا يموت الكلام.
الشارع عندنا كان كله خوازيق (شارع جانبى)
فجأة من 10 ايام رجعت من الشغل لقيت الشارع ممسووووووح باللودر يمين وشمال شالو كل الحديد والرصيف اللى كان محطوط
طلع ان فى حد عمل شكوى للحى
ياباشا انا لو منك اجيب شكوش او اشيلهم بي اي طريقه
والي مش عجبه يخبط دماغه في الحيط
اعمل شكوى فى الحى من الموضوع ده و هما هيكسروا الحديد ده و ما تدخلش فى مشاكل مع حد
فعلاً حاجة تغيظ لمن تحس انك في بلدك وبيتاكل حقك قدام عنيك ومش قادر تتكلم ... فعلاً حاجة تحرق الدم لمن تكون قدام بيتك ومش قادر تتكلم او تدافع عنو او تفتح بوقك لأنك انسان محترم ومش بتاع المشاكل بس المشاكل هيا الي بتيجي لغاية عندك .
كل ده وبيسئلوا هما المصرين عندهم السكـــــر ليه ... هل من خفت دمهم ولا من كتر همهم ؟؟؟؟
هما المصرين عندهم ضغطططط ليه ... هرد بمنتهى البساطة واقول ضغط الدم ده نتيجة ضغط المشاكل والهموم علينا ... والضغط والسكر دي علامة عند المواطن مصري انو مواطن مصري زي المصلي لمن بتطلعلو زبيبة الصلى كده .
انا اعرف ان البلد علشان تبقى اسمها بلد بيبقى فيها قوانين تحمي المواطـــن وأمن المواطن وحرية المواطن فين القانون ده الي بيحمينا فييييييييييييييين !!!
عندك حق يا ميدو
عليك وعلى الحي
ابدا بالشكوي في الحي ولو معملش حاجة شيل اللي عملوة امام عمارتك
انا رايي بلاش مشاكل مع الناس دى ومتضمانش يعملوا ايه فعربيتك لو عاندتهم
رايي انك تشوف جراج تركن فيه وامرك لله
ويمكن ربنا عمل كده وسد الركنه قدامك عشان تحطها فمكان أأمن ليك ولعربيتك شقاك وتنام مرتاح البال ومحدش عارف الخير فين
فكر كويس قبل ماتعمل اى حاجة وتندم
وخليك عارف ان اى معاداه لاى حد من صحاب المحلات دى هتطلع منه انت الخسران لانهم عملوا الحديد ده وعارفين ان اصحاب العماره بيركنوا مكان الحديد فمعنى كده انهم متوقعين المشاكل ومش هاممهم
هاهاهاهاهااااااااااااوووو
انا باردوا عندي في الشارع كده
وروحت الحي قالي اعمل زيهم واشتري دماغك :)
قولتلة انا اصلا عندي جراج والناس بتركن قدامة ومش بعرف اخرج منة ومش عاوز اعمل حديد علشان محدش يتكلم
قالي يابية اعمل واللي يتكلم حط صباعك في عنية :)
قولتلة شكرا وفعلا عملت ماسورتين وجنزير قدام باب الجراج فقط
بلد مافيهش قانون ومش هيبقي فيها لأن الثورة غيرت النظام ولم تغير الناس ... والشعار الجديد مفروض يكون الشعب يريد تغيير السلوووووووووووووووووك ودمتم
ولا حي
ولا ميت ها يسال فيك
ازاي يعني يعملو حواجز امام بيتك
حضرتك تجيب حداد ومعاه صاروخ كهرباء
ووقت المحلات ماتكون قافله هايقطع الحديد في ثواني
وتكون عامل حواجز بقفل وسلسه وتركبها
سيبك انت شكوى مين و بتاع ايع ايع
اى بوب جمبك و النهارده الجمعه و المحلات قافله اديله 10 جنيه و قوله هات اجنه و شاكوش و شيلى العواميد ده
نص ساعه و يكون مخلصلك الموضوع
و تجيب زلط و تحطه مكان العامود الى فى الارض
لو ناوى تشيلهم عافية بعد ما تقطعهم ترميها عند باب محله عشان يعرف انك كبيير و مش همك
اكتر من كدة انا فى اسكندرية بلغنى بس
الواحد عاوز حل قانوني للاسف مفيش قانون ومفيش فايدة
مش هنتغير
عاوز حل قانوني يا جماعة
هل لو رحت القسم حيعمل حاجة؟
هل لو رحت النقطة حيعملو حاجة