الأخوة الكرام / نجوم هيونداي
تحية طيبة ...
عايزين نعرف رأيكوا في القسم حاليا من حيث :
1- تفاعل الاعضاء
2- نوعية الموضوعات
كما نود أن نعرف أرائكم لتطوير القسم و متطلباتكم من القسم
الأخوة الكرام / نجوم هيونداي
تحية طيبة ...
عايزين نعرف رأيكوا في القسم حاليا من حيث :
1- تفاعل الاعضاء
2- نوعية الموضوعات
كما نود أن نعرف أرائكم لتطوير القسم و متطلباتكم من القسم
بصراحة الموضوعات نوعا ما حلوه . ان كل واحد يطرح مشكله او استفسار عنده هنا ده شئ جميل علشان الباقي يستفيد كمان. وبصراحه الاعضاء بتتفاعل بسرعة واللي بيعرف حاجه بيرد علطوول مش بيتأخر.
بصراحة مقارنة ببقية الأقسام قسم هيونداي فيه حركة شوية عن الباقي!
بالطبع ممتاز .....(( الحصول علي المركز الاول صعب ولكن الاكثر صعوبة في المحافظة علية ))
برجاء من كل حبيبي واصدقائي الهيونداوية تصوير وكتابة اي تجربة ( صيانة - إضافة - حل مشكلة - إلخ .. ) وما تستخسرش الشرح الوافي .....
دة بيفيدني جدااا علي المستوي الشخصي
واكيد ها يفيد ناس تانية كتير .. وبالتالي ها يخلي منتديانا الجميل نايل موتورز في المقدمة دائما وخصوصا قسم هيونداي
:beat5::Copy of m-s5:
عندي اقراح ... عمل موضوع بحاله معينة وهمية او عطل معين وهمي.. وعمل مسابقة عن كيفية حل العطل ده وتفسيرة من الاعضاء المشتركين الجامدين
إية رأيكم :00020191:
1- تفاعل الاعضاء . كويس جدا بس في حاجات كتير من غير فائدة ( يعني سلامات وتحيات وفين لما تلاقي حل المشكلة) .
2-نوعية الموضوعات . ( كتير منها اية رايكم في العربية دي ) لاكن المشاكل وحلولها شايفها قليلة جدا ودة راجع لحاجتين
* العربية كويسة جدا ومشاكلها قليلة .
* قلة الخبرة عند جزء كبير من ملاك السيارة .
(انا مش عارف)
ونوعية الموضوعات انا بقارنها مثلا بقسم الدايو .
تقريبا هتلاقوا فية كل مسمار يخص العربية . وماشاء الله علي (MMamdouh) .
زوروا قسم الدايو والفرق هايبان بوضوح .
وفقكم الله لما فية الخير
تقيمى للقسم سئ جدااااااا
ولة فى مقابلات ولة معلومات ولة تقارير عن بعض سيارات الهيونداى
والتفاعل مع الاعضاء الى حدا ما مقبول
عايزين نجمع اقوى وافضل مواضيع للفيرنا والاكسنت والالنترا زى باقى الاقسام
عاملين تقارير كامة 100% والكمال لله وحدة لية منبقاش زيهم
والله انا بايد كلامك يا استاذ المنار لكن :
حتت السلامات بتخلي. القسم مميز. وبتلاقي في حاجة تقراها وتستمتع بروح الاعضاء الاخوية
النقطة الاخرى ان المشكلة. الي ذكرتها بتواجهنا حتى في قسم تويوتا. مرات يكون حد عندو مشكلة ميكانيكية او كهربائية المشكلة ان مفيش حد مننا عندو خبرة كافية في مجال المكيانيكة او اشتغل ميكانيكي قبل كده لكن بنرد في حدود خبرة من مشكلة سابقة وبنحاول بقدر الامكان والله ولي التوفيق
بالنسبة كقسم هونداي هنا رأيي فيه بمنتهى الصراحة انو قسم عادي جداً .... بس الاعضاء ومجهود الاعضاء بمنسقيه هما بجد الي وصلوا قسم هونداي لمستوى التميز الي فيه. لدرجة انو تفوق على قسم تويوتا ووصلوه للمركز التاني على مستوى المنتدى بشكل رائع ومتميز ، ده بالاضافة الروح الجميلة الموجودة في القسم. هنا الي نقدر نسميها روح الفريق .... تحية مني لهذا القسم المميز والعريق ولكل اعضائه الكرام وبالتوفيق انشاء الله ودائماً الى الامام ...
