امبارح بليل نازل اجيب شامبو من الصيدليه و واقف قدام الفاترينه ببص علي الشامبوهات ... ورايا بس الناحيه التانيه من الشارع عربيه نص نقل واقفه و السواق بيجيب اكل من السوبر ماركت ... و هو طالع طلع عليه شويه بلطجيه برشاشات و واحد فيهم اداله بكعب الرشاش في وشه ... طبعا السواق اغم عليه ... بيجروا بالعربيه قدام مدرعه جيش تقريبا كمين في الناحيه التانيه من الشارع ... قاموا ضاربين نار ... قاموا دول ردين ... انا طبعا قفايا لكل الكلام ده و مشفتوش اصلا ... انا داخل الصيدليه بعد ما اخدت قرار عسير باختيار شامبو معين ... رصاصه رشقت في الفتريه ... الرصاصه معديه جنب وشي بالظبط و وداني اتسورت و معنتش سامع حاجه اساسا ... طبعا الشارع اتلم و جابوا الاسعاف لسواق العربيه النقل ... و سمعت منه الحوار اللي حكيته في الاول بعد ما فاق ... انا مش عارف اخره وزاره الداخليه اللي ملهاش لزمه دي ايه ... يعني لو مثلا الرصاصه دي جت في ودني كنت هعيش اطرش و متشوه طول عمري ... استغفر الله العظيم ... انا بجد عايز اشتري ستره واقيه من الرصاص ... و ينفع امشي بمسدس حقيقي ؟