الموضوع: افضل طريقة قيادة مع الفتيس الاتوماتيك

المشاركة الأصلية كتبت بواسطة mohammedaladel

لما تيجى تركن العربية قبل ما تجيبها ع p شد فرامل اليد وبعدها هات الفتيس على p عشان ميبقاش الحمل على الفتيس ولو عايز تتأكد اعمل زى ما قلتلك و فك فرامل اليد هتلاقى العربية ريحت منك ووقفت وهتسمع خبطة خفيفة فى الفتيس تانى حاجة انت اول ما بتسيب فرامل العربية بتبتدى تتحرك لوحدها لكن لو المكان اللى ماشى فيه عالى او تراب كثيف او كله مطبات العربية ممكن ما تمشيش وحتى لو طريق نضيف لازم تحمل بنزين مع العربية ومتسبهاش تمشى ع السلانسيه خصوصا فى الطرق الوعرة لأنها لما بتقف لوحدها فى الطرق المتعثرة بيبقى فيه حمل ع الفتيس لازم تغذيها عشان تكمل والعربية ما تريحش منك فيه حركة انا بعملها وانا سايق لو قدامى مطب على مسافة وطبعا ماشى على d بروح أحمل فرامل بسيط جدا بحيث انه ما يأثرش على العربية فى الوقت دا طبعا بكون شايل رجلى من ع البنزين لأنك بتستخدم رجلك اليمين فقط فى قيادة الاوتو ماتيك وبعدين اجيب الفتيس ع ال n واحيانا كتير بعملها من غير ما احمل فرامل كد العربية بتفك وبتمشى مسافة أطول معاك أطول ما تكون ماشية ع الدى وانت مش دايس بنزين لما تيجى تهدى على مطب

اللى معلم عليه بالأحمر دا أكبر غلط كنت بعمله أنا آسف يا جماعة من الخطأ إنك تجيب الفتيس الأوتو على المور والعربية ماشية