السمسار قارفني - اتصرف معاه ازاي - رجاء الرد للأهميه

**shaddadfalcon1** · 04-05-2012 05:27 PM

السلام عليكم

انا كنت ماجر شقه في مدينة نصر في زكريا عثمان واخر شهر ليا كان الشهر اللي فات وكنت دافع شهرين تامين وقيمة الشهر 2200 جنيه والتامين كان هيبقي ايجار اخر شهرين بس حصلت ظروف اضطريت امد كمان شهر وبالتالي دفعت كمان شهر ذياده بس الراجل السمسار بعد كده قالي ان صاحب الشقه عايز يبيعها ولازم تطلع المهم طبعا مكملتش الشهر وكان ليا عند الراجل كده 2200 جنيه تمن الشهر ده او التامين يعني

المهم الشقه عفشها كان زي الزفت
الصالون بجد كان عباره عن شوية خشب يقطمو الظهر ولسفره الكراسي بتاعتها قديمه ومن غيرمسامير واول مر اشوف كرسي مدبس بدبابيس زي بتاعة الورق بس اكبر شوي صغيرين وطبعا الكرسي كنت اقعد عليه اسبوع ولا اتنين الاقيه اتفكك من بعضه والسمسار كان زوق قوي واي حاجه يقولي مفيش مشكله وبتاع وبالتالي مرضيتش اعمل حاجه في الشقه وقلت ده راجل محترم وهو عارف الشقه

وفي مره عملت قفله في اوضهه والكهرباء فصلت فيها والمفتاح بتاع الأوضه في العداد اتحرق مغرفش ازاي مع انه المفروض ترفع ولما اصلح المشكلهه اللي فيها القفله يشتغل عادي

المهم هو حه يستلم الشقه ومخدش باله من الكراسي وعلق علي التكييف قلتله علي القفله قالي هجيب حد يصلحه قلتله صلح الكهرباء الأول ودخل الحمام لقيته راح علي البانيو قالي ده مكسور وانا اصلا مش بستعمله هو فيه كسر صغير حوالي نصف سم ولما قلت لمراتي قالتلي انا شايفاه من اول اسبوع وطبعا اقوله كده يقولي انا الي عامل الشقه بنفسي ومنضفها انا ومراتي وفي الأخر قالي مفيش مشكله

المهم قالي انا لسه جي من المكتب ومعاييش غير 1500 جنيه وهجيبلك الباقي ونشوف الحاجه اللي بايظه قلت ماشي

تاني يوم بيتصل بيا وبيزعق ويقول كراسي السفره متكسره وانت بوظت الشقه ومش عارف ايه قلتله علي الكراسي اناها اصلا متصلبه قالي لا كل حاجه كانت سليمه قلتله هات نجار يصلحها وراح جاب تجار بيقولي عايز 240 جني قلتله ليه هو انا هشتري كراسي جديده المهم الموضوع بقاله اسبوع وهو اصلا بيعمل شوية تجديدات تقريبا وشكله عايز يشيلني الليله يعني بيقوللي في كام فيشه بايظه قلتله مفيش غير واحده اللي بايظه وده انا قلتلك عليها قالي انت عايز تقعد في الشق 7 شهور متبوظتش حاجه

وبكلمه من شويه قالي مش فاضي قلتله انا اجازه تعالي بالليل عشان نخلص ونصفي حسابنا قالي انا اصلا عايز فلوس منك قلتله ليه صرفت ايه ان شاء الله قالي لما اجي بالليل هنتحاسب

انا بجد دمي محروق منه والباشا عايز اي حاجه ف الشقه بايظه يصلحها علي قفايا والشقه اصلا انا ماكتدش علي كل حاجه فيها وهو دلوقتي شكله عايز يلبسني كل قشايه فيها

يعني اكيد مش هدفع اكتر من 750 جنيه علي فيشه وريموت ومفتاح عداد وتصليح شوية كراسي

قولولي اتصرف معاه ازاي عشان شكله كده عايز يضرب علي لفلوس لما يقولي انا عايز منك فلوس فانا بقي اقوله خلاص اللي معاك كفايه

والكراسي اصلا كانت بجد طالع عينها ويادوب اقعد علي الكرسي يتخلع من بعضه هل المفروض يشيل معايا علي اساس اته تقريبا هيجددها مش هيصلها بس؟ وهل اشد معاه واضربها خناقه ولا اعمل ايه؟

وازاي اعرف اهدده عشان يجيب بقية فلوسي؟ انا متاكد انه هيجي من غير فلوس خالص عشان يبقي سالك

