-
Review أفضل 10 speakers في العالم 2012
-
تسلم ايدك .
في حاجة كويسة جدا في المقارنة وهي السوني . واخدة رقم 4 واقل سعر فيهم بفرق كبير
-
و برضو الكينوود اللي الناس طالعة بيها السما و اسمها 500 وات في المركز السادس و كمان طلعت 90 rms
و مقارنة بالسعر هنا في مصر أنا جايب الجي بي إل 300 وات 100 آر إم إس و كمان أهم ميزة فيهم إنها 2 أوم ب 270 جنيه
-
اقتباس:
المشاركة الأصلية كتبت بواسطة boody_boo
و برضو الكينوود اللي الناس طالعة بيها السما و اسمها 500 وات في المركز السادس و كمان طلعت 90 rms
و مقارنة بالسعر هنا في مصر أنا جايب الجي بي إل 300 وات 100 آر إم إس و كمان أهم ميزة فيهم إنها 2 أوم ب 270 جنيه
انا نفسي ال جي بي إل تكون اصليه مش تقليد ..لان سعرها كده مش طبيعي
-
اقتباس:
المشاركة الأصلية كتبت بواسطة ahmed_mamdouh
انا نفسي ال جي بي إل تكون اصليه مش تقليد ..لان سعرها كده مش طبيعي
انت عارف و كلنا هنا عارفين إن مفيش حاجة بتجيلنا تتباع في مصر بتكون بالجودة رقم 1
كله بيجيلك أقل بكتير في الجودة
يعني برضو متقنعنيش إن الجي إم البايونير اللي سعره على موقع بايونير الرسمي 220 دولار يعني حوالي 1350 جنيه مصري و بيتباع هنا ب 635 جنيه يبقى هو هو نفس الجودة ...... ولا الصب اللي يعره على الموقع حوالي 150 دولار يوصل لأكتر من 850 جنيه مصري و بيتباع هنا ب 330 جنيه يبقى ده واااااااااو هو الأصلي رقم واحد
كل البضاعة اللي بتتباع عندك في مصر مبقاش فيه منها حاجة أصلية بنسبة 100%
-
اقتباس:
المشاركة الأصلية كتبت بواسطة boody_boo
انت عارف و كلنا هنا عارفين إن مفيش حاجة بتجيلنا تتباع في مصر بتكون بالجودة رقم 1
كله بيجيلك أقل بكتير في الجودة
يعني برضو متقنعنيش إن الجي إم البايونير اللي سعره على موقع بايونير الرسمي 220 دولار يعني حوالي 1350 جنيه مصري و بيتباع هنا ب 635 جنيه يبقى هو هو نفس الجودة ...... ولا الصب اللي يعره على الموقع حوالي 150 دولار يوصل لأكتر من 850 جنيه مصري و بيتباع هنا ب 330 جنيه يبقى ده واااااااااو هو الأصلي رقم واحد
كل البضاعة اللي بتتباع عندك في مصر مبقاش فيه منها حاجة أصلية بنسبة 100%
هي الجودة فعلا بتختلف . لاكن بخصوص الاسعار علي موقع بايونير هاتلاقيها غالية عن اي مكان تاني
جرب مثلا تشوفها علي amazon.com
هاتلقية ارخص واكيد الحاجة بجودة ممتازة
-
اقتباس:
المشاركة الأصلية كتبت بواسطة boody_boo
و برضو الكينوود اللي الناس طالعة بيها السما و اسمها 500 وات في المركز السادس و كمان طلعت 90 rms
و مقارنة بالسعر هنا في مصر أنا جايب الجي بي إل 300 وات 100 آر إم إس و كمان أهم ميزة فيهم إنها 2 أوم ب 270 جنيه
باشا السعر دة اكيد في حاجة غلط
انا مركب جى بي ال موديل t696
600وات 150 rms وكنت جايبهم ب 1250ج
وفعلا لازم جى بي ال تأخد المركز الاول لان من المتعارف علية انها اكبر شركة ف العالم في مجالها
ودة فيديو للسماعات الي انا مركبها
JBL T696L - YouTube
Autoanlage 1200 Watt rms mit neuen JBL T696 - YouTube
-
ماحدش مختلف على ان الجي بي ال شركة جامدة جدا ....احنا بنتكلم على ان اللي في السوق عندنا ده غالبا مش الاصلي
-
انا اعتقد ان تقريبا اختلاف السعر يرجع لبلد الصنع
يعني اللي عندنا منشأ صيني
اللي على الموقع امريكي
وبخصوص ان الانفينيتي اقل في الترتيب من جي بي ال فاعترض بصراحه
مفيش اي حاجه الجي بي ال اعلى فيها
بل بالعكس الانفينيتي اعلى في العمق
وهنزل اشتري واحده كمان يومين ان شاء الله انفينيتي ههههه
-
اقتباس:
المشاركة الأصلية كتبت بواسطة ahmed_mamdouh
ماحدش مختلف على ان الجي بي ال شركة جامدة جدا ....احنا بنتكلم على ان اللي في السوق عندنا ده غالبا مش الاصلي
لو هتفكر في الأصلي يبقى محدش هيركب أي حاجة خااااااااالص
الشركة نفسها بتلاقيها بتنزل منتج كلاس A و بعد كده بتنتج هاي كوبي منه بجودة أقل شوية
زي مثلاً الهيد فون beats by dre
الأصلية بتاعتها ب 1200 جنيه أصغر حاجة لكن موجود هنا في مصر منها ب 300 جنيه بس هاي كوبي و محدش قدر يفرقها عن الأصلية "و روحت ب النسخة الكوبي ديه فيرجين ميجا ستور الوحيد اللي عنده الأصلية و محدش هناك فرقها في أي حاجة عن الأصلية لا شكل و لا صوت"
نفس الفرق بيحصل في ستريوهات السيارات
بتلاقي نفس المنتج موجود في مصر بس مش الأصلي .. بيكون هاي كوبي لإن ديه إمكانيات السوق في مصر و كجودة بتكون طبعاً أقل بس مش ملحوظة .. لكن الفرق الجوهري بيكون في خامات التصنيع و ال durability بتاعة المنتج الأصلي عن الهاي كوبي
لكن الشكل و الأداء كله بيكون متقارب بشكل صعب جداً تفريقه
و على فكرة دلوقتي الجي بي إل الأصلية بتتصنع في الصين و ده اللي بعتهولي الكونتاكت سنتر بتاع JBL بعد ما بعتلهوم من يومين أسألهم على مكان تصنيع السماعات بتاعتهم