النوت اللي في السوق ملعوب فيه :( ... ياريت ترشيح مكان مضمون

صباح الخير

يا جماعة انا خلاص قررت اني اشتري جلاكسي نوت بعد تفكير

انا كنت متردد بينه وبين جلاكسي تاب 7.7 بس حسيته انه هيبقى اوفر وصعب في التنقل

المهم بقالي كذا يوم كده بتابع الناس اللي بيشتروا على المنتديات ومنها الكمبيوتر الكفي

ولاحظت ان الكل بيشتكي ان الموجود كله صناعة فيتنامي وده فيه مشكلة في تدرج الالوان

وكمان انه ملعوب في السيستم بتاعه يعني معموله روت علشان ينزلوا داعم للشرق الاوسط

المهم انا زهقت لان اخر واحد شفته جايب الجهاز من سيليكت وعنده نفس المشكلة

وحتى علبة الجهاز مكتوبة بالفرنساوي ومش مخصص للشرق الاوسط والبطارية مشكوك فيها

فياريت عاوز ترشيح مكان مضمون جدا للشراء + يكون كوري او صيني + يكون مخصص للشرق الاوسط رسمي

وياريت تحديد السعر واي اقتراحات اخراى

الف شكر

انا جايب النوت من 4 شهور تقريبا ولحد دلوقتي معرفش صناعته ايه...ههههههههه

يافندم مفيش الكلام ده
الفيتنامى زى الكورى زى الصينى
كل المصانع تحت اشراف سامسونج ومفيش الكلام ده
انا اعرف ناس كان معاها كورى وصينى وانا كان معايا فيتنامى وولا فيه اى شكوى من اى حاجة وكان زى الفل
اول دفعة نزلت كانت كورى بعد كده بقت صينى وفيتنامى

اقتباس:

---

المشاركة الأصلية كتبت بواسطة beshomilan

يافندم مفيش الكلام ده
الفيتنامى زى الكورى زى الصينى
كل المصانع تحت اشراف سامسونج ومفيش الكلام ده
انا اعرف ناس كان معاها كورى وصينى وانا كان معايا فيتنامى وولا فيه اى شكوى من اى حاجة وكان زى الفل
اول دفعة نزلت كانت كورى بعد كده بقت صينى وفيتنامى

---

حضرتك ياريت تعمل سيرش وتتاكد من الشكوى بالاثباتات

مش بتفرق خالص نوع البلد...يعني الفتنامي هيعمله وحش والصين هتعمله حلو ...كل بيبقي تحت مواصفات ثابته....

اقتباس:

---

المشاركة الأصلية كتبت بواسطة ahmed_nubira

مش بتفرق خالص نوع البلد...يعني الفتنامي هيعمله وحش والصين هتعمله حلو ...كل بيبقي تحت مواصفات ثابته....

---

يا احمد الفيتنامي فيه مشكلة في تدرج الالوان واضحة جدا ياريت تعمل سيرش وتتاكد من صحة شكوي اللي اشتروه

وكمان موضوع انه معملو روت ومش شرق اوسط رسمي

خلاص يا فندم هاته من موبيل شوب :)

انا جايبه من توكيل سامسونج ذات نفسه شخصيا فيتنامى و مافيهوش مشاكل لا فى الألوان و لا فى البتنجان

انا كنت جايبه اول يوم نزل فيه وكنت جايبه من راية ب٥٢٥٠ وكان صينى

طيب يا جماعة الناس اللي جابت الفيتنامي هل لحظوا انه معموله روت ؟؟

وموبيل شوب صعب فيه اوفر برايس من 500 ل 1000 جنيه

مفيش موبيل زيرو معمله روت

اقتباس:

---

المشاركة الأصلية كتبت بواسطة ahmed_nubira

مفيش موبيل زيرو معمله روت

---

انا فاهم بس الناس اللي اشتروا زي ما قولت في اول بوست يا احمد

اكتشفوا ان التليفون معموله روت لتنزيل روم الشرق الاوسط

لانه مش نازل اساسا خصيصا للشرق الاوسط

فكنت عاوز اعرف ازاي من البوكس او من التليفون ان التليفون مش ملعوب فيه

وياريت تحديد مكان فيه الصيني او الكوري وهل لو اشتريته مباشرة من يونيون جروب مثلا هيبقى كده مفيش ادنى شك منه ؟؟

انا اشتريت الفيتنامي والصيني وما فيش فرق بينهم تماما

............

