عرض للطباعة
للبيع ريس هوندا سى بى ار 250 بحالة جيدة جدا اسود فى رصاصى
رخصة سارية
لا يحتاج اى مصروف
معاه خوزة لم تستعمل بعد اصلية
الفيبر حالته جيده جدا بس انا شايله
بصراحه اصله الفيبر الاصلى بتاعه و خايف يتكسر :-)
الجمجمة عاوزة شويه شغل
السعر : 9000
01110901825
01224419023
موفق ان شاء الله
ورينا كام صورة حلوين كده تقرب المسافات شويه وتشجع اللي عاوز علي المعاينه . والا ايه
فين باقى المعلومات ؟
مكانك فين ؟
موديل كام ؟
الموتور حالل ولا لأ ؟
حالة الموتور ايه ؟
و بعدين أنت كاتب لا يحتاج اى مصروف و بعدين كاتب الجمجمة عاوزة شويه شغل
ايه هو الشغل ده و تكلفته كام ؟
فين الصور ؟
ماشى كلامكو يا رجالة خدو بقيت المعلومات
الموتور حالته حلوة جدا جدا
لسه مغير بوجيهات
الموتوسيكل موديل 90
الفيبر بتاع الموتوسيكل هوه الفيبر الاصلى مش متغير و المفجأة بقى انه مش مرشوش قبل كده فبريكة
يعنى الموتوسيكل معملش حوادث قبل كده والحمد لله
الموتور مش حالل طبعا
الجمجمة محتاجة تروح لواحد بتاع فيبر يروقها شوية ( هياخد كام يعنى 50 جنيه مثلا )
اللى هيشترى الموتوسيكل كل اللى هيعمله انه هيغسله بس عشان انا مش بحب اغسله عشان العين طبعا و هينضف الكربراتير بس عشان انا بقالى شويه منضفتوش
انا نسيت اقول ان الكوتش اللى ورا انا غيرته و جبت واحد كبير شكله جامد جدا على الموتوسيكل
مخليه شكله كبير اوى
المكان فيصل
وكفاية كده ايدى وجعتنى من كتر الكتابة :-)
يارجالة أغلب الناس اللى سألتنى على الموتوسيكل بيتكلمو فى حوارات عبيطة اوى
زى الفيبر مثلا
الفيبر ده اخر حاجة الواحد يبصلها
يا فرحتى بموتوسيكل يكفر امى وكل يوم عند ميكانيكى و الفيبر بتاعه سليم
و اكيد طبعا هيكون متغير صينى او متصلح مليون مرة و مرشوش عشان مفيش موتوسيكل موديل 90 و الفيبر بتاعه سليم
يا جدعان ده طقم الفيبر كامل ب 800 جنيه
انا بقى عندى الجناب سليمة فبريكة :-p
والضهر فبريكة و الجمجمة مش مرشوشة قبل كده خالص بس عاوزة تتظبط
الموتوسيكل اتباع يا رجالة الحمد لله
للرفع
حد من الادارة يمسح الموضوع يا جماعة انا اتهريت تليفونات :-)