المشاركة الأصلية كتبت بواسطة me_medoo
يا جماعة هيا القصة كلها ساعه ساعتين. يعني مش قاعدة وهنبعت نجيب شيشة وطاولة ودمنة ، ويالله العب دورك لا لا انتا الي لعبت الدور الي فات دلوقتي دوري. ، ووزع وفنط الورق كويس يابنشي ههههههههه
دلوقتي لو انتا مشغول وواحد صاحبك اتصل عليك و قالك تعاله عدي عليه خمسة هتقولوا استنى ما افتح الاجندة. واقرب ميعاد ايه ، وبلغ السكرتارية وهما ياخدولك اقرب ميعاد ولابتلبس اي حاجة وبتروح تعدي عليه .... فكزالك هو الوضع ، يعني هو مش اجتماع مجلس ادارة من الي بالكم فيه وكل واحد حاطط قدامو ورقة وقلم علشان يسجل ابرز النقاط وقرارات القسم وقزازة مي ساقعه وكلنا لابسين بدل وجرفتات لا لا لا الحياة مش كده خالص ، ده تقدر تقول عليها ياسيدي اكنك بتقابل شوية اصحابك كده في الشارع بس بدل ما هنقف في الشارع هنقعد في المول. في مكان مكيف ونقعود ونتعرف وندردش. ونتكلم. وندحك شوية مع بعضينا. ونتمشى شوية في المول ونعاكس هههههه ، طيب يا جماعه هستئزن انا باه .... ياعم خليك رايح فين. معليش اصل ورايا شغل الصبح شوفوا انتو ايمتى المقابلة الجاية علشان نتقابل وصلى الله وبارك وعلى فكرة هيا دي المقابلة الي ببلاش عاوز مبادرة بفلوس وفندق او باخرة على النيل مفيش اي مشكلة انشالله حتى تقولولي والنبي هتلنا سعد الصغير يغنيلنا شوية والفنانه دينة والنبي معاه مفيش عندي اي مانع ونحجز مثلاً في النايل سيتي او السرايا او حتى الباروون انشالله ماعن حد حوش بس مقابلة مول العرب دي مجرد تعارف ودردشة وحل بعض مشاكل الاعضاء الي بيشتكو باصوات مجهولة في عربياتهم ودردشة ياريس. دردشة لا اكثر ولا اقل وجمبيك المطاعم عاوز تقوم تضربلك سندويتشات من مؤمن شغال والي عاوز من كنتاكي شغال والي مش عاوز. يطلب حاجة خالص برضو شغال ، فهمتو ياشباب انا بتكلم عن ايه فكلها ساعة زمن اكنك رحت علشان تسئل عن حاجة ورجعت تاني ، بس المره دي فانتا بتسئل عن زمايلك واصحابك واحبابك وتكون صداقات جميلة. ومثمرة .... وتحياتي