الموضوع: الدبرياج شكله بيجيب اخره :(

بعد اذنك يا مستر غمراوى هاكتب المشاركة دى فى موضوعك
انا عندى نفس الرجة دى بالاضافة لرجة الدريكسيون ! و كمان صوت ونة فظيعة من العجل ( تقريبا مش متأكد من العجل ولا لا ) لما اكون فى مطلع زحمة و موازن العربية دبرياج و بنزين اول ما اجى اتحرك بسمع صوت ونة غبى اوى و بيسمع الشارع كله
و شكلى يا يوكو هاجى يوم التلات او الاربع التوكيل

انا عامل كلام فاضى
تقريبا 34 الف بس منهم 20 الف اول وتانى و طلعة و قفة متر بمتر

بالنسبة للرجة دى انا مش عارف ليها سبب
بسسسسسس
يمكن تكون من الكبالن الداخلية مع انى عمرى ما طلعت من الوقفة بغباء و كمان ال asr مش بيسمح بالموضوع ده اساسا
الله اعلم !

80% من سواقتى أول و تانى و غيرت ماستر دبرياج لما عملت 30,000 بالبونتو و كنت هغيره تانى لما عملت 50,000 قبل ما أبيعها! , ممكن يكون السبب ؟ بس اللى مخلينى مستبعد شوية موضوع الماستر الرجة اللى بتقول عليها

34 مش كتير

!!

المشاركة الأصلية كتبت بواسطة moe86

80% من سواقتى أول و تانى و غيرت ماستر دبرياج لما عملت 30,000 بالبونتو و كنت هغيره تانى لما عملت 50,000 قبل ما أبيعها! , ممكن يكون السبب ؟ بس اللى مخلينى مستبعد شوية موضوع الماستر الرجة اللى بتقول عليها

ممكن فعلا الماستر ؟؟؟
انا المفروض حاغير زيت الفرامل و الدبرياج و الفتيس ان شاء الله
حاشوف لو حايحصل تغيير
الرجة دى هى اللى غريبة فعلا
يمكن قاعدة الفتيس ماتت او مفكوكة

المشاركة الأصلية كتبت بواسطة formulator

صعب أوى تجيب طقم دبرياج فـ 34 ألف يا غمراوى..؟!!
أقل واجب 80-90 ألف (فـ السواقة العادية-الى-متوسطة)..

- مبدئيا لازم تربط عفشة، قواعد الفتيس والموتور فـ القنطرة بتفك بسرعة.. وبتأثر عـ الـShift (والـClutch engage/release) أوى..!!

- لو بتطلع من غير accelerator (بترفع من عـ الدبرياج بس؛ غلط).. اديها تكة بنزين فـ الطلعة عـ الأول.

- لو تنقل بدرى (قبل الـ2000-2250 rpm لا يفضل).. حاول تأخر الـUpshift سيكا، ادى الغيار وقته..

كل الحاجات دى بتأثر عـ الـClutch جدا، جرب كده وقولنا..

Edit: وكيل الـLuk (المحل اللى فـ الحرفيين) ممكن يجيبلنا طقم الـRepSet بالطلب، البضاعة الحاضرة عنده فيات (سيينا وماريا) وأوبل (فكترا وأسترا)..؟!!
مفيش فيات جديد، ولا حتى بونتو كلاسيك؟؟؟!!! دا حتى ماقاليش السعر فـ حدود كام؟؟
بيقولك فيات 2000 أو الكيلانى..!! (فكيك أوى بـ...).

ااااااه
خلاص حالبس الاوفراول و انزل بنفسى ارفعها عند الميكانيكى و اربط الدنيا دى كلها

انا طبعا باديها تكة بنزين فى الطلعة ده العادى بس بقيت فعلا انقل بدرى قوى يمكن على 1800 مثلا

طب احنا عايزين نعرف الطقم حايقف علينا بكام ؟؟
من غير ال DMF