وبالنسبة لايه مطلوب من القسم ياريت نعمل هنا في القسم. نعمل جمعية واقبضها انا الاول ههههههههههه لا بجد بجد. يعني انا مش شايف حاجة تتعمل اكتر من الي انتا عاملينو هنا شغل عالي بسم الله مشاء الله بس هو رجاء من قسم تويوتا سيبولنا مكان على الشريط المتحرك. نكتب فيه مواضيعنا ههههههههه. وتحياتي ليكم يا غالين
اقتباس:
المشاركة الأصلية كتبت بواسطة omar100
رأى حضرتك يحترم
بس لية حضرتك ما تقارنش القسم بأول السنة ودلوقتى بعد مرور 4 شهور
القسم فرق كتير عن الاول
زمان كان العضو يحط موضوع وفين وفين لما حد يرد عليه
دلوقتى الحمدلله الاعضاء متواجدة وبتساعد ودة فى حد ذاته تطور كبير
ان شاء الله قدام هنبقا احسن وان شاء الله ملاحظات حضرتك هتتحط فى الحساب يا فندم
مع العلم ان حالياً بيتم عمل موضوع عن كل موديل من موديلات هيونداى شامل فهرس لاهم المواضيع عن السيارة بالمشاكل اللى واجهت الاعضاء
نورتنا بمرورك الكريم
طبعا بأشكركم علي مشاركاتكم و أقتراحاتكم و أن شاء الله القسم سيشهد تحسنا ملحوظا في الفترة القادمة خاصة في التنظيم و نوعية الموضوعات
لكن عايز أعرف أرائكم بالنسبة للموضوعات المثبته خاصة فيما يتعلق بفهرس الموضوعات و المواضيع الخاصة بالارشادات لأعضاء القسم :
- هل تكون مغلقة حتي لاتكثر بها المشاركات و لا يختفي الموضوع الاصلي و بذلك تكون قراءة الموضوع أسهل و أسرع
- أم تكون مفتوحة للمشاركات من باقي الاعضاء و تزداد عدد صفحاتها
اقتباس:
المشاركة الأصلية كتبت بواسطة SE_coralsea
اقتباس:
المشاركة الأصلية كتبت بواسطة SE_coralsea
هو القسم مافيهوش غير أحمد حمزة بس اللي بيقول رأيه ؟
ماتخافوش مافيش أمن دولة و لا حاجة ؟
أعتبروا نفسكوا في ميدان التحرير بالمنتدي و عبروا عن رأيكوا و أهتفوا كمان
1- تفاعل الاعضاء
جيد جدا ..
بصراحة ما شاء الله محدش بيقصر من المعروف اسمائهم زي باشمهندس سمير .. bunch fox .. أشرف إبراهيم .. كريم فوزي .. corsair .. koshary .. و محمود عفيفي و ناس كتير ما شاء الله من أقسام تانية
.. اللي عنده معلومة حتى لو قليلة بس مبيبخلش .. حتى لو داخل يسلم ..
بس أنا حاسس ما شاء الله بتقدم مستمر .. في وقت قصير
2- نوعية الموضوعات
مقبول جداااااا ..
بصراحة مش حاسسها قوية قوي مش عارف لييييييييييه !!! .. بس مش وحشة ..
معلومات عادية جدااااااااااا مش مهمة قوي للدرجة .. بس واللهِ مش بقلل من المجهود الممتاز في القسم ..
أنا عذركو عشان لسة القسم بيقف على رجله .. و ده حاجة مش عييييييييييب ..
كل متقع اكتر كل ماتعرف تقف ..
كما نود أن نعرف أرائكم لتطوير القسم و متطلباتكم من القسم
1 . التفاعل مع التوكيل ارجوووووووووكم .. لازم يبقى لكم دور أي مع مسئول في التوكيل .. من اجل النهوض بالعربيات كلها مش في القسم بس .. عشان اللي بيحصل مع غبور ده تهريج
2 . نفسي تخصصه واحد للتساؤلات الميكانيكية و الكهربائية .. أو مش لازم تخصص .. يكون ناس فاهمة قوي ..
3 . الله المستعان فوق كل شيء ..
بصراحة أنا بحب قسمكم جدا و كفاية إن 40 % من الشعب راكب hyuandai .. و أنا واحد من الناس كان معايا فيرنا و خلي دلوقتي معاه فيرنا و بحبها جداااااااااا ..
اتمنى إن كلامي ميكنش تقيل عليكم ..
اااااااه خده بالكم .. قسم نيسان بقى يعتبر احسن قسم في المنتدى مش من 3 شهور .. ده تعب 3 سنين بحالهم .. و بسبب مجهود الناس اللي فييييييييه .. بجد تعبه قوييييييييييييييي .. محدش ابدا بيبخل بـ معلومة .. و برده عشان اللي ساعد القسم ان توكيل نيسان محترم .. فساعده كمان في تطوراته
عشان كده مش عيزكم اليأس يغلبكم .. إن شاء الله تنفسه احسن قسم في المنتدى في وقت قريب ..
اخوكم من قسم نيسان ..