ردو عليا ضروري عشان هو قالي هيجي بالليل وبجد الموضوع حارق دمي عشان مش بحب حد يضحك عليا

**alexaway** · 04-05-2012 06:20 PM

لو انت فى الشقة ولسه مسبتهاش , قولوا تجيب فلوسي حخرج من الشقة لومش حتجيب انا قاعد فيها وروح اشتكيني فى القسم .
جاب ورا اتفاهموا بالعقل , صاع وبلطج انزل اعمله محضر تعدي فى القسم

**shaddadfalcon1** · 04-05-2012 06:43 PM

للأٍسف الشديد انا سبت الشقه يوم 29 اللي فات وبقية الفلوس معاه وطبعا ده اللي مخليه فارد صدره وبيقولي انه عايز كمان فلوس

طبعا لو فضلت قاعد والله ماكان طايل مليم الا الحاجات اللي فعلا انا بوظتها وبالسعر اللي انا احدده لكن الباشا دلوقتي بينزل يجيب نجار والحاجه اللي تاخد 10 جنيه تصليح بيقول 100 وطبعا الصناعيني شايف ان ده تامين يعني الراجل مش دافع حاجه من جيبه وانا فضلت اشد وارخي معاه لكن شكله فعلا مش ناوي علي خير خالص وناوي يضرب علي الفلوس

المفروض بقي اتصرف معاه ازاي؟ هل ممكن اقوله هشتكيك وهعمل واخلي عشان مخدتش فلوس التامين ؟ ولا عشان العقد خلص مش هعرف اعمل حاجه؟

**أحمد كمال** · 04-05-2012 06:43 PM

اصلا هو بيأفلم عليك عشان ينزل سقف طموحاتك

يعني انت دلوقتي اقصى طموحك انه ما ياخدش اكتر من ال 700 جنيه اللي معاه

اما يقول لك بخناقة مفتعلة انه هياخد ال 700 بس يبقى انت هتقول كويس انها جت على كده

**alexaway** · 04-05-2012 06:48 PM

المشاركة الأصلية كتبت بواسطة shaddadfalcon1

للأٍسف الشديد انا سبت الشقه يوم 29 اللي فات وبقية الفلوس معاه وطبعا ده اللي مخليه فارد صدره وبيقولي انه عايز كمان فلوس

طبعا لو فضلت قاعد والله ماكان طايل مليم الا الحاجات اللي فعلا انا بوظتها وبالسعر اللي انا احدده لكن الباشا دلوقتي بينزل يجيب نجار والحاجه اللي تاخد 10 جنيه تصليح بيقول 100 وطبعا الصناعيني شايف ان ده تامين يعني الراجل مش دافع حاجه من جيبه وانا فضلت اشد وارخي معاه لكن شكله فعلا مش ناوي علي خير خالص وناوي يضرب علي الفلوس

المفروض بقي اتصرف معاه ازاي؟ هل ممكن اقوله هشتكيك وهعمل واخلي عشان مخدتش فلوس التامين ؟ ولا عشان العقد خلص مش هعرف اعمل حاجه؟

نصيحة بعد كدا فى كل تعاملاتك الحياتية

متخليش نفسك تحت رحمه حد ابداً

خد معاك حد من صحابك يكون شكله غلط وغليظ وروحوا وخلي صاحبك دا يصيع عليه بالادب , كرت ارهاب يعني , ومتنزلوش من عنده الا لما تاخد فلوس , طبعا مش حتاخد فلوسك كلها بس اي حاجة تطلع منه .

**shaddadfalcon1** · 04-05-2012 07:13 PM

المشاركة الأصلية كتبت بواسطة أحمد كمال

اصلا هو بيأفلم عليك عشان ينزل سقف طموحاتك

يعني انت دلوقتي اقصى طموحك انه ما ياخدش اكتر من ال 700 جنيه اللي معاه

اما يقول لك بخناقة مفتعلة انه هياخد ال 700 بس يبقى انت هتقول كويس انها جت على كده

مانا عارف يااحمد والله ولسه كنت بقول لمراتي شكله بيقول كده عشان اقوله خلاص مش عايز حاجه منك ونبقي خالصيت ده شكله ابن %^&*)(_ وبتاع حوارات وبعد ماكان الموضوع شوية كراسي ومفتاح كهرباء عايز يشيلني تجديد الشقه كلها

وانا اصلا ناوي مديلوش اكتر من 200 جنيه بس المشكله هاخد الباقي منه ازاي وانا مش عايز اوصل الموضوع لخناقه ومشكله عشان مش عايز وجع دماغ

