تعالوا ندعبس على شوية موضوعات مهمه فى القسم ;)

**ahmed_h_g** · 05-05-2012 04:21 AM

حبايبي البرتونويين الجامدين
السلام عليكم ورحمة الله وبركاته
بفضل الله سبحانه وتعاله ثم الأعضاء الكرام لقد حصلت على منسق القسم
وطبعا" زى مانتوا شايفين شكل القسم متغيرش من 30 سنه
ف لو سمحتوا عايزين ننشط القسم بالمواضيع الجديده من أحلى أعضاء ويرجع القسم منعنش زى الأول
فياريت لو فيه أى أقتراحات أو أى موضوع تايه فى القسم وكان موضوع مهم مينفعش يتساب تنسخ الرابط بتاعه هنا فى الموضوع
وياريت لو حد يعرف يعمل ديزاين حلو كده يقولي علشان هطلب منه كام طلب
وبالمره نقدر ننظم القسم فى أهم الموضوعات والموضوعات المثبته على الصفحه الرئيسية للقسم
والموضوع اللي شايفينه مثبت ومالوش لازمه يتشال وياخد مكانه موضوع أهم
وطبعا" كل ده هيبقى بشكل جديد وترتيب أفضل وأنا معاكم يوميا" ان شاء الله

وعلى فكره
أول موضوع أتكتب فى القسم كان بتاريخ
22/4/2007
منذ هذا التاريخ الى الأن كمية مواضيع مستخبيه فى الصفحات ومواضيع مهمه ومفيده جدا"
فياريت اللي يدور في المواضيع القديمه ويلاقي مشكله مهمه بحلها أو تقرير مصور أو موضوع مهم جدا" يكتب الرابط الخاص بيه هنا
واللي عنده أقتراح يكتبه ونتناقش فيه وقريبا" ان شاء الله الديزاين الجديد للقسم هيعجبكوا والله المستعان

يالا متكسلش وأكتب اللي شايفه لازم يتغير فالقسم .

**ahmed_h_g** · 05-05-2012 04:29 AM

أجمالي المواضيع فى قسم البروتون الأن
5991 موضوع

**hoko** · 05-05-2012 09:02 PM

المشاركة الأصلية كتبت بواسطة amrelsha3er

احمد باشا كلنا معاك
بالنسبه لموضوع رامى الى هوكو بيقول عليه انا شوفته انت قصدك على الصور اللى كان ضايفها عن فرش العربيه اللى عملو فعلا هو موضوع مهم ويستحق التثبيت

كمان له اضافات كتيره -موضوع عن التكييف وكيفية تنظيف الفلتر - كمان موضوع عن كل الحساسات اللى بالعربيه كل ده بالصور التوضيحيه ده اللى انا فاكره .

**yousefsemsem** · 05-05-2012 11:10 PM

وكمان بعد اذنكم توضيحات بكهرباء العربيات واهم من كل ده مقاسات الفيوزات لكل وحده علي حدا لان الموضوع ده سببلي مشكله كبيره امبارح ولسه خلصان منه بسببه كانت العربيه هتولع او بمعني اصح ولعت بس ربنا ستر
وكل ده ان الكهربائيه مش فاهمين مقاسات الفيوزات واي حاجه بتتحط في اي حته بس الحمد لله غيرت السلوك اللي باظت وراجعت علي الضفيرة وركبت الفيوزات بمقاساتها

**tamerosman** · 06-05-2012 12:22 AM

فى موضوع جامد جدا كان عامله المهندس عبد الرحمن ، عن بدائل تيل الفرامل ، انا طلب تثبيته اكتر من مره و محدش رد عليا ،،،، شكرا

**saint2011** · 06-05-2012 01:05 AM

فعلا موضوع تيل الفرامل كان عاملة المهندس عبد الرحمن مهم جدا ومطلوب تثبيته

**saint2011** · 06-05-2012 01:07 AM

وأيضا كان فى موضوع عن الزيوت وكيفية أختيارها كان مهم بس بصراحة مش فاكر مين كان عاملة

**ahmed_h_g** · 06-05-2012 05:21 AM

طيب لو فيه رابط للمواضيع ياريت تنسخه هنا علشان لسه فيه ترتيب وتنسيق كامل للقسم
أنا برضه المواضيع اللي هلاقيها هعمل نسخ للرابط هنا فى الموضوع علشان أخد رأيكوا فيه قبل التثبيت ان شاء الله