المشاركة الأصلية كتبت بواسطة eng.koussy
بسم اللة الرحمن الرحيم , انا رحت الثلاثاء الماضى علشان اعمل صيانة الالف , معلش انا هطول عليكم بس هحكى بالتفصيل , انا اتحركت بدرى علشان ماكنتش اعرف المكان فقلت ادى التوهان وقتة , وصلت كوبرى اللى بعد السندباد و كملت من جنبة لاقيت كلمة سوزوكى على شماللى بس لاقيت المدخل مبهدل خاالص و لاقيت فى نيسان بعيدة قلت اكيد الاتنين تبع بعض رحت رايح نيسان و كانت الدخلة متظبطة و كلة تمام قاللولى الدخلة اللى فاتت , رحت رايح و نزلت فى الدخلة اللى مش كويسة بس مش زباالة . المهم وصلت هناك الساعة 8.20 و كان معادى 9.15 الامن دخلنى و كان فى مهندس استقباال اخد بيانات العربية و كل الكلام دة و قاللى هنغير زيت ب 245 و فلتر 55 و لو عايز تنضف الموتور رحت قلتلة لااااا , و قلتلة عايز الفلتر قاالى دة بيبقى مليان زيت قلتلة حطة فى اى كيس , المهم قعدت استنيت ان العربية تتحرك الساعة 9 , مافيش حاجة , بدات العربيات تتسحب الساعة 9.45 , قعدت مستنى 10.45 ,11.00 ,11.30 , قلت كل دة بيغيروا زيت ليييييييييية , قمت اسال المهندس قاللى روح ادفع يا فندم فى نيسان , و انا رايح ادفع لاقيت العربية واقفة برة الورشة بس مش عند الاستقباال , رحت دفعت لاقيت العربية لسة واقفة و لاقيت فى عامل بيغسل العربيات فسالتة قاللى عربيتك خلصت و ممكن تاخدها قلتلة مش المفرووض استلمها من المهندس قاللى مش معاك اذن خروج قاللى تقدر تخرج , فخدتها و خلعت , بس احقاقا للحق لاقيت الفلتر القديم فى العربية