عرض للطباعة
عندى اللمبة اللى جوا الشنطة مش بتنور وخدت اللمبة كشفت عليها لقيتها سليمة حد يقدر يقلى اقدر اكشف على اية تانى و ممكن يكون العيب فين؟انا عارف انها مشكلة بسيطة و اى كهربائى ممكن يعملها بس انا بصراحة بحب اعمل الحجات الصغيرة دى بنفسى مش اوفر والله بس ياعنى اضمن وجزاكم الله كل خير و دى شكل الكشاف بتاعها هى عربية لانسر 99
أتأكد أن فيه كهربا واصله لدويل اللمبه إما عن طريق أفوميتر (فيه أنواع رخيصه بحوالى20 جنيه)
أو أنك تجرب تحط لمبه تانيه مكانها و تشوف حتنور ولا لأ
إذا نورت يبقى المشكله أتحلت _ منورتش يبقى تمشى ورا الأسلاك لحد ما تعرف هى واخدة كهربا منين وتحل المشكله
المشكلة ابسط مما تتخيل وهى فيوز من الفيوزات ضرب او مش وتوصل كويس
1-ا هى مبتبقاش على فيوز لوحدها هى تبع فيوز نور الصالون
2-ساعات الاطراف المعدن اللى فى الدوايا اللى بتركب بينهم اللمبه بيتراكم عليهم صدأ او وساخه فابيحصل عزل (نضفهم كويس وجرب
3-ساعات العيب من المفتاح نفسه اللى فى الشنطه الى بيضضغط عليه لمما الشنطه بتفتح فالنور يشتغل
4-شوف السلك واصللو كهربا ولا لأ (من الزرار الى الدوايا)
5-لو كل دا سليم ولسه النور مابيشتغلش يبقى تغير الدوايا بعد طبعا ماتتأكد انها مش شغاله بعد التأكد من سلامة الزرار والسلك واللمبه
6- لو بعد كل دا بردو مانورتش...تروح تشترى شنطه كامله استيراد وتريح دماغك :)
إن شاء الله بكرة هشوف الحاجات دى كلها وربنا يسهل كدة وتشتغل عشان لو مشتغلتش هاخليها هاتش باك:)......انا دورت كويس فى الشنطة مالقتشى الزرار اللى بينضغط علية دة تفتكرة بيبقى فيييييين..
والف الف الف الف شكر ليكم
الحمدو لله تمت معالجة المشكلة بنجاح و هى كانت فى المفتاح بتاع الشنطة كان فى عازل من التراب كدة نضفتة و رشيت علية Wd40 وكلو بقى تمام والحمدو لله
طب الحمد لله ..واى خدمه :)
اطلع بقه بسندويتش عالماشى :)