Ahmazong
أنا سعيد جدا بمشاركتك و تشريفك في بيتك الثاني "قسم هيونداي"
و كل كلامك مظبوط و أنا شخصيا هأخد بيه و أن شاء الله بمساعدة فريق عمل هيونداي و نجوم هيونداي نقدر ننافس و نصبح من أفضل الاقسام بنايل موتورز
انا مدرك تماما أن الوصول للهدف ده محتاج وقت و مجهود و صبر و لكن يسبق كل هذا تخطيط و دراسة و هذا ماتم بالفعل و أحنا الحمد لله ماشيين بناء علي برنامج تم وضعه و تم أعلانه منذ أول يوم تولينا فيه مسئولية التنسيق
متشكر لك جدا يا أحمد و لكل أعضاء نيسان اللي حقيقي بأكن لهم قدر كبير جدا من الود و الاحترام و التقدير و كمان العرفان بالجميل لوقوفهم الدائم بجانبنا سواء بالنصح أو الدعم المعنوي
رد لرفع الموضوع
و ياريت كل نجوم هيونداي يشاركوا علشان تساعدونا بأرائكم و اقتراحاتكم
اعتقد ان القسم حاليا يعتبر فى مرحلة تعارف الاعضاء وصحيح انها خطوة اولية ولكنها مهمة جدا على المستوى النفسى على الاقل
حاليا انا اول حاجة باعملها انى اشوف ايه الجديد فى هيونداى وبعدين باقى المنتدى وده طبعا ماكنش بيحصل الاول
فعلا اشعر ان المواضيع الفنية قليلة ولكن لو نشوف كم التساؤلات هانلاقيها قليلة برده يعنى اعتقد مفيش تقصير بشكل مباشر
الظروف اللى كلنا فيها حاليا يمكن بتخلينا كلنا نركز فى الشارع المصرى اكتر من سيارتنا وممكن يكون ده اللى بيقلل الاستفسارات
اعتقد ان نشاط القسم حاليا موفق جدا (على المستوى الشخصى ) واعتقد ايضا بعد تحسن الاوضاع وبعد انتهاء الامتحانات سيشهد القسم تطور ملموس باذن الله
فى النهاية باشكر حضرتك جدا لان مجرد فكرة طرح التوبيك ده تبين لنا قد ايه حضرتك مهتم بالقسم مع باقى طاقم هيونداى
تمنياتى بمزيد من التقدم
أستاذة دوللي ..
بأشكرك جدا علي كلامك و أحب أطمنك و أطمئن الجميع أني بالفعل أنتهيت فقط من يومين من وضع خريطة و تصور نهائي لشكل القسم بعد تطويره و كمان شكل نوعية الموضوعات اللي هاتكون فيه بأذن الله و اللي هاتكون مفاجأة لكل نايل موتورز و طفرة حقيقية لمستواه الفني
و بالفعل النهاردة بس وجهت نداء لهيونداي تيم للأجتماع لمناقشة تلك الخريطة و كمان الدعوة موجهة لكل نجوم هيونداي اللي عايزين يشاركوا في وضع لمساتهم لحضور ذلك الاجتماع الهام لمناقشة التفاصيل
بالاضاغة لذلك ...
بالفعل بدأنا في عملية جرد لأهم موضوعات القسم أعتبارا من عام 2007 و ده بيشمل أكثر من 8000 موضوع تم الانتهاء من جزء ليس باليسير منها تمهيدا لعمل أول فهرس شامل لكل سيارات هيونداي و بالفعل كانت باكورة الفهرس ده للسيارة الجديدة (الألنترا md) بالاضافة لفهرس أخر بيتم تجهيزه حاليا بقسم المنسقين للسيارة (الجيتز)
و أن شاء الله بفضل مقترحاتكم و مجهوداتكم و مشاركاتكم الفعالة معنا سنحقق مانأمله من أجلكم و ماتتطلعون أنتم أليه
انا شايف ان القسم اتقدم تقدم ملحوظ وفرق جامد عن زمان كفاية بس ان الكل بيدخل يسلم حتى لو مش عندو معلومة ولسة قدام شوية القسم هيبقا احسن مش من يوم وليلة هيبقا كويس واحنا ماشاء الله ملاك الهيونداى عددهم كتير فى المنتدى وان شاء الفترة القادمة هيكون فيه تفاعل اكتر وهيكون فيه مقابلات اكتر لان الفترة دى صعبة علينا كلنا اللى عندو امتحانات واللى عندو شغل الصيف جى والدنيا هتحلو اكتر ..... بالتوفيق يانجوم