شور عليا ياكبير اعمل ايه مع البشر دي انا مش بشتغل 15 ساعه كل يوم عشان ادي الفلوس لواحد زي ده

**shaddadfalcon1** · 04-05-2012 07:20 PM

المشاركة الأصلية كتبت بواسطة أحمد كمال

اصلا هو بيأفلم عليك عشان ينزل سقف طموحاتك

يعني انت دلوقتي اقصى طموحك انه ما ياخدش اكتر من ال 700 جنيه اللي معاه

اما يقول لك بخناقة مفتعلة انه هياخد ال 700 بس يبقى انت هتقول كويس انها جت على كده

المشاركة الأصلية كتبت بواسطة alexaway

نصيحة بعد كدا فى كل تعاملاتك الحياتية

متخليش نفسك تحت رحمه حد ابداً

خد معاك حد من صحابك يكون شكله غلط وغليظ وروحوا وخلي صاحبك دا يصيع عليه بالادب , كرت ارهاب يعني , ومتنزلوش من عنده الا لما تاخد فلوس , طبعا مش حتاخد فلوسك كلها بس اي حاجة تطلع منه .

وده اجيبه منين ياباشا معنديش والله حد بالمواصفات دي

وللأسف انا بعد ماكنت هقعد الشهر ده يعني كنت هبقي قعدت شهر بالتامين يعني كنت هطلع ملوش عندي مليم ولا ليا عنده مليم وساعتها هو اللي كان هيجري ورايا عشان اي حاجه بس للأسف اضطريت اسيب الشقه عشان كنت قاعد 4 شهور كمان وكان في شقه في نفس العماره وخفت تضيع وادوخ بعد كده علي شقه

**alexaway** · 04-05-2012 07:31 PM

خلاص حاول تلف وتدور معاه بنفسك وتحاول تطلع منه باي مصلحة , وفي النهاية محدش بيتعلم ببلاش والمبلغ دا درس ليك وعرفك نوعيه من البشر وازاي تتعامل معاهم بعد كدا .

**shaddadfalcon1** · 04-05-2012 07:45 PM

المشكله انه كان هادي قوي وموؤدب قوي وكل حاجه اقوله عليها يقولي ميهمكش حاجه ومفيش مشكله وجي دلوقتي بيعلي صوته ويقولي انت بوظت الشقه وخليت العفش ميسواش حاجه

الظريف انه قالي بلسانه لما جريت معاه ناعم انه قال للنجار صلح لصالون قاله ب 400 جنيه قام قايله طيب اشتريه ب 200 جنيه

طيب منين الصالون كله ياضلالي عايز تبيعه ب 200 جنيه وعايزني ادفعلك تصليح كراسي ب 240 جنيه

**shaddadfalcon1** · 04-05-2012 11:41 PM

كلمتو بالتليفون
جاي ياعم قالي مش هينفع
قلتله انا عايز الفلوس عشان ارجعها للشركه قالي فلوس ايه دوول كلهم 750 جنيه وانت بوظت الشقه ومش عارف ايه قلتله طيب نتحاسب واحده واحده

فضلت معاه ربع ساعه او اكتر علي التليفون لحد ماوصلت معاه بالعافيه ب 480 جنيه والفمروض بكره هاخد منه 180 جنيه وطبعا الكراسي صلحها ب 240 وبالعافيه هيشيل 40 وهو اصلا انا قايله ان في كرسيين بايظين وقالي هصلحهم انا يعني كان المفروض يشيل 80 جنيه

وانا كان اخر الأيجار يوم 27 اللي فات وسلمتها يوم 29 عايز يحاسبني علي 3 ايام وبيقولي انت المفروض تسلم 26 قلتله لا معلش مفيش الكلام ده

ده غير مفتاح تكيف ب 50 جنيه بيقولي ان لما عملت قفله في الأوضه ردت علي المفتاح بوظته مع ان المفتاح كان مفصول Off يعني المفروض يرد علي مفتاح العداد ومش المفروض مفتاح العداد اصلا يبوظ بس مش مشكله

القاعده بتاعة الحمام كانت بتسرب مياه من بعد الأستلام ب اسبوع حاسبني عليها ب 30 جنيه والريموت بيقولي ب 20 حنيه طيب ليه ياعم قالي من الشركه طيب ليه ياسيدي من الشركه يقولي وانا ايه اللي يخليني اجيب ابو 10 وب 5

المهم لو هو قابل علي نفسه حاجه يبقي ربنا ينتقم منه والظريف انه بيقولي حد تاني مكنش اداك مليم ومفيش حد بيرجع تامين خالص

المهم الحمد لله علي كل شيء ومحدش بيتعلم ببلاش