الرجاء المساعدة فى الاختيار بين العربيتين وخاصة انا من الصعيد وعندى مركز صيانة لمنصور شيفروليه يعنى لو اخترت الكروز هل ده يسهل الصيانة وقطع الغيار ولا النترا افضل وشكرا....
عرض للطباعة
الرجاء المساعدة فى الاختيار بين العربيتين وخاصة انا من الصعيد وعندى مركز صيانة لمنصور شيفروليه يعنى لو اخترت الكروز هل ده يسهل الصيانة وقطع الغيار ولا النترا افضل وشكرا....
بدون تحيز بس انا كنت في نفس معضلتك و جبت الانترا :
ليه ؟
بالنسبة للسيارة :
عامة قبل مانخش .. الانترا تقييمتاها اعلى بكتير من الكروز في كل حتى
بالنسبة لاول فئة اوتوماتك في الاتنين .. الكروز مافيهاش حاجة تقريبا !
الانترا تزيد عن الكروز في اول فئة ب :
عجلة قيادة متعددة الوظائف - فوج لايتس - تعديل الكرسي في 4 اتجاهات - تحكم في اضاءة التابلوه
و ارخص "حاليا" 8 الاف جنيه عن الكروز !
محرك اقوى بكثييييييييييييييير
فتيس 6 سرعات
استهلاك بنزين اقل
حتى لو غبور توكيل وحش .. فهو بالتاكيد ارحم من منصور ... و ليه زميل داخ على بعض قطع الغيار داخل التوكيل نفسه للكروز.
الشكل اذواق .. الاتنين حلويين في راي رغم تفوق الكروز نسبيا في الداخل (في التصميم مش في الخامات).
واللهِ لو أنت ساكن في الصعيد و طريقك كله مكسر و كده خليك في كروز احسن
ألنتراااااااااااااااا وش ....
النترا
النترا بس استنى معايا الموديل الجديد 2013 كلها شهرين بالكثير احسن ليك
أكيد فيه فرق؛ :pirate03:
لما تكون شاسيه وعفشة الألنترا أصلها سيراتو،
وشاسيه وعفشة الكروز جاية من الأوبل أسترا/insignia (بدون Watt-Link).. لااااااازم يبقى فيه فرق، ده نظريا...
عمليا؛ الصراحة الكروز رغم انها مش جراية أوى (الألنترا أسرع بكتير)، إلا ان الثبات ماعليهوش كومنتات.. بالعكس العربية ثقيلة وثابتة أوى عـ الطريق.
بالنسبة للمكونات:
دى بتبقى حسب الـSpecs بتاع الشركة الأم، رغم ان الأثنين تقفيل كورى.. بس تختلف.
- يعنى المساعدين فـ هيونداى-كيا هتلاقيها ماركات اللى زى Mando والكلام ده،
- لكن GM-أوبل-دايوو هتلاقى ماركات أعلى سيكا.. ممكن تلاقى Sachs، INA أو FAG.. كده
أقله هتبقى مواصفة قريبة من الأوبل أسترا (فـ حالة الكروز مثلا).. :brn:
الصراحة أنا شوفت عفشة الكروز من تحت؛ متكلفة.. مقصات وبارات ودامبرات، أجمد من الكورى.. (بس أقل من الأسترا طبعا). :Copy of m-s5:
الإلنترا أفضل، رأي شخصي