انا عايز اشترى اوبل فيكترا موديل 2000 فكنت عايز اعرف رايكوا فى الموديل ده واسعار ه كام واسعار قطع غياره ايه وهل هى متوفرة ولا لا ؟ وهل الموديل ده بيسخن ولا لا وحل السخونية ايه ؟ ويعنى ايه موتور ايكوتك وده موجود فى اى موديل ؟
واسف على الاطالة
عرض للطباعة
انا عايز اشترى اوبل فيكترا موديل 2000 فكنت عايز اعرف رايكوا فى الموديل ده واسعار ه كام واسعار قطع غياره ايه وهل هى متوفرة ولا لا ؟ وهل الموديل ده بيسخن ولا لا وحل السخونية ايه ؟ ويعنى ايه موتور ايكوتك وده موجود فى اى موديل ؟
واسف على الاطالة
فادى هيفيدك اكتر منى
بس الأيكوتك نزل من 2002
الموديل ممتاز وواضح من كلامك ان الموتور ايكوتك ودي تكنولوجيا خاصه باوبل لتوفير الوقود وده اختصار ل economic tech.
مواتير الايكوتك 2 كامه علويه-16 صباب- هورس باور عالي قوي بيوصل ل137 حصان في ال2000 سي سي وبتعمل في الصفيحه 280 كم وتزيد
درجه حراره تشغيلها اعلي من الاسيوي بشكل عام وده الطبيعي في الالماني بشكل عام للتاكد من الحرق الكامل للوقود وحوض الموتور ودوره التبريد مصممين لتحمل مثل هذه الحراره
نصيحتي ليك اكشف عليها كويس جدا جدا علشان لو حالتها مش حلوه هتدوخك انما لو حاله حلوه هتستمتع بيها جدا ,ربنا يوفقك
طيب هو كان فى ايكوتك فى 2000
ايون الايكوتك من اول سنه 2000 حتي 2003 في الاوتوماتيك فقط سواء 1600 او 2000 سي سي
انا شاكر ليكوا جدا ، طب كده يبقى كل الموديلات من سنة 2000 حتى سنة 2003 الاوتوماتيك هو ايكو تك صح ؟
طيب اتاكد ازاى ان الموتور ده ايكوتك ولالا ؟
وهل صحيح ان العربية دى بتسخن اوى خصوصا لو شغلت التكييف ؟
بص الماتور بيبقى مكتوب علية و الوش بتاع 2000 الايكوتيك فضى فى اسود و مكتوب علية فى النص ايكوتيك والماتور دة نزل من اول موديل 2000 لحد 2003
اما الماتور 2000 الكامة واحد دة نزل فى موديلات 96 لحد 99 بس ودة وشة اسود بلاستيك و مكتوب علية اوبل بس
اما 1600 الكامة واحد نزل من 96 لحد 2003
و 1600 الايكوتيك نزل من 2000 لحد 2003 و مش موجود فى b1
موضوع السخونة دة مش موجود غير فى العربيات اللى حالتها تعبانة اوى اوى بص العربية لو نظيفة مش هتلاقى منها اى مشكلة نهائى
ونصيحة منى حاول تركبها 2000 اوتو
باختصار يا فادى
8 صباب كامه واحده
16 صباب كامتين يبقى ايكو تك
زى بتاع النوبيرا
العربيه ديه لو دوره تبريدها زي مافادي قال مظبوطه عمرها ماهتسخن معاك.
خلي بالك من الخراطيم والقربه
فيه واحد ضحك عليه وقالي القربه مفروض تملاها كل يومين لكن بعد ماظبط الخراطيم بقت بالشهور مش بتنقص وهو ده الصح. توكل علي الله واكشف عليها كويس وان شاء الله هتركب عربيه تحفه بكل المقاييس
2000 ايكوتيك الاوتو متعه تانيه. عربيه عائليه ووقت اللزوم والجري هتلاقي موتور وعزم يعتمد عليهم.
وقطع الغيار كتيره اوي وان شاء الله مش هتحتاجها الا نادرا
من الحاجات اللي ندمت عليها اني بعتها ربنا يبارك لصاحبها فيها
نفسي الاقي عربية ايكوتك 2000 حالتها نضيفه اوي بجد بندم اني مشتريتهاش من الاول
بس اعتقد ان المواتير الي نزلت من منصور مكانتش ايكوتك صح ؟؟