أسعار قطع غيار الهيكل-ماتريكس 2007!

**NaderNabil** · 12-06-2008 09:28 PM

يا جماعة واحد صاحبي والده عمل حادثة مش كبيرة قوي يعني بالماتريكس بس محتاجين الحاجات ديه نجيبها:
ولو حد عنده فكرة عن الأسعار ياريت يقول:

كبوت
رفرف
اكصدام
زجاج أمامي
فانوس أمامي يمين
غالبا صدر

عايز أعرف ايه أرخص و أضمن مكان نجيب منه القطع ديه...تكون الأصلي طبعا...و ياريت في نطاق القاهرة

شكرا لكم!

**bassam nagy** · 13-06-2008 09:52 AM

معرفش اسعارهم بس ينزل يشوفهم فى الوكالة فى محل فى شارع 26 يوليو كان عارض نصف خلفى للماتريكس كامل اكيد عندة النصف التانى وهاتلاقى هناك
ربنا معاة ويقدرة على اصلاحها

**liquidator** · 13-06-2008 10:25 AM

المشاركة الأصلية كتبت بواسطة NaderNabil

يا جماعة واحد صاحبي والده عمل حادثة مش كبيرة قوي يعني بالماتريكس بس محتاجين الحاجات ديه نجيبها:
ولو حد عنده فكرة عن الأسعار ياريت يقول:

كبوت
رفرف
اكصدام
زجاج أمامي
فانوس أمامي يمين
غالبا صدر

عايز أعرف ايه أرخص و أضمن مكان نجيب منه القطع ديه...تكون الأصلي طبعا...و ياريت في نطاق القاهرة

شكرا لكم!

أخي الكريم قدر الله ماش شاء فعل .. أنا عندي أسعار بعض الحاجات دي بس الأسعار دي يمكن من سنه .. بس مش هاتلاقيها اتغيرت كتير ...
كبوت : 1300 جنيه
رفرف : 650 جنيه
أكصدام : 750 جنيه
عظم أكصدام : 350 جنيه
فوم أكصدام : 250 جنيه
زجاج أمامي : 800 جنيه + 400 جنيه جلد و لزق و خلافه
فانوس أمامي : 650 جنيه
حرف T ( الأسود اللي في الصدر ) : 480 جنيه ..
باقي الصدر حقيقي ماعرفش ...
الأصعار دي لها من حوالي سنه .. ماعرفش دلوقتي عامله كام بالضبط بس مش هاتختلف كتير .. دي كلها أسعار غبور ..
نصيحه ان كنت ناوي تشتري كل ده م غبور , اشتريه من مكان واحد , يعني كلهم من أبو رواش أو كلهم من قليوب , عشان لما الفاتوره تبقي كبيره بيعملوا خصم كويس أوي بيوصل ل 25 % و عاملولي خصم كده أيامها , و اتفاوض و فاصل معاهم ماتخدش أول كلمه منهم و تقول أمين , يعني لما يقولوا خصم 15 % قول لا 20 أو 25 % , في موضوع الخصومات ده فاصل عشان تحصل علي أعلي خصم ...
ربنا معاك و تحياتي لك أخي الكريم ...

**NaderNabil** · 13-06-2008 09:36 PM

الحمدلله الحاجات اتجابت...بس انا زهلت من الأسعار اللي انت كاتبها يا liquidator...اليكم القائمة بالحاجات اللي جبناها:

كبوت 750
فانوس أمامي أصلي 400
زجاج أمامي 350
مراية يمين 320
توربيدو (الفبر اللي تحت المساحات) 90 جنيه

الحمد لله باقية الحاجات مش محتاجة تتغير...

طبعا كل الحاجات ديه مش من غبور...هاعرفلكم بكره بالظبط العنوان و التفاصيل.

شكرا لمساعدتكم يا جماعة:)

**Matrixawy** · 13-06-2008 10:22 PM

المشاركة الأصلية كتبت بواسطة NaderNabil

الحمدلله الحاجات اتجابت...بس انا زهلت من الأسعار اللي انت كاتبها يا liquidator...اليكم القائمة بالحاجات اللي جبناها:

كبوت 750
فانوس أمامي أصلي 400
زجاج أمامي 350
مراية يمين 320
توربيدو (الفبر اللي تحت المساحات) 90 جنيه

الحمد لله باقية الحاجات مش محتاجة تتغير...

طبعا كل الحاجات ديه مش من غبور...هاعرفلكم بكره بالظبط العنوان و التفاصيل.

