يا جماعة لو سمحتوا اللي بيقول كل 40000 كيلو...الكلام دة مصدره إيه؟
يا ريت كلام معتمد من كتالوج أو موقع موثوق فيه عشان الفايدة تعم.
غير كدة نقول أرانا بس نقول إنه رأي شخصي
شكراً
عرض للطباعة
يا جماعة لو سمحتوا اللي بيقول كل 40000 كيلو...الكلام دة مصدره إيه؟
يا ريت كلام معتمد من كتالوج أو موقع موثوق فيه عشان الفايدة تعم.
غير كدة نقول أرانا بس نقول إنه رأي شخصي
شكراً
المفروض كل 40 الف او سنتين
اللى ييجى الاول
شركة فالفولين بتعمل زيت كويس انا كنت جايب منهم 2 ليتر ب 140 ج لزوجته 75-90
يا جماعة لو سمحتوا اللي بيقول كل 40000 كيلو...الكلام دة مصدره إيه؟
يا ريت كلام معتمد من كتالوج أو موقع موثوق فيه عشان الفايدة تعم.
غير كدة نقول أرانا بس نقول إنه رأي شخصي
شكراً
40,000 km
و الكلام ده من التوكيل !
Manual: Most manufacturers recommend that manual transmission fluid be changed every 30,000 to 60,000 miles. Under heavy-duty use, some manufacturers suggest changing transmission fluid every 15,000 miles.
Transmission Fluid - Cars.com
طيب انا كاتلوج العربية بتاعتى دايو نوبيرا مكتوب فية لا يتم تغير زيت الفتيس ابدا !!!!!!!!!!!1
مش عارف بقة يبقى بتفرق من عربية للتانية
يا استاذ GSoleiman
اولا الموضوع مش افتكاسة ديه الحقيقة حضرتك محسسني اننا بنألف من عندنا غير انه كلام التوكيل زي ما تفضل البشمهندس كريم و قال
هديك مثل بسيط زيت الموتور برة مصر في الاجواء هناك الزيت بيقعد معاهم الافات مؤلفة و يفضل بلزوجته و صحته و شغال يعني عدد تغيير الزيت يكاد يتعد ع الصوابع و زيت الفتيس يوصل 100 الف كمان
يجي عندنا كام الف و يخستع ..ليه ؟؟
عشان الجو عندنا غير برة غير القيادة و ظروفها هنا
نيجي لزيت الفتيس زيت الفتيس ليه صلاحية زي زيت الموتور بالظبط
طب ليه بنغيره عندنا ع 40 الف في المانيوال ؟ اولا لأن احنا معندناش فلتر زي الفتيس الاوتو يلم الرايش و طول ما انت ماشي فيه رايش بينزل من التروس الرايش ده تفتكر بيروح فين ؟؟ بيتجمع في الزيت ففيه مغناطيس في الطبة بيلم الرايش ده طب لما الرايش ده يغطي الطبة و الطبة مش قادرة تلم زيادة يبقي الباقي هيروح فين اكيد هيعوم في الزيت تخيل مثلا لما تنقل بالعصاية و الزيت يكون فيه رايش وسطه متخيل المنظر ؟؟
و في نفس الوقت مع الاجواء و ظروف القيادة هنا بعد الفترة ديه هتلاقي الزيت نازل محروق و يكاد يكون مية لو واحد سواقته شديدة او شبه محروق لو واحد سواقته هادية
مينفعش كل حاجة تتقارن بالكتالوج او طبقا ليه , الكتالوج حاجة نظرية مطبوعة زي ما ضربت مثل سير الكاتينة
سير الكاتينة عندي يتغير ع 100 الف انا طلعت الفبريكة ع 70 الف ع اخره و قرب يتقطع اللي جبته بعدها مكملش المدة ديه و جاب اخره
طب فيه نقطة المفروض في العربيات الجديدة مع كل تغييرة لسير الكاتينة بتغير بلية الشداد عشان بتخشن طب هل الكتالوج ذاكر الكلام ده ؟؟؟ طبعا لأ
احنا بنعتمد ع ظروفنا و اللي شايفينه مش ع كلام مطبوع قد ينطبق عليا لكن مينطبقش عليك
