-
انوار عدادات الكرستالة.؟
يا رجالة انا معايا كرستالة وكنت عاوز اغير لون العدادات والكنسلة الى فى النص الى فوق الكاسيت
المهم فكيت العدادات وغيرت اللمبات
بس المشكلة ازاى اغير المبات بتاعة الكنسلة الى فى النص الى فوق الكاسيت مع العلم انى سالت عليها وقالولى انها نوع لمبات سفايا صغيرة جدا ولونها اصفر بس فهل الكلام دة فعلا ولا اية الحل اصفر ولا اركب الطربوش وتبقى خضرا
بصراحة انا كنت عاوز اقلبها ازرق او ابيض.؟
هل حد عندة حل او مغيرها قبل كدة؟
-
انا كنت غيرت لمبات العدادات حتى بتاعة العربية 1.7 وات وانا حطيت مكانها لمبات 5 وات ثمن الواحدة 2 جنية لمبات صفراء
عادية
بس بتاعة الساعة والتاكيف معرفتش افك الكونسول اصلا
-
لا انا عرفت ازاى افك الكنسلة بس اجيب لمبتها البيضة منين تكون على نفس المقاس؟
مشكلة محيرانى اوى اوى اوى
-
بدون تغيير المبات قم بأزالة الغطاء المطاطى من على اللمبة و بيكون لونه أزرق أو أخضر و هتبقى اللمبة بيضاء
-
جربتها ياباشا وطلع لونها اصفر ولونة رخم اوى اوى
-
انا مغير اضاءه العربيه كلها لاحمر
-
مشكورا أزاى ياباشا؟؟؟؟؟؟؟
عملت اية غيرت اللمبات ولا لونت اللمبات ولا عملت اية؟؟
-
بص ياباشا
انا اشتريت لمبات لونها اصفر عادي
5 لمبات 5 واط بدون كعب
و5 لمبات سفايا
اللمبه الماني ب2 جنيه
انا جربت اللي لونهم ابيض في لمبه الولاعه مقعدتش اسبوع
فعشان تفك وتغير كله وحتتكلف بتاع 100 جنيه لان الابيض اغلي
وتتحرق
حتضطر تفك تاني
المهم
اشتريت سبراي احمر من العادي اللي بيتباع عند اي حد بتاع حدايد وبويات
وفرخ فاميه احمر من اللي بييتلزق عالفوانيس الخلفيه
وشلت ورق العداد ولزقت وراه عشان الشرط اللي في الورق تبقي حمراء
وحطيته تاني
ومسكت اللمبات رشيتها احمر
وسبتها تنشف
ورشيتها تاني
وسبتها تنشف
الكلام ده علي مدار اسبوع
يوم ترش وتسيبها تنشف
وتجرب
عشان اللمبه تاخد كذا وش
واللون يثبت وميروحش من السخونيه
بس واستنيت لما نشفت خالص
وجربتها لقيت اللون تمام
وركبت وكله زي الفل
والتابلوه عندي كله احمر دلوقتي
وفاضل الرقاصه بس :)
-
ماشاء اللة
تسلم ياباشا على الشرح الوافى
بس مشكورا لو فية امكانية تصورهولى وتنزل الصورة
-
من عينيا ياباشا
بس اما جربت اصوره لقيت الاضاءه ضعيفه يعني مش باينه في الصور بس ححاول اجبهولك عشان تشوفه
Content Relevant URLs by
vBSEO 3.6.0 PL2