شكرا لمساعدتكم يا جماعة:)

اختلاف رهيب فى الاسعار اتمنى ان ينتبه الاعضاء لهذه المعلومة ليتأكدوا ان غبور بينهب الناس و بيشتغلهم على اعلى مستوى .
و قد قام صديق لى بأصلاح سيارته الماتريكس من حادث فى ابورواش و غيروا له الكبوت و الاكصدام و رفرف يمين و كشافين و الشبكة الامامية و رشوا له الجزء الامامى و اخذوا منه 20000 الف جنية مع العلم ان الخبطة لم يكن لها تأثر على الشاسية او الموتور او الريداتير .

**Nile_Storm** · 13-06-2008 11:26 PM

المشاركة الأصلية كتبت بواسطة NaderNabil

الحمدلله الحاجات اتجابت...بس انا زهلت من الأسعار اللي انت كاتبها يا liquidator...اليكم القائمة بالحاجات اللي جبناها:

كبوت 750
فانوس أمامي أصلي 400
زجاج أمامي 350
مراية يمين 320
توربيدو (الفبر اللي تحت المساحات) 90 جنيه

الحمد لله باقية الحاجات مش محتاجة تتغير...

طبعا كل الحاجات ديه مش من غبور...هاعرفلكم بكره بالظبط العنوان و التفاصيل.

شكرا لمساعدتكم يا جماعة:)

الحمد لله انها جت علي كده يانادر
و ان شاء الله ترجع زي الفل

**amrtalaat** · 14-06-2008 02:54 AM

طب كمل جميلك وقولنا ع المكان.....

**zakiali** · 14-06-2008 05:40 AM

من فضلك تقولنا علي المكان اللي جبت منه الحاجات دي .. أسعاره كويسه فعلا مقارنه بغبور النصاب .

**Bassim** · 15-06-2008 09:47 AM

أعزائى أعضاء المنتدى،
أولا:
بالنسبة لأسعار غبور، الفكرة أن الأسعار دى سعرها كدة لأنة كل يومين يعمل اعلان فالجرايد و خلافة بالملايين ، و بالتالى الى بيتحملوا الأسعار دى هما أحنا .مع العلم أن كل قطع الغيار الاصلية دى موجودة عند ناس برة من نص ال ثلث الثمن.(بس خلو بالكو ، مش اى حد بردة)
ثانيا:
نادر صديقى قالى على ان فى ناس هنا سالت عالاماكن دى ،فقالت فرصة تكون أول مشاركة ليا فى المنتدى الرائع دة :) ، و اليكم 2 من اكبر الأماكن:

1) العدوى : ودة يا جماعة مكان محترم جداااااا،لمل اسأل على جاجة و مبتكونش موجودة ، بيدوروا عليها لحد ميلائوا احسن سعر ويكلمونى. انا انصح بالتعامل معاة عن تجربة
العنوان: 115 ش مصدق من شارع السودان-الدقى
تليفون:0233379920 -0163340111

2)الأخلاص: وده اكبر وفى حجات أكتر لأنة بيستورد لحسابة و بيوزع على كل تجار التوفيقية و دمشق كمان. عيبة الضغط الشديد وبالتالى بطييييييييئ .
أنصح فقط بالجوء اليه فى الحاجات الكبير عشان تخلص علطول ومن الاخر ، الى مش عاندو غالباً مش هتلاقية الا فغبور.
العنوان:14،16 ش التوفيقية -المول الجديد
تليفون: 25748448 -0103890301
ارجوا انى اكون أفدتكم ولو فى اى استفسار انا تحت امركم .شكراً

**hazem_khidr** · 19-06-2008 07:23 PM

المشاركة الأصلية كتبت بواسطة Matrixawy

اختلاف رهيب فى الاسعار اتمنى ان ينتبه الاعضاء لهذه المعلومة ليتأكدوا ان غبور بينهب الناس و بيشتغلهم على اعلى مستوى .

و قد قام صديق لى بأصلاح سيارته الماتريكس من حادث فى ابورواش و غيروا له الكبوت و الاكصدام و رفرف يمين و كشافين و الشبكة الامامية و رشوا له الجزء الامامى و اخذوا منه 20000 الف جنية مع العلم ان الخبطة لم يكن لها تأثر على الشاسية او الموتور او الريداتير .

مش معقول اكصدام و كبوت و رفرف و كشافين و شبكه ب 20 الف
اكيد عمل حاجه كبيره
ولو مكنش عمل حاجه كبيره ف الاسعار دي مستحيله
دا هيونداي في الاول و الاخر مش رولز رويس !!!!!!!!