الموضوع: فوجات بعدسات وضعيفه ؟! ورالي بدون كتاوت

السلام عليكم
اولاانا اشتريت من امريكا فوجات بعدسات ولسه واصلاني اول امبارح هي اتركبت تمام وبتوزع الضوء كويس جدا جدا بس للاسف ضعيفه جدا مش بشوف نورها غير ف الشوارع الضلمه بس مش عارف ده لان لمبتها ضعيفه ولا عشان العدسه بتوزع النور ولا ايه بالظبط مع العلم هي لمبه h3 واللي راكبه دلوقتي اللمبه العاديه اللي جايه معاه !وانا كنت بفكر اشتريله طقم زينون بس تكون اضائته شديده فياريت اللي عنده خبره يقولي احسن حاجه ايه واسمها بالظبط ايه عشان اما اجي اشتريها ؟
تاني حاجه انا جبت لمض فيليبس رالي ف الفانوس فوق بس الكهربائي قالي مش محتاجه كتاوت لان العربيه بتكون نازله بكتاوت اصلا وركبها بس مش حاسس بفرق ف الواطي وبفرق بسيط ف العالي مش عارف هي محتاجه كتاوت ولا هو ده نورها اصلا وانا اسف اني طولت عليكوا

يسلام لو حد يتنازل ويرد عليا :-(:-(

اي حاجه اعلى من الاستاندرد اللى العربيه بتيجي بيه يبقى لازم كتاوت حفاظا على السويتشات و الدوائر الكهربيه
اما الفوجات افضل حاجه تجيب زينون محترم هيدي اضائه جيدة و شكل للعربيه
تقبل مروري

العربيه تويوتا ياريس والكهربائي قالي العربيه فيها كتاوت اصلا ومش محتاج يتركبلها

عايز تحس بفرق ركب زينون 55 وات بحوالى 350 جنيه بتاع شركة ds او 75 وات بتاع شركة بدر الدين بحوالى 450 جنيه والاتنين معاهم 6 شهور ضمان على الأجهزة وبالنسبة للرالى كتاوت العربية نفسها متهيألى متديش النور الكويس بس هيا اصلا نورها قريب من اللمبة العادية مش فرق خيالى غير اللون بس .

هي لونها اصفر زي العادي بس الاعضاء هنا شكروا ف اضائتها جامد انا قلت هحس بفرق كبير