هي العربيه دي وحشه للدرجه دي ؟ اصلي بفكر اجيبها ايه رأيكوا ؟
عرض للطباعة
هي العربيه دي وحشه للدرجه دي ؟ اصلي بفكر اجيبها ايه رأيكوا ؟
منور السيات ياسكرين بص هتجيبها وتعدل لها تعديل علشان متسخنش واعتقد انها كويسة علي فلوسها وفي بدائل لها زي الفولكس وال127 واعلي منها سعرا واداءا واعمل سيرش عالجوجل عن رابطة الغلابة اصحاب السيات 133 في الرابطة دي معلومات وصور عن العربية تحس انهم اللي مصنعينها هههه......انا بشفها فالشارع بحترمها اووي وبتجري بس يكون صاحبها مظبطها مش يحطلها ارخص زيت وكده ...ايهاب
اولا اهلا بيك في قسم سيات
العربية 133 محترمة جدا بس احنا في مصر بنظلمها
بس جت عليها فترة كان الصنايعية قافشين فيها وكان بيروشوها وجنوط وتعديلات وكان سعرها شادد في الفترة دي وكانت بتوصل لل8 احيانا (الصنايعية ولاد لذينة وهما نفسهم ممكن يخفسوا بعربية زي الأوبل في الأرض ويرخصوا سعرها)
لو عايز تجيبها هتعمل تعديلات عليها دة لو كانت لحد دلوقتي لسة ماتعملتش
بيعملوا تعديلات في الفلنشة بتاعة العجل الوراني
وبيعملوا تعديلات في الكبالن بتاعتها (دفع خلفي علي كبالن - لأن اساسا الموتور ورا بس الفتيس قدام شوفت التكنولوجيا)
وبيتركب ردياتير نحاس 3 ماسورة
واحيانا بيتغير مروحة الردياتير بواحدة اكبر
بس انصحك بلاش
زود شوية وهات 127 توب
او الأحسن فولكس بيتل
لكن السيات عايزة حد فاهمها وفاضي لمشاكلها
ومش هتقدر تسافر بيها
وضيقة
والله المستعان
،
،
الله يخليكوا يا رجاله ... انا اصلا مش بتاع سفر و كده انا بس عايز حاجه تقضي مشاوير و بورسعيد اصلا صغيره و انا مش بتاع جري و شد ... انا فليت الرابطه بتاعت ميزو و استفدت منها جامد ... انا بس مستني اي فلوس تجيني و اجيبها او اجيب 127 افضل طبعا بكتير و كفايه ان الموتور بتاعها قدام ههههههههه
ان كان علي الأفضل والأعتمادية الأكثر يبقي ال127اقتباس:
المشاركة الأصلية كتبت بواسطة screenplays
لكن والله السيات مش وحشة
بس الأحسن ال127 لو نظيفة ومفيهاش شغل في الشاسيه او الكارتيرات
وربنا يسهللك الأمور ان شاء الله
قسم سيات نور بموضوعك
والله المستعان
،
،
الله يخليك يا باشا و شكرا للردك المفيد