عايز أعرف الفرق بين المياه ا لخضراء والمياه العادية فى التبريد ؟ ولو عربيتى فيها مياه عادية عادى لما تقل أزودها بمياه خضراء ؟ وإيه أفضل نوع مياه خضراء وسعره لو سمحتم ؟
عرض للطباعة
عايز أعرف الفرق بين المياه ا لخضراء والمياه العادية فى التبريد ؟ ولو عربيتى فيها مياه عادية عادى لما تقل أزودها بمياه خضراء ؟ وإيه أفضل نوع مياه خضراء وسعره لو سمحتم ؟
متابع
يعنى محدش رد بنصيحة لوجه الله
على كلام الأغلبية من الناس إن ماء موبيل الأخضر افضل حاجة و الجركن 4 لتر ب 68 جنية من البنزينة و ممكن تكمل بماء مقطر و تزود منه كمان و كده يبقى تمام أوى
مياه التبريد الملونة سواء اخضر أو أحمر أو أرزق بيكون فيها مواد هامه جدا لدورة التبريد
مانع للصدأ - مخفض للحرارة وبيزود درجة الغليان الماء بدل ما يغلى عند 100 بيغلى مثلا عند 110 أو 120 وبالتالى مبيحصلش بخر مياه زى المياه العادية - بيكون فيها نسبة من الزيت لتزييت طرمبة المياه
المفروض حضرتك لو عندك صدأ بتغسل الرداتير كويس عند واحد بتاع رادتير
وبعدين تحط نوع كويس من أنواع مياه التبريد
ابعد عن الأنواع الردئية الرخيصة مجهولة الهوية غاليا بتكون مياه مضروبه ومغشوشة بمية نار
أنا لسه شارى النهاردة جركن 5 لتر من شركة مصر للبترول مياه زرقاء بـ 19 جنيه
فيه نوع تانى من انتاج شركة ادكو
فيه انواع تانية اغلى وأفضل جركن موبيل 4 لتر بـ 67 جنيه
وفيه تانى من عند شل
وفيه انواع اغلى اسبانى
أنا اشتريت النوع المصرى بتاع مصر للبترول لإن عندى المواسير مصدية وكل كام شهر بغسل الرداتير فهيبقى حرام اجيب موبيل ابو 67 جنيه
المياه العاديه بها املاح مما يسبب صدا داخل دوره التبريد ويؤدى للسخونه
والمياه الخضراء بها ماده معالجه للصدا وكمان ليس بها اى املاح والافضل انك تغسل الريداتير كويس وبعد كده تحط مياه خضراء بس يكون تركيزها قليل عشان اكيد دوره المياه بها اثار املاح فلى عندك مياه اسبانى كويسه حط الريداتير كله منها ومتزودهاش بمياه عاديه تانى خالص
لى صديق كان بيصلح ردياتير عربيته وسألت الصنايعى عن نوع مياه التبريد الخضراء
قالى هوا بيجيب فى ورشتة نوع أمريكى صناعة سعودية تقريبا اسمه Seatop
وبيقولى حاجة غريبة جدا ...ان مياه التبريد بتاعت موبيل بتبقى فيها نسبة ملوحة اعلى شوية من الانواع التانية
وقالى جرب وحط نقطة صغيرة على لسانك ونقطة من النوعية الى عندى هتلاحظ الفرق
بصراحة انا شاكك فى كلامه ... انتوا اية رأيكم
بلاش تصدق فتى الصنيعية موبيل هي افضل مياه تبريد في السوق