الجهاز مش معمول له روت ابدا ولكن هناك اعدادات اقليمية حسب كل منطقة عشان لغة الجهاز .. اعدادات الشرق الأوسط هي كاتالي

*#272* الرقم الخاص بجهازكimei ثم # حيعطيك اكواد تختار منها الكود اللي لازم تحدد عليه هو ز xsg مع ملاحظة ان اللعب في الاكواد الإقليمية دي هتخلي الجهاز يرجع بحالة المصنع ويمسح كل اللي عليه


اهم شيء تشتري العلبة متبرشمة

اقتباس:

---

المشاركة الأصلية كتبت بواسطة mrbebo

انا فاهم بس الناس اللي اشتروا زي ما قولت في اول بوست يا احمد

اكتشفوا ان التليفون معموله روت لتنزيل روم الشرق الاوسط

لانه مش نازل اساسا خصيصا للشرق الاوسط

فكنت عاوز اعرف ازاي من البوكس او من التليفون ان التليفون مش ملعوب فيه

وياريت تحديد مكان فيه الصيني او الكوري وهل لو اشتريته مباشرة من يونيون جروب مثلا هيبقى كده مفيش ادنى شك منه ؟؟

---

مين الناس دول الاول بس هههههه ؟
ممكن شوية لينكات من المشكلة علشان اعرف بس الاول يعنى اية تدرج الوان ؟
ويعدين الناس اللى اشترت دى مشترتش الموبيل متبرشم لية ؟
وهوة الموبيل لية يتعملوا روت من الاساس يعنى كل محل حيفتح الموبيل من علبتة ويعملوا روت علشان يبيعوا فى الاخر من غير ضمان ؟
طب مانا موبيلى من غير ضمان وفيتنامى ومسالتش اساسا الراجل دة عربى ولا هندى لان كدة كدة حنزلة العربى وكل حاجتة وحغير الروم اللى علية اساسا مليون مرة
المهم العلبة متبرشمة وشكرا

اقتباس:

---

المشاركة الأصلية كتبت بواسطة mido_soliman

مين الناس دول الاول بس هههههه ؟
ممكن شوية لينكات من المشكلة علشان اعرف بس الاول يعنى اية تدرج الوان ؟
ويعدين الناس اللى اشترت دى مشترتش الموبيل متبرشم لية ؟
وهوة الموبيل لية يتعملوا روت من الاساس يعنى كل محل حيفتح الموبيل من علبتة ويعملوا روت علشان يبيعوا فى الاخر من غير ضمان ؟
طب مانا موبيلى من غير ضمان وفيتنامى ومسالتش اساسا الراجل دة عربى ولا هندى لان كدة كدة حنزلة العربى وكل حاجتة وحغير الروم اللى علية اساسا مليون مرة
المهم العلبة متبرشمة وشكرا

---

باشا انا زي ما قولت الكلام ده من ناس اشتريت بالفعل من القاهرة

حضرتك ممكن تتابع المشكلة لو عملت سيرش وخصوصا لو تابعت موضوع سامسونج نوت على الكمبيوتر الكفي

وبعد كده فيه ناس ملهاش في موضوع تغيير الرومات ومبتحبش تعمله وكده ومحتاجين حاجة بتدعم العربي رسمي ....

ودي بعض اللينكات

حاولت احط اللينكات بس للاسف المنتدى بيمسحها :oops2:

[url=http://www.mobile4arab.com/vb/showthread.php?p=5916870]

محاولة فاشلة لوضع لينكات للمشكلة :brn: