لمبة الزيت بترعش لم العربية تسخن

**mazdawy** · 12-06-2008 07:31 PM

تحياتى لكل الأعضاء أولاً : عربيتى مازدا 929 لاحظت ان لمبة الزيت بترعش أو بتبربش لما العربيه تبدأ فى المشى أى لما تسخن ولما أدوس بنزين تبطل تنور واختلف الميكانيكية منهم من قال على الموتور شوية ومن قال غير فلتر زيت ثم ساعة الزيت وان لم يكن نتيجة ففك الموتور واكشف على طلمبة الزيت وانا غيرت الفلتر ومازال العيب مستمراً ولم أغير ساعة الزيت وأخر رأى من ميكاميكى قال لا تغير الساعة لأن العربيه مادام بتعمل كدة يبق الطلمبة وأنه بيفكها ويصلحها ما بيغيرهاش ! ماهو الصح يأ أصدقائى.

**ahmed2801** · 12-06-2008 07:41 PM

مادمت غيرت الفلتر ولسة العيب موجود
اعتقد انة لازم تصلح طلمبة الزيت أو تغيرها أو تكون لاقدر الله الخلوصات بتاعة السبايك كبيرة جدا ودى كارثة فيها حل موتور لاقدر الله وربنا يستر
طمنا بعد اصلاح الطلمبة

12-06-2008 11:08 PM

زى ما البشمهندس احمد قالك كده بالظبط...

1-لكن بالنسبه لخلوصات السبائك..لو زادت اوى كده..لازم هتسمع منها صوت واضح جدا
فالو مبتسمعش صوت من البلوك يبقى نستبعد الاحتمال دا

2-طلمبة الزيت وهو الاحتمال الارجح
.................................................. ................................

3-والاهمممممممممممممممممممم ممممممممممممممممممممممممم ممممممممممممممم

بالله عليك قبل اى حاجه...غير ساعة الزيت..وتأكد من سلامة وصلتها

ساعة الزيت لو فيها حاجه...بتعمل العيب دا

احيانا الساعه بتكون سليمه بس السلك بتاعها متآكل فلما تذود بنزين الموتور يتهز فالسلك يلممس فى اقرب جزء معدنى ليه..فاللمبه ترعش..

او ساعات الماده البلاستيكيه العازله بتكون ضعفت جدا فلما العربيه تسخن...الماده تسيح شويه فالسلك يلممس ..ولما تكون العربيه بارده الماده تبقى ناشفه فا متلممسش !!!!!!!

ودا كان احد الالغاز اللى وجهتنى قبل كده ولحقت عربية واحد..ومكنتش اعرفه
والله والميكانيكى كان خلاص بيفك قواعد الموتور عشان يطلعه ويغير الطلمبه

مش هتاخد منك ولا وقت ولا فلوس...شييك عليهم ولو كللو تمام..
اتكل على الله واعمل الطلمبه او غيرها

هذا والله اعلممممم

**MMamdouh** · 13-06-2008 03:17 AM

لما بتدور الصبح بالذات فى الشتا هل الموتور بيبقىصوتة عالى لمدة ثوانى و بعدين يتعدل؟؟؟ يعنى بيعمل صوت كدة زى مواتير الديزل و بعدين يبقى عادى؟

لو الاجابة بنعم تبقى سبايك كرنك

MMamdouh