نسيت و مشيت نص ساعة بالهاند بريك مرفوع

انا لسا بتعلم السواقة جديد و لسا جايب عربية دايو لانوس مستعملة
المهم نسيت و مشيت و انا رافع الهاند بريك حوالي نص ساعة
طبعا شميت ريحيت شياط ببص لاقيت العجلة الخلفية شمال بتدخن جامد جدا و عليها زيت صارر
و العجلة الخلفية يمين بتدخن بردو بس خفيف
والفرامل العادية بقت سايبة على الأخر (طبعا انا حسيت بموضوع الفرامل في وسط السواقة قبل ماشم وقفت العربية على جنب فا شميت ريحت الدخان ده)

ممكن اعرف إه إلي حصل دلوقتي في العربية و اروح للمكيانيكي اقوله إه عشان يصلحها و ميضحكشي عليا :) عشان العبد لله لسا جديد طااااازة

أطلع على الميكانيكي ومتجبش سيرة اللي حصل أدامه
قوله بس الفرامل خفيفة
غالبا التيل الخلفي تأكل
أو الوير ريح وعايز يتشد شوية

قوله الهاند علقت مش راضيه تنزل وانت سقت لغايه منزلت لوحدها بعد نص ساعه

انا لسا جديد زي ما قلتلكم فتحت الكبوت من شوية اعدت ابص كدة عشان اطلع خزان زيت الفرامل عشان كنت خايف تكون الزيت بتاع الفرامل هو إلي كان بيصرصر بصراحة لقيت تانك كدة مكتوب عليه بالأنجليزي تقريبا مش فاكر اوي cleane filler cap after removing breaking fluid
أنا قلت ده وش زيت الفرامل المهم بصيت على التانك لاقيته مليان لحد الmax اطمنت على زيت الفرامل
عامة انا بصيت على كل التانكات و حتى زيت الموتور ولقيتهم كلهم واصلين للماكس

يعني انتم شايفي إن تيل الفرامل الخلفي إتاكل ده كل إلي حصل
لو كدة بس يبقى الحمد لله ﻷني اصلا كنت اول ما جبت العربية واحد أقريبي خادها يظبطها فا أشترالها كل حاجة تقريبا جديدة منها تيل فرامل و لما جه يركبه الميكانيكي قاله الموجود كويس فا أنا معايا تيل جديد لسا مركبشي
لو الميكانيكي قالي هاركبلك تيل هقوله انا معايا و هديهوله يركبه, سؤال هو المفروض ياخد كام في تركيبه

و معلشي بقى اخر سؤال إه الزيت إلي كان مصرصر على العجلة الخلفية

بسيطه ان شاء الله

انا بردو نزلت حركتها دلوقتي عشان اشيك على الفرامل لاقتها شغالة بس تعبانة
يعني كانت الأول اول مادوس تقفش على طول
دلوقتي لازم ادوس اكتر من 3\4 المشوار عشان تبتدي تقفش

انا بس عاوز اطمن إه الزيت إلي كان مصرصر على العجلة ده

والف شكر مقدما طمنتوني و الله انا كنت قلت نظام الفرامل بحاله راح

غير التيل وشحم بلي العجل الزيت الي كان على العجل هو الشحمة الموجودة على البلي وساحت من الحرارة

b6raan
انا كنت متوقع كدة بس كنت عاوز اسمعها من حد ﻷن العجلية دي بالذات كانت لسا متشحمة
فا الشحم فيها كتير عشان كدة هي إلي صرصرت

شحم العجله دا اجتمال كبير ومشكلتك هيا التيل الخلفى لازم تغيره والميكانيكى يسحب الهوا من الاربع عجلات وتشحم البلى تانى وفى اسوء الاحتمالات ان بستم الفرامل بتاع العجله الخلفيه يكون ضرف وداكله سهل وخلى بتاع كاوتش يكشف لك على الجنوط علشان الحراره ممكن تكون اثرت على الكاوتش وبتعمل فيه تشققات اتاكد منه ضرورى ومصنعية الميكانيكى فى تغيير التيل وسحب الهوا بالكتير 40جنيه وخليه بالمره يشحم بلى العجل لما يفكه

شكرا يا كبييييير

عايز اقولك حاجة كمان سواء جديد فى السواقة او قديم دايما عينك على لمبات وعدادات الطابلوة علشان تكتشف اى مشكلة بسهولة معنى كده ان لمبة فرامل اليد كانت منورة المدة دى كلها وحضرتك مبصتش على لمبات البيان اللى فى التابلوه وكمان اكيد الحرارة ارتفعت عموما دايما عينك على اللمبات واعرف معنى كل لمبة او اشارة بتظهر

شكرا على النصيحة يا كبيير