الجراج وسنينه !

**sama_Sama** · 05-05-2012 06:19 AM

يدعي عليها، أو يحتسب

**Land_Cruiser** · 05-05-2012 10:21 AM

للاسف الفئه دى انتشرت و مش هينفع معاها الادب و ممكن تشتريلها كلابش العجل و تكلبشلها عربيتها بيه و خد المفتاح معاك و سيبها تتنطط زى القردة

**khela** · 05-05-2012 10:38 AM

واضح من الكلام ان الباكيات دى مش تمليك اذا من حق السكان كلهم الانتفاع بالجراج ومع احترامى للراجل وواضح انة مؤدب وذوق وان الست غلسة الى ان الحق احق ان يتبع ومينفعش ابقى واخد شقة فى العمارة واحجز 3 باكيات وساكن غيرى معندوش ولا باكية اذا ما هو الحل :
- يتم تسعير الايجار وفقا لاعلى سعر جراج فى المنطقة المحيطة والى يقدر يدفع ياخد مكان واهو كلة منفعة لصيانة العمارة
-اذا كان كلة حيدفع يتم تظبيط مكان جيد لكل شقة اولا وبعد ذلك يتم لحصول على اماكن اخرى للعربيات الزائدة
-او يتم تعيين سايس للجراج ذو كفائة وامانة يقوم باخراج وادخال سيارات السادة السكان ورصها داخل الجراج دون مجهود او وجع دماغ منهم وليهم
والله اعلم

**MOK3336** · 05-05-2012 10:53 AM

و الله نفس المشاكل برضة في الجراج ايلي انا بركن فيه
س مش بنفس الطريقة المستفزة دي
الحل الوحيد زى ما الناس قالت تعمل جنزير علي البكيتين بتوعك
من غير مواسير في الأرض ولا حاجة
حضرتك حتخرم بالشنيور أو الهيلتي في العمودين و تعمل سلسله بقفل
لو حصل و القفل اتكسر او اى حاجة ساعتها بقي مفيش غير قلة الأدب بس بأدب
إزاى
يعني لو نزلت ولقتها راكنه تاني اقفل عليها بحيث متعرفش تطلع
مرة تانية فسلها العجلة
مرة تالثة اركن عربيتك قدام عربيتها و سيبها كده كام يوم
يعني خليها تكرة الباكية بتاعتك

**Khaled Lanos** · 05-05-2012 11:18 AM

المشاركة الأصلية كتبت بواسطة Khaled_Nowaihy

يا سلااااااااام بسيطة جدا
طالما كده كده عربية هاتقف برة فى الشارع يبقى هو لما يرجع يلاقيها راكنة عربيتها مكان عربيته يركن العربية قدامها فى مدخل الجراج ويسد بيها مدخل الجراج ويحبس عربيتها جوه
ويستغنى عن العربية دى ويسيبها اسبوع متعشقة وشادد الفرامل ويوصى السايس يخلى باله من العربية
ويستعمل العربية التانية
ويسيبها تضرب دماغها فى الحيطة اللى تعجبها
ولو لمست عربيته يبقى جنت على نفسها

المشاركة الأصلية كتبت بواسطة moh_faheem

بص من الاخر
يسبها تدخل عربيتها جوة الباكية بتعتوة عادى
ويجى يركن عربيته برة الباكية وميخلهاش تخرج منها خالص
ويربيها لغاية ما تقول حقك عليا
وطبعا هيا والا هتعرف تخرج والا تدخل
وتتعطل كام يوم وتتحايل عليه علشان يوسعلها
وتخرج هو ده الحل الوحيد معها
علشان فيه ناس مش بتيجى بالذوق خالص

+1111111111111111111

**mfs3570** · 05-05-2012 03:31 PM

اسهل حاجة تتعمل حضرته يسيب ليها مكان من بتوع عربياته واول ماتدخل فيه يقوم قافل عليه ويسيبها كده يومين تلاتة لحد ما تفهم ان شالله يركب تاكسيات

**minicooper20** · 05-05-2012 04:53 PM

نفس الحوار عندى
بس انا فليل الادب شويه

**ahmedkhairy** · 07-05-2012 03:04 PM

للاسف دى ثقافة شعب
الحل يقفل المكانين بتوعه بجنزير حديد .

**mr_vampire** · 07-05-2012 03:20 PM

المشاركة الأصلية كتبت بواسطة khela

واضح من الكلام ان الباكيات دى مش تمليك اذا من حق السكان كلهم الانتفاع بالجراج ومع احترامى للراجل وواضح انة مؤدب وذوق وان الست غلسة الى ان الحق احق ان يتبع ومينفعش ابقى واخد شقة فى العمارة واحجز 3 باكيات وساكن غيرى معندوش ولا باكية اذا ما هو الحل :
- يتم تسعير الايجار وفقا لاعلى سعر جراج فى المنطقة المحيطة والى يقدر يدفع ياخد مكان واهو كلة منفعة لصيانة العمارة
-اذا كان كلة حيدفع يتم تظبيط مكان جيد لكل شقة اولا وبعد ذلك يتم لحصول على اماكن اخرى للعربيات الزائدة
-او يتم تعيين سايس للجراج ذو كفائة وامانة يقوم باخراج وادخال سيارات السادة السكان ورصها داخل الجراج دون مجهود او وجع دماغ منهم وليهم
والله اعلم

مع احترامي لكل الاراء اللي قالت نقفل عليها ونحبس عربيتها....

بس فعلا الراي ده انا معاه جدا. فعلا كل شقة ليها مكان واحد لحد ماكل السكان تركن وبعد كدة لو فيه اماكن زيادة تركن الغربيات الزيادة.

وفي رايي ملهاش علاقة بحقد او غل او حاجة ( مع ان الست فعلا مستفزة في تصرفاتها وكلامها واسلوبها ) بس بجد زي ماقال العضو الحق احق ان يتبع...

معاك عربيتين تلاتة عشرة ربنا يحفظهملك ويباركلك فيهم بس مش مشكلتي انا انك مش لاقيلهم مكان . انا حقي مكان اخده ( وبالادب وبالذوق وبالرضا )....