الحقيقه مع كامل احترامي و تقديري للقسم الا انه بالفعل فقير جدا انا كنت من ملاك اللانوس و بعتها اخيرا و اشتريت نيو اكسنت بتاعه اخويا ٢٠٠٦ و للامانه مفتقد تمام قسم الدايو بروحه الجامده و الناس اللي بيخدموا بعض من غير ميعرفوا بعض، بمقابلاتهم الشهريه الغير منقطعه اللي لو حد اتنين بس هيتقبلوا بتم ،بكم المعلومات الرهيب اللي ممكن تعرفه عن عربيتك و االبركه في كل اعضاء القسم هناك و علي راسهم محمد ممدوح و طارق الا ان القسم هنا و ده غالبا ناتج عن تنوع موديلات الهيونداي تحس كل واحد في عالم رابطه الاكسيل رابطه الالنترا رابطه .... و الادهي من ذلك انك تدخل الربطه دي متلاقيش موضع فيها يفيدك عن عربيتك القسم للامانه ممل جدا و يحتاج اعاده صياغه بالكامل و نشاط انا بجد مش عارف ازاي في المركز التاني مع وجود الدايو و النيسان الحقيقه موفقين و اتمني ان اشوفكم و اتعرف عليكم علي الطبيعه زي ايام الدايواقتباس:
المشاركة الأصلية كتبت بواسطة al_manara
أستاذ / أحمد ...اقتباس:
المشاركة الأصلية كتبت بواسطة ahmedhilmy
مرحبا بك معنا في هيونداي و مبروك علي الاكسنت
القسم حاليا في مرحلة أعادة بناء و تعارف لأعضائه و دي المرحلة الاولي
اما عن المقابلات فالبفعل فيه مقابلات أسبوعية و ليست شهرية تتم لأعضاء هيونداي تيم و بيحضرها اعضاء أخرون من خارج التيم و مؤخرا بدأنا في الاعلان عن تلك المقابلات و أن شاء الله في مقابلة الخميس القادم (بعد بكرة) ممكن تلاقي تفاصيلها في موضوع هيونداي تيم المثبت
أما نوعية المواضيع فصبرا جميلا الأعضاء معظمهم صغيرين في السن و خبرتهم مش زي أعضاء دايو بالاضافة أن سيارات هيونداي معظمها جديدة و مشاكلها و الحمد لله قليلة و مع ذلك ستجد موضوعات متميزة و جادة من خلال المسابقات الشهرية اللي بنختار خلالها افضل 5 مواضيع و الحمد لله عندنا قائمة خلال ال 3 شهور الماضية لا بأس بها
الأهم من ذلك أننا بنعمل فعليا جرد لقرابة ال 8000 موضوع منذ عام 2007 لعمل أول و أكبر فهرس لهم الموضوعات بيغطي كل موديلات هيونداي ووقتها سيجد أي عضو مايحتاجه دون الحاجة لكتابة موضوعات جديدة
و بالنسبة للرابطة لكل نوع فسيتم دمجهم جميعا بشكل تدريجي في رابطة قوية و فعالة بيتم التجهيز لها تكون لكل نجوم هيونداي و حاليا بيتم تأسيس صفحة لها علي الفيس بوك كمان
نيجي بقي للأعضاء و منهم حضرتك ...
نقدكم و طلباتكم مأخوذة بعين الاعتبار و أحنا بنعيد هيكلة و تنظيم القسم و موضوعاته و لكننا ايضا محتاجين مجهوداتكم معانا لأنه ليس من المعقول أن يتولي شخص واحد او عدة أشخاص القيام بكل هذا العبء دون مشاركة الباقيين
أن شاء الله قسم هيونداي سيكون شيئا مختلفا بعد فترة يفتخر به المنتدي كله أعدكم بهذا و لكننا نحتاج بعض الوقت و المساعدة منكم
بشمهندس سمير اخبار حضرتك ايه مشفتكش من بدري في مقابلات الدايو عندهم مقابله الاسبوع الجاي بالمناسبه عيزين نشوفك انا بالرغم من اني بقيت هيونداي بس برده هروح الناس دول معرفه عمر ان شاء الله .اقتباس:
المشاركة الأصلية كتبت بواسطة se_coralsea
بدايه انا بعتذر لو كان نقدي حاد بس هيونداي من اكثر العربيات شعبيه في مصر و نايل موتورز اكبر منتدي عربيات في مصر فمينفعش تكون هيونداي في نايل موتورز بالشكل ده و بعدين انا واثق ان حاجه فيها حضرتك اكيد ان شاء الله هتبقي متميزه .
للاسف عرفت موضوع المقابله ده حالا لو كنت اعرف كنت جيت اتعرفت علي الشباب و قعدت معاكم يمكن اضيف اي حاجه حتي لو بسيطه بس ان شاء الله هيكون في اللقاء الجاي .
رجاء يا بشمهندس لو في ادينا اي وسيله من شأنها رفع مستوي القسم مطلوبه مننا هنكون في انتظار توجيهاتك و ربنا يوفق