الموضوع: عايز اصلح لابتوب Acer في مكان غير التوكيل...؟

الاخ الكريم علشان تحكم انه خلاص قاطع من دايرة الباور لازم تعمل التالي /
أول حاجة تتاكد ان الشاحن بتاع الجهاز بيطلع كهربا وبالجهد اللازم فعلا عن طريق افوميتر وتقيسه على dc او تجربه على جهاز تاني .
2. افصل البطارية خالص ووصل الشاحن مباشر ممكن يكون في مشكلة بالبطارية سبب القفلة دي
3.واخيرا لو تاكدت من الحاجتين اللي فوق ولقيت لما بتوصل الشاحن مثلا في صوت زنة يدوب مسموعة او فلاش بيدي زي ليد كده نور متقطع مكان ما بتوصل الشاحن يبقى كده دايرة باور ولازم يتفتح اللاب وتتصلح .
بانتظار ردك

طب الحمد لله يا باشا ان الجهاز اشتغل البطارية بكام دي على حسب موديل الجهاز بالزبط يا باشا بس مش شرط تكون باظت على فكرة وفي حاجة لازم تعملها تاني علشان تحدد ان كانت البطارية باظت او لا
اول حاجة هتسيب البطارية برة الجهاز لفترة كده وبعد كده هتحاول توصلها بس والجهاز مطفي وتصبر عليها شوية مع الانتباه لدرجة حرارة الشاحن وان كان في سخونة زيادة عن اللازم ولا طبيعية والبطارية مكانها بيسخن او لا وتابع شوفها بتشحن او لا
ان مكنش ومشحنتش خالص تمن البطاريات التقريبي من 200 - 400 جنيه والله اعلم