الموضوع: سؤااال محتاج اجابه من المختصين

المشاركة الأصلية كتبت بواسطة PeaceMan

عزيزي الاستاذ حمدي و جميع الاعضاء اللي هيدخلوا ليشاهدوا الموضوع :


انا هتكلم عن نقطة دفاع العربية عن نفسها ضد السرقة في سطور بسيطة لكن هقف عند نقطة معينة و لن اكمل بعد ذلك و ارجوا من الاعضاء اللي هيدخلوا الموضوع لو عارفين بعد ما وقفت عنده ارجوا عدم كتابة ما بعده في الموضوع .. حفاظا ً علي سيارتنا من السرقة او تتبع السارقين لكيفية سرقة السيارة .

نظام الامان في السيارة بيحدث كالآتي :

طبعا سمعنا كتيييييييير جدا جدا عن سرقة سيارات من نوعيات و موديلات مختلفة و كمان بتوصل للمرسيدس و سيارات ذو فئات عالية .. لكن الحمدلله حتي الآن لم و لن نسمع عن سرقة نيسان صني .

نظام الامان :

لو السارق قام بفتح باب العربية باي طريقة من الطرق ستقوم السيارة باصدار سارينة كلاكس لمدة طويلة ثم تقوم وحدة التحكم بالسيارة بغلق الكهرباء عن الكونتاكت نهائيا ً يعني لو حضرتك مسمعتش صوت العربية بالكلاكسات اللي بتصدرها .. تأكد ان العربية بعد الكلاكسات هيتم فصل الكهرباء عن الكونتاكت نهائيا ً بحيث يصعب علي سارقها حتي بدوارة العربية بقطع سلكتين الكونتاكت و توصيلها ..
دا غير كده كمان ان حضرتك لما هتيجي تدور العربية بمفتاحها الاصلي مش هتدور و علي فكرة ليها طريقة خاصة جدا عشان العربية تدور تاني و طبعا دي المحطة اللي هقف عندها و مش هقول الخطوة اللي بعد كده عشان منوصلش المعلومة للسارقين ..

ارجوا اكون وصلت المعلومة و اي خدمة ...

المشاركة الأصلية كتبت بواسطة Manchestrawy

الكـلام الي بيشوي قاله سليم 100 قي 100 بس ده للي عربياتهم فيها سنتر لوك
وبشكل عام كل الصني في مصر فيه سنتر لوك .. لكن الصني الخليجي بينزل بفئه
مانيوال تماما بدون سنتر لوك ولا زجاج كهرباء بالتالي نظام الامان فيها عن طريق المفاتيح المتشفره
يعني ميدورش العربيه غير المفتاح الي مع مالك العربيه حتى لو طلعت عليه نسخه مش هتدورهـــآآ

الموضوع ده موجود في التيدا في مصر ..