الموضوع: مشكلة في الفرامل نيو سيراتو 2011 ارجو الحل

المشاركة الأصلية كتبت بواسطة moha4tec

سؤال لان عندى مشكله بجد و كبيره و ممكن تكون هى سبب الحادثه بتاعتى و الله اعلم
لما بدوس فرامل على سرعه مثلا 20 او 30 و افضل دايس جامد لحد التوقف التام .
بسمع صوت بالظبط كده تكه عاليه واضحه زى اللى بتسمعها لما العربيه تتغسل فى البنزينه و التيل يتبل .نفس الصوت بس اعلى و من غير غسيل .و لما العربيه بتتغسل بيبقى الصوت اقوى و اعلى .مع الدوسه و لما تسيب
يبقى دا اه بقى ؟؟؟؟؟

ده الـCaliper Pins ياباشا، بتقفش من التراب والسخونة..
البينات اللى بتمسك الكاليبر فـ الـbracket بتاع الفرامل.

هما اللى بيضبطوا مشوار الـpiston عشان يزق التيل، فيمسك على الديسك.. Guide يعنى.

الموضوع ده مدايقنى جدا جدا و الصوت ده ملوش دعوه بالاه بى اس خالص .و بيبقى على السرعات البطيئه او اثناء الركن .
مع العلم تم تنضيف التيل و صنفرته و غسله و تنضيفه من التراب . و الصوت لازال موجود
يا ريت الرد يا علامة المنتدى و صاحب الراى الرشيد .لانى بجد محتار و مش عارف اعمل اه و عندى احساس ان انت باذن الله هتوصلنى للحل .

بص ياباشا،
المفروض تفك العجلة وتفك المسمارين بتوع الـPins دول:




طبعا هتلاقى وشهم لجوا العربية (مش لبرا ناحية العجلة)، هتلاقى عليهم كاوتشتين عشان التراب

ممكن تلاقى الـPin حته واحدة زى كده: (الصامولة built-in):

والكاوتشة اللى لابسة عـ البينات دى؛ ممكن تلاقيها فـ البين اللى فوق بس.. وممكن ماتلاقيهاش خالص.. (أعتقد لو الفرامل Mando مش هتلاقيها).

وممكن تلاقيهم 3-قطع (زى الـBosch)، المسمار + الكاوتشة + البيناية نفسها:


- هتجيب اسبراى الفرامل Gunk مثلا أو أى نوع نظيف.. وتنظف الـpin (وممكن ترش جوا مكانه فـ الـBracket نفسه).. ولو عايز تغسل البينات ببنزين ممكن.
- هتشحم الـpin بشحم High-Temp أو شحم عالى (فيه نوع Moly، وفيه Silicone) شحم فرامل.
المهم مايكونش شحم بينشف بسرعة من الحرارة، لأنها كده ممكن تقفش أكثر..؟!!
- ركب الكاليبر والـpins تانى، اتأكد ان كاوتشة البين والتيل راكبين صح، وممكن تشحم الـShims التشماية بتاع ظهر التيل بشحم Copper.

أعتقد بعد الـProcedure دى هتضبط معاك، أصلا انت هتشوف اذا كان الـpins متوسخين وفيهم شحم/تراب.. ولا لأ أول ماتفكهم.

Edit: نسيت أقولك قبل ماتربط الـpins اتأكد انه بيتحرك بسهولة جوا مكانه (تشده من الكاوتشة وتسيبه.. المفروض يرد مكانه.

غير كده (لو صوت التكتكة لسه موجود)، ممكن تبقى الـpistons نفسها عايزة تتشحم من جوا، ودى مانصحكش تعملها بنفسك أبدا..

المشاركة الأصلية كتبت بواسطة moha4tec

بالمناسبه (للاسف عفشة الفيلوستر نفس عفشة السيراتو )على الاقل الخلفيه .و لو عاوز صور و تعليقات و شرح .
2012 Hyundai Veloster: Suspension Walkaround

ياباشا مانا عارف كده من زمان والله،
فيه كام واحد (كورى) يغيظوا بصراحة،
يقولك انت عرفت منين ان ثبات الألنترا/الفيلوستر زى السيراتو؟؟!!!
تقوله ياعم نفس الشاسيه والعفشة (مش العفشة بس، ده الشاسيه بالمللى).. يقولك انت بتفترض ليه؟؟؟!!
و فـ حقيقة الأمر، أنا اللى جربت العربيتين.. وركبتهم، وهو ولا شافهم أصلا؟؟!!! ههههههههههههههههههههه

