-
محتاج مساعدتكم (بورا)
السلام عليكم
انا انهارده رحت افترجت على عربيه بورا موديل 2000
العربيه فابريكا برا وجوا وحالتها ممتازه
الصيانه بتاعتها تمت ف التوكيل
بس صاحب السياره بيقولى انه لما راح صيانه 100 الف قالوله العربيه بعد فتره هتحتاج علبه دريكسيون وقالوله ف التوكيل يعمله ف الحرفيين
العربيه دلوقتى عامله 127 الف كيلو
تنصحونى بايه مع العلم انى هكشف على العربيه ف التوكيل ولو محتاجه علبه دريكسيون فعلا هتتكلف كام ؟
محتاج ردكم ضرورى
وشكرا جزيلا
-
-
اولا شكرا لردك واهتمامك, بس مين الى يقدر يشتغل ف حاجه زى دى من غير ما تحصل مشاكل ف العربيه
كمان موضوع انى اكشف عليها ف التوكيل دا الاحسن ولا اروح ارفعها ف البنزينه واوديها عند المكانيكى الى بيشتغل ف الفولكس؟
-
اولا, يا تكشف فى التوكيل يا تروح تعمل فحص كامل عند هانى عصمت ورا حديقة بدر فى جسر السويس.
ثانيا:موضوع علبة الدركسيون تتجاب استيراد فى حدود 1000 الى 1200 ج تقريبا (بس طبعا فى مصنعية تركيب كمان ممكن تبقى فى حدود 200 ج مثلا او أزيد على حسب هتشتغلها عند مين), و تركيبها مش قصة ممكن عند هانى عصمت بردو و طمينا بردو الراجل بيتكلم معاك فى كام.
-
اخي الكريم العيب الخاص بعلبة الدركسيون وحتى خراطيم الباور وخلافه موجود حتى بالاودي ولكن مش بيكلف 700 وهيدخل باكثر من كده على فكرة والاسلم لحضرتك تروح وتسال من الاول خالص عليها لو استيراد او مستعمل هتكلف كام وهتتعمل فين وده رأيي لحضرتك بامانة
-
يا جماعه انا متشكر جدا لردكم
وانا فعلا هعمل كدا هسئل عليها استيراد او مستعمله
والجديد هبقى ارد على الموضوع
شكرا جزيلا
-
اه نسيت اقولكم ان صاحب العربيه طالب 74 الف
-
-
بص دلوقتى الموضوع واقف على الكشف, علبة دركسيون بس ولا مشتملات العفشة كمان (جلب و بيض - مساعدين و بطاحات) ,خلى بالك الحاجات ديه بتصرف.
-
رشاد يعملها بمنتهى السهوله و فى سيد فى جسر السويس استاذ فى العربيه ددى اكشف و اخصم تمن التصليحات
عربيه محترمه فوق متتخيل
Content Relevant URLs by
vBSEO 3.6.0 PL2