انا في حيرة بين الي انا ركبته وبين الي معرفهوش كان معايا لانسر 2007 ولسه بايعها وعايز اجيب موديل السنة فمحتار بين هيونداي اكسنت rb الفئة الثانية وبين لانسر 2012 الفئة الاولي اتوماتيك والاثنين وكيل فايهما تفضل ؟؟؟؟ عشان انا محتارررررررررررررررررر ؟
انا في حيرة بين الي انا ركبته وبين الي معرفهوش كان معايا لانسر 2007 ولسه بايعها وعايز اجيب موديل السنة فمحتار بين هيونداي اكسنت rb الفئة الثانية وبين لانسر 2012 الفئة الاولي اتوماتيك والاثنين وكيل فايهما تفضل ؟؟؟؟ عشان انا محتارررررررررررررررررر ؟
ياراجل من يابانى الى كورى لية التحول الرهيب دة طبعا خليك فى الانسر ولو سقت الهيونداى حتحس بفرق كبير ميغركش الشكل والحكركات ولا وجة للمقارنة اصلا
هو الناس هنا ليه بتحسسني ان اللانسر دي مرسيدس والهيونداي دي اسبرانزا !!
اول فئة من اللانسر 1600 تجيب اكسنت هايلاين , ثاني فئة من الاكسنت تجيب لانسر 1300
يعني التفوق في الشكل والاوبشن والحداثة للاكسنت
المفروض تعمل الموضوع فى قسم المقارنات يا فندم بدل موضوعين فى القسمين اللى بتقارن بينهم
لو استخدامك بسيط اشتري الي تعجبك
لو بتبهدل يبقا الشارك
يا باشا هتعمل موصوع هنا كله هيقولك لانسر .. هعمل موضوع في هيونداي كله هيقولك الاكسنت :)
اعمل واحد في قسم المقارنات بس افضل كومنت كتيلا عشان يفضل بارز والناس تشوفه واسأل اسئله مفصله متسيبش الموضوع عايم
الشارك بدون نقاش طبعا كفاية ال mivec 1.6 الجديد
بص يا باشا هو كاعتمادية واداء طبعا الانسر مافيش كلام ولا وجه للمقارنة
لكن هنا برضوا الموديل والكماليات والشكل هيفرق كتير !
الانسر على قد ماهي عربية اعتمادية وعملية الا انها خلاص خدت وقتها ومن وجهة نظري حرام اللى يشتري لانسر موديل 2012 ! قولي ليه
العربية بقالها في السوق اكتر من حوالي 8 سنين بنفس الشكل تقريبا ! فمش منطقي ان حضرتك بتشتري عربية زيرو موديل 2012 وهي اصلا موجودة في السوق بقالها سنين وسنين ! طب ماتشتريها مستعمل بقى احسنلك ؟
الكماليات اللى في العربية قليلة جدا وصعب انها تكون كماليات عربية موديل 2012 !
الحاجة الاهم ان حضرتك كان معاك لانسر 2007 بالتالي مش هتحس بفرق نهائيا ! ولا هتحس انك اشتريت عربية زيرو
مجرد احساس فقط انك مثلا غسلت عربيتك غسلة نضيفة ورشتها رشة تمام ورجعتلك زيرو فقط لا غير !
الاكسنت على قد ماهي كاعتمادية وعملية اقل من الانسر الا انها افضل في الشكل والكماليات والاوبشنز كفايا ان حضرتك هتبقى حاسس انك ركبت عربية حديثة !
ومش شرط المقارنة تبقى لانسر واكسنت فقط عند حضرتك في الفئة السعرية دي
كيا ريو الجديدة ! عربية ممتازة والناس بتشكر فيها
سيراتو ! غنية عن التعريف طبعا
وممكن لو حضرتك عايز ياباني تدخل المازدا 3 الجديدة معاهم
ولو هتستنى شوية لحد نزول الشكل الجديد من التويوتا ياريس لانها خلاص على وشك انها تنزل
وممكن تفكر في الهوندا سيتي ماتور 1.5 والشكل الجديد بتاعها ممتاز بصراحة
والله مس محتاجة مقارنة ياجماعة فيه واحد استعماله خفيف وجوه البلد يادوب على قد المشوار لا جري ولا حرق ولا غرز والميتسوبيشي والكيا والهونداي كل واحد ليها ميزة عن التانية لو شاب وجري والكلام ده يبقى هونداي اخر حاجة وخليك في الاتنين التانين لو مش فارقة معاك الجري وباصص للشكل والكماليات وقطع ارخص يبقى الهونداي وشوف في الاخر انت بتقارن بينهم في استعمالك مش بتقارن مع الناس لو هاتسالهم صيانة اوك اسعار اوك ثبات اوك اما مش بشكل عام لانك هاتلاقي اراء كتير ( انا من ملاك الميتسوبيشي وبحبها جدا منعا للردود الفرعية ) بس شوف حضرتك مهتم بايه في العربية وانشالله هاتختار على اساسه وتقبل المرور
Rb حلوة جدا وشيك من برة وجوة وحقيقى تشعر انك راكب عربيه 2012 ... الهيونداى جودة واقتصادى وتقفيل نظيف وعلى فكرة العربيه اشيك واحلى من الريو ... وخلى بالك الهيونداى وكيا الشركه الام واحده
لانسر طبعا
ميدو باشا بلدياتى متور واحمود باشا منورنا والله بس برضه لانسر :p:d
لانسر
لو شارك يبقى مفيش كلام شاااااااااارك بدون تفكير
لو يومه ممكن تفكر خصوصا انها اول فئه