اماكن تصليح و قطع غيار تعاملت معها و اثق فيها
الموضوع بأختصار انا هقول كل الاماكن اللي اتعاملت معاها بالعنواين عشان لو حد احتاج حاجة و مش عارف يروح و هو مطمن و هقول الاماكن اللي اتعاملت معاها برضه و محدش يهوب ناحيتها ولا يعدي من ادامها حتي ههههه و الموضوع هيفيد اكتر سكان الهرم و الجيزة و الدقي
بالنسبة للميكانيكا:
انا متعاملتش مع كتير في الميكانيكا بس هقول اللي عندي:
1-شريف بركه في البحر الاعظم جنب قسم الجيزة فاهم و حريف مشكلته انه ابو النوم كله بس اخواته موجودين و بيقوموا بالشغل و اللي يروحلوا يقولي و شغال في الاتي:
1-سيات(ابيزا 94 و 99 و 2001 و 133 و توليدو 96)
2-فولكس(جولف بموديلاتها و بولو)
3-هيونداي(فيرنا و اكسنت 1300 و 1500 انجكشن)
4-ميتسوبيشي(لانسر 1600 2007 و لانسر قديم)
5-تويوتا(كورولا عيون و كورولا 2006 1300 و كورولا 91)
6-فيات(بونتو و 132 و 131)
7-مرسيدس(كان معمر مرسيدس تمساحة 200 قبل كده شفتها عنده لكن مش متخصص فيها)
8-لادا
-محترف في فك و تركيب الكربراتير و اللي خلاني اذكر دي بالذات ان الكربراتير معقد جدا في تكوينه و اجزائه و الحاجات الرفيعة اللي فيه كتير و عن تجربة للكلام ده و عملي شغل عفشة قبل كده خليته يغيرلي بلي الفابريقة من 5 شهور)
-تعاملت مع ميكانيكي في شارع الدقي مش فاكر اسمه بصراحة بس حلنجي و يوهمك انه عمل شغل و هو معملش اي حاجة
مركز خدمة ماستر فولكس اللي كان فاتح في بنزينة في الهرم و دلوقتي فاتحين مركز خدمة في المريوطية(اوعوا حد يقرب منهم عن تجربة الكلام ده و مش هقول حاجة تاني)
-في مركز خدمة جديد فتح في شارع الثلاثيني في الهرم هنا الحاج حسن (فولكس هاوس)بيشكر فيه جدا جدا بس لسه مجبتش اخباره
بالنسبة للمرسيدس احمد عبيد في المنيب هو الtop
الكهرباء في واحد عند احمد عبيد اسمه علاء بيشتغل في كهرباء جميع انواع السيارت و المرسيدس كمان هو اللي ظبط بتاعتنا بس لازم تبقي علي دماغه و تقف علي ايده بس كهربائي بيفهم شفت عنده لانسر 2007 و بيجو و مرسيدس
بالنسبة للرادياتيرات في واحد في شارع الحسيني اللي ادام القرية الفرعونية في البحر الاعظم لجميع انواع الردياتيرات نحاس و فيبر اسمه عزت ابو دنيا
بالنسبة للعفشة في عفشجي جامد جدا كل انواع العربيات شفت عنده 128 و سيفيك 92 وعملي حاجات في الابيزا و دايو و هيونداي شغال الله ينور في شارع المدبح متفرع من شارع البحر الاعظم بعد قسم الجيزة بشوية
بالنسبة لمحلات قطع الغيار اللي بثق فيها في فولكس جروب:
1-فولكس هاوس
2-فتح الباب
3-سامح في شارع شمبليون بس اسعاره عالية
4-الهندسية لقطع الغيار في شمبليون (توكيل سيات)
اللي مش بثق فيه في قطع غيار فولكس جروب:
1-ماستر فولكس
2-محمد لادا في اول فيصل يديك الحاجة الصيني بسعر الاسباني و يقول عليها اسباني
بالنسبة للسمكرة:
1-خالد صلاح اللي انا بعمل عنده الابيزا محترم جدا جدا طالع من عنده لانسر 2007 1600 كانت ضايعة لو شفتوها هتقولو عليها زيروووووووووو
2-حسن..ده سمكري معدييييييييي كان في سيينا لابسة في جاجوار و مشيسة و مش نافعة طلعت من تحت ايده زيرو ده جنبي هنا بعيد عني بحوالي 15 دقيقة مشي
اللي عايز حاجة تاني يقولي بأه لو عندي هقول يا رب مكونش نسيت حاجة و يا رب تستفيدوا:):3gears:
