سحبها حلو و لا ايه ؟ ياريت اسمع اراء المجربين و ملاك الصني المانيوال
عرض للطباعة
سحبها حلو و لا ايه ؟ ياريت اسمع اراء المجربين و ملاك الصني المانيوال
انا معايا صنى مانيوال 2012 و سحبها كويس و الدبرياش كويس الحمد للة
ممتاز
ولا تأثير في وجود التكيف
اصلي بفكر اجيبها لما ربنا يكرم بس انا كنت سايق فيرنا قبل كده و كلنا عارفين سحب الفيرنا فهل سحب الصني زي الفيرنا ؟ و لا حجمها تقيل علي الموتور ؟
عن تجربة
لو بتحب الجري بتاع الفيرنا اعتقد الصني مش هتدهولك
الصني تقيلة وجبارة مش طايشة زي الفيرنا
ما انا عارف بس بتجري و الاكسليريشن كويس ؟ ده السؤال
الفيرنا حالة منفردة ولا تقارن باي عربية من الفئة دي
الصني المنيوال سحبها قوى جدا عن تجارب كتييييييييير شخصية مع عربيات من نفس الفئة
والالنترا العربية الوحيدة اللى بتتعبنى علشان كدة كانت العربية اللى اشترها مع الصنى
اى استفسار انا تحت امرك
تحياتي
شكرا يا باشا
سحب الصني في المانيوال ممتااز واكتر من ممتاز وبتتفوق على اي عربيه من فئتها ..
بس نصيحه وعشان خاطري هات اوتوماتيك وبلاش مانيوال عشان طرق مصر والزحمه
هتقرف من المانيوال .. ولو بتحب الجري الاوتوماتيك بردو مش وحش والله ..
ع العموم الاختيار الاول والاخير لحضرتك .. وفي الحالتين انت راكب عربيه محترمه مهما كانت
يا باشا المانيوال سحبها 100/100 انا معايا مانيوال لانى مش بحب الاوتوماتيك
وما شاء الله بس انت دوس بنزين وما لكش دعوة بالباقى
وميزتها عن الفيرنا ثابته تبقى جايب 180 ومطمئن بس انا مزوتش عن كده
واستجابتها سريعة وحتى لو مشغل المكيف ولا بياثر
عربيتى مانيوال مو 2010 سحب ممتاز استهلاك بنزين ممتاز تحكم كامل فى العربية ...انا مسقتش الفرنا بس اسمع ان موتورها قوى عليها علشان كدة التسارع بتاعها احتمال يكون اجمد بس بعد سرعة 80 اعتقد متجبش الصنى
عربيتي صني مانيوال 2010 بسم الله ما شاء اللع عليها سحبها جبار و بتوصل بيك لسرعة 120 في ثواني و أنا قبل كدة مشيت بيها علي سرعة 180 و الله ماكنتش حاسس إلا لما بصيت في عداد السرعة و كنت فاكر إني ماشي علي 90
إشتريها و لن تندم عربية فعلا محترمة و حمالة أسية و عالية عن الأرض مقارنة بمثيلاتها
تجميع الصني جميل ماشاء الله و طلعتها ممتازة ......وزنها حوالي 1100 كم
فمش تقيلة وطلعتها جميلة جدا ماشااء الله ...... و بعد ال3500 ر بي ام عربية تانية ماشاء الله
شوف يادكتور لو عايز تجربها انا تحت امرك عربيتك يعني
و مقارنة بالفيرنا علشان جورج Eng.Geo ......... كان معاه صني ومانيوال قالي ان الصني المانيوال مع الفيرنا تعديها والعهدة علي الراوي
ومتساش الاستخارة وربنا ييسرلك الخير :))
مميزات المانيوال: استهلاك بنزين اقل , استهلاك تيل فرامل اقل , تسارع اعلي , سرعة قصوي اعلي , الفيتيس 5 غيار , سهل قيادتها بطريقة رياضية , لو البطارية حطت منك ممكن تزقها وتدور عادي , صيانة الفيتيس المانيوال اسهل وارخص
مميزات الاوتوماتيك : سهولة القياده في الزحام , وميزة قوية لمعظم المشترين عتد اعاده البيع , مابيحتاجش يتغيرلة ديسك واسطوانة كل فتره
مين بيقول مانيوال تعالالي... بص يا باشا أنا اشتريت الصني مانيوال لأني لسببين، أولا إني مش بحب سواقة الأوتو (بحب ابقى متحكم في النقلات) والسبب التاني إني جربت الطلعة في العربيتين والتسارع ولقيت إن المانيوال بتختلف، الطلعة بسم الله ما شاء الله جبااااااارة، والتسارع رائع وأجمل ما في المانيوال (استهلاك البنزين) مختلف جدا بس ده مش معناه إن الصني الأوتو استهلاكها سيء، لا بس المانيوال أفضل، ولو مشغل التكييف ما بتحسش بأي مشكلة وحتى لو معاك وزن، بس طبعا الأوتو بيتفوق في راحة القيادة فقط (وفي فرق 20 كيلو في الوزن بين الاتنين) المانيوال 1100 والأوتو 1120 .. تحياتي
متااااابع
الف شكر يا رجالة علي المعلومات دية و خصوصا استهلاك البنزين دة لانة مهم جدا
لكن السؤال هل الفتيس المانيال ناعم و سلس زي الياباني و هل بيظهر فيه مشاكل من التأفيل المصرى؟
هو الفيتيس كويس بس ساعات بيعلق في الرجوع , وعموما النيسان مش ناعمة زي الانسر والتيوتا ولا حتي الانترا , بس بافضل قيادتها عن الاتواع السابق ذكرها
الف شكر يا رجاله و شكر خاص لسونا
انا معايا صنى 2008 مانيوال عامله 130 الف بصراحه العربية سحبها جامد وخصوصا بعد ال rpm 3500 الاستجابة بتكون سريعه جدا وومشبيفرق اذا كنت مشغل تكييف او لا او محمل العربيه او لا بالعكس كل ما تكون العربية محمله وكل ما بيكون الثبات اعلى يعنى بكون مسافر انا واسرتى والشنطة مقفوله بالعافية ومركب 3 معايا وبجيب ال 180 بسهوله وبتكون عايز تجري كمان لكن انا اللى بخاف الصراحه وكمان الثبات بيكون رائع جدا واستهلاك البنزين كويس جدا .
بصراحه الصنى المانيوال جميله جدا وخصوصا لما بتكون الدنيا فاضية لكن الاوتوماتيك مناسبه جدا للمدن الزحمه و خصوصا لسكان القاهرة انا بصراحه بكره نفسي لما بنزل القاهرة
لو انت ناوى تستخدمها فى القاهرة او مدينه زحمه الاوتو افضل لكن سفر وفراغ زي عندنا فى الغردقة المانيوال اروع وامتع بكتييييييييييييييييييييير
اخوكم مصطفى
معلش سؤال يعني ايه السحب حاجة تانية بعد 3500 rpm ..
انا عربيتي مانيوال 2012 صني وصوت الموتور بيعلى اوي قرب 3500 ولا انا عندي حاجة غلط؟
انا بردو بسمع كتير موضوع ان صوت الموتور بيعلي بعد 3500 لكن انا مش بلاحظ ان صوت الموتور على او حاجه وغالبا انا بوصل عند 3500 والعربيه على الغيار الخامس وبحس ان العربيه بدات تهدا وادائها بدا يتحسن و استجابة دواسه البنزين عالية لان العربية بتكون ساعتها معدية ال 120 .