عرض للطباعة
في بورسعيد و خصوصا في منطقه بنك الاسكان
يوجد فائض من الانصاص و الارباع و المواتير المرسيدس
و العمليه نايمه عندهم اصلا و قاعدين يتشمسوا و يقروا جرايد
انا ليا معارف عندهم شون مرسيدس
و ممكن اضغط عليهم في موضوع الاسعار مع ان مفيش فصال اصلا
فاللي عايز نص او ربع او موتور مرسيدس يقولي
السلام عليكم و رحمة الله و بركاته
و الله, أنت ابن حلال مصفى زى العسل الأبيض.
أنا كنت بفكر أما أنزل مصر, اجيب مرسيدس w123 مو1984 و تكون 230 و أسقط فيها مكنة زلمكة تسعينات بالتكييف و الفتيس بتاعها.
ان شاء الله, لما ربنا ييسر الأحوال و أنزل, أعمل الموضوع ده, أصل أنا أصلا معايا بيجو 505 مو 80, أدام كده كده العربية قديمة, أبيعها و أجيب مرسيدس بأه و أهو كله قديم.
حد يسيب كندا و يجي مصر ؟
السلام عليكم و رحمة الله و بركاته
مانا مسيرى هنزل أجازة على الأقل شهر فى السنة و لازم يكون عندى عربية مريحة و محترمة و مكيفة عشان أركبها, ال230 لو لقيتها حالتها نظيفة و تكييفها محترم, هسيبها على وضعها, لو لقيت المكنة اللى فيها بالتكييف مش أد كده, هعمل اللى بقولك عليه, هدور على 230 تكون سليمة و أركبها لحد مالترخيص اللى فيها يخلص و أغيرلها الموتور ال2300 بموتور 2000 بالتكييف بالفتيس بتاعه يكون بتاع زلمكة بعد التسعينات.
أصل أنا مش متخيل أنى ممكن أركب حاجة من الجديد اللى موجود ده و لما تعطل, مالاقيش حد بيصلحها غير التوكيل, و أنا أصلا مش من القاهرة و كل اللى يهمنى فى العربة أنها تكون متينة و سهلة الصيانة و مكنتها قوية و فيها تكييف و باور و سنتر و ازاز كهربا, غير كده مايلزمنييييييييييييييش.