يعني مثلا كتالوج بيقول غير الكاوتش ع 30 الف كيلو طب الكاوتش اساسا لسه بحالته و تاريخ انتاجه لسه بدري مش أقل من 3 سنين كمان و مفيش اي علامات تدل ع قرب انتهاء عمر الكاوتش يبقي انا عشان الكتالوج قال كده هيروح أغير ؟؟؟ طبعا لأ
هديك مثل تاني في مجال اخر في قواعد النيشان نظريا عشان تحقق دقة الاصابة لازم سن نملة الدبانة يكون في نفس مستوي النيشنكاه الخلفي و أسفل منتصف الهدف و القصة اللي كلنا عارفينها
لكن انا كصياد بري مش هلتزم بالكلام ده الا ع مسافة معينة و حالة معينة لأن انا ممكن اخلي سن نملة الدبانة اعلي من الناشينكاه الخلفي او اقل او يمين او شمال و ممكن استخدام سن نملة الدبانة بس في التنشين ليه ؟؟؟ لأني بعتمد ع الظروف و بعد و قرب الطريدة و قوة البندقية الرش فيه بندقية و مسار الرشة لأن الرشة مبتخرجش في اتجاه مستقيم لكن بتاخد مسار لأعلي و بعدين تنزل فيه طب هتقولي ازاي تنشن بسن نملة الدبانة بس هقولك لو ع بعد 5-10 متر اقدر أصيب الهدف عن طريق استخدام سن نملة الدبانة بس , ده توضيح يعني بسيط عن القصة ديه
اخدت بالك من الموضوع و الدنيا ماشية ازاي ؟؟
و لو لاحظت الكلام اللي حضرتك كاتبه هتلاقي لو حولنا الميل لكيلو هنلاقي انهم بيقولوا ان الزيت يتم تغييره من تقريبا 43 - 96 الف كيلو طب مالهم سايبنها واسعة كده ليه لأنها بتعتمد ع الظروف
زيت المانيوال مش بيتغيير وده كلام مهندس بالتوكيل
والشركة الام هى اللى قايلة لهم ده فمش بيجيب كلام من خبرته الشخصية مثلا
ولكن فى ناس بتبقى حابه تغيره فقالى يبقى عند 100000 الف
اما الاخوه اللى بيقولوا كل 40000 الف فده بيكون للاوتوماتيك بيكون كل 40000 الف فده للاوتوماتيك مش المانيوال لان الاوتوماتيك بيكون عليه ضغط غير المانيوال
وده على فكره مش كلامى ده كلام التوكيل مع العلم انه معروف وعلى حسب معلوماتى الشخصية ان المانيوال مش بيغيير من قبل ما عرف من التوكيل
فزيت الفتيس مش يتغيير نهائى لانه ما بيكنش عليه الحمل اللى على الاوتوماتيك
فمتغييرش يا باشا الزيت خالص ولو حابب تغييره نظافه يعنى يبقى عند 100000 الف لكن مش قبل كده
وعلى فكره انا عربيتى مانيوال فمعلوماتى موكده
سيدي الفاضل
أنا مقولتش إن حضرتك بتفتي أو بتفتكس...أنا طلبت مصدر موثوق مش أكثر
كلام حضرتك على عيني وراسي بس مش مقتنع بيه...زي لما أقولك إن عربيتي ال-CRV بتمشي بزيت الذرة...هل حضرتك حتصدق؟ لو فضلت اقنعك إن الموديل دة كدة هتعمل إيه؟ أكيد هتدخل على موقع Honda وتتأكد أو حتشوف كتالوج العربية...هو دة بالظبط اللي أنا بتكلم فيه.
أكيد حضرتك شوفت باقي الأعضاء اللي قالوا كتالوج بيقول متغيرش واللي غايب كلام من التوكيل برضو إنه مايتغيرش...رأي حضرتك إيه بقى؟
أنا لما قولت 100 ألف وضحت إن دة رأي شخصي فقط لا غير ودورت علنت في أشهر موقع أمريكاني اللي هو cars.com
حاجة كمان لعلم حضرتك أنا عايش في أقصى جنوب أمريكا والحرارة النهاردة 31 ونسبة الرطوبة 95% يعني أوحش كتير من أماكن في مصر.
أما بالنسبة لل range اللي في الموقع دة عشان إختلاف الماركات مش إختلاف الاجواء
هقول تاني دة رأيي الشخصي وبحث على النت لاكن معنديش كتالوج معين.
وأكيد الله أعلم