الصراحة أنا أعرف ان الناس بتتعصب لـ عربياتها ماشى، لكن ماشوفتش قبل كده Fans للكورى عموما (وهيونداى-كيا تحديدا) وخلاص؟؟!!!
هههههههههههههههههههه
ده ناقص يبقوا Enthusisam, قالك Enthusist للكورى؟؟؟!!!!!! ههههههههههه

المشاركة الأصلية كتبت بواسطة ashouhdy

بس لما ادوس قصد غير اما يشتغل ما نفسة
لما اكبس ويشتغل دة كويس
بعدين ماهو عندى مابيشتغلش غير نااااااادرا وعلى مراحل يعنى لما اجيب البدال فى الارض غير لما يبقى نص دوسة
وجربت الاوكتافيا و الفلونس و الكرايسلر نيون 2008 كمان وكلة نفس النظام
لو تقدر تحسبلى البووش بيقفل ويفتح كام مرة والماندو كام مرة يبقى نحسبها بقى ! لكن تخمينيا مينفعش !

الكرايسلر نيون آخرها 2005 ياشهدى، وبعدين بدلوها بالـCaliber.. مفيش 2008؟؟!!!

والفلوينس فرنساوى تجميع تركى، ورينو فراملها فـ الفئة دى يا إما Delphi أو Lucas،
مابتنزلش الـBosch إلا فـ الحاجات السبور زى الـRS والـCup، أو فئة أكبر زى اللاجونا..

وقولتلك قبل كده:
الـBosch ABS 8.0/8.1 بيفتح ويقفل الـPump بمعدل 30 مرة فـ الثانية (دا أقصى Pulse-Rate)، ممكن تشتغل بمعدل أبطا حسب الحاجة.

وبوش بتقول ان ده الأسرع فـ العالم فـ أنظمة الـABS لسيارات الركوب، لأن عندهم انظمة أسرع من كدا للـMotorsports.. زى الـMK4-kit.
(طبعا كوريا الجنوبية كلها ماتعرفش يعنى أيه motorsports) ههههههههههههههه

by the way عربيتى بتقف قبل الفلونس بتاعت صحبى لما بنكبس سوا من سرعة واحدة :)
هو عندة BA بس كلام على ورق !

ومين قالك ان الـBrake-Assist بيشتغل فـ أى دوسة فرامل كده وخلاص، ومن على أى سرعة؟؟!!!

- مبدئيا لازم دواسة البنزين كهرباء (أيوه الـAccelerator) ؟!! يكون Electronic-Throttle وهقولك ليه.. ويبقى عليها 2 potentiometer.

- وطبعا فيه حساس بيبقى built-in فـ الـBrake-booster/السيرفو، بيقرأ مشوار الدواسة.. وبيدى القرايات بتاعته للـABS module

فقط (فقط) لما الـSystem يحدد 1 من الـ2 دول.. الـBA يشتغل:
1- ان السواق رفع رجله من على دواسة البنزين بسرعة، وحطها على دواسة الفرامل بسرعة.. (فرق زمنى) brake-assist يضرب.
2- من غير accelerator خالص: لما السواق يدوس عـ الفرامل بسرعة، (لماالسيستم يقرأ ان مشوار الدواسة كله اتضرب بمعدل سريع).. brake-assist وش.

ياشهدى: انتو بتعرفوا ازااااااااااااى أصلا ان الـBA اشتغل ولأ؟؟!!!
بدون اشتغالات وخليك Fair.. الفلاشر بتاع إشارات الإنتظار waiting بيضرب بمعدل سريع جدا ولا لأ؟؟
لأنه لو مابيشتغلش.. يبقى التجارب بتاعتكو هجص (من الآخر)،
هو أصلا الفلاشر بيشتغل مع دوسة الفرامل اللى تضرب BA عشان ينبه السواقين اللى وراك انه موقف طوارىء..!!! (والعربية هتقف بسرعة).

المشاركة الأصلية كتبت بواسطة hany63

حضرتك اعمل زيي بحمل على الفرامل و انا ماشي بسرعه بحيث قبل الاى بي اس مايفتح

أزاى ياهانى بيك؛ قصدك بتعرف نقطة الـBrake-Threshold وتفضل دايس قبل الـLock على طول؟؟!!!