الموضوع: كنت تعبان وخليت صاحبي يسوق عمل حادثة و الحمد لله

المشاركة الأصلية كتبت بواسطة محمد عز

اول حاجة حمد لله على السلامة

على فكرة صاحبك مش غلطان

انا مش متخيل الحادثة اوى

يعنى ازاى كان هيدخل فى الرصيف وبعادين وقف فجاة فالعربية اللى وراه خبطت فيه

طالما العربية اللى وراه خبطت فيه لما هوا وقف لسبب ما ، يبقى العربية اللى وراك هى الغلطانة لانه لم يترك مسافة امان كافيه علشان يقدر يفرمل ويتوقف

قدر الله وماشاء فعل

هو علشان متعود علي المانيوال

ضغط علي الفرامل جامد برجلة الشمال مرة واحده فوقفنا وسط الطريق بدون سبب
يمكن عند حضرتك حق ان اللي ورانا غلطان لانه ماسبش مسافة امان بس ساعتها مخدتش بالي و كلام صاحبي اني هو الغلطان خلاني متكلمش

علي كل حال شكرا لاهتمام حضرتك و ربنا يعافي كل الناس

بس هو 8000 رقم مبالغ فيه اوي ولا ايه؟

شكرا يا جماعة لحضراتكوا جميعا

و ربنا يعافيكوا جميعا بس نصيحتي محدش يركب عربيتك الا انت بس

حتي لو في نص الطريق فصاحبك مش غلطان لان ممكن الفرامل تقفش او حاجه تحصل في العربيه او عيل ينط قدامك وفي الأخر تضطر تقف فجاه والمفروض اللي وراك يبقي اخد باله

كون انها عربيه قديمه وبهدلك العربيه كده فاكيد صاحبك نزله من السما لما قاله انه هو اللي غلطان لا وكمان بيعرض عليه اي حاجه

وطبعا 8000 رقم كبير قوي انه يشيله لوحده وتخيل لو صاحبك مش معاك كنت ممكن عملت حادثه وانت اتبهدلت والعربيه

وانا شايف طالما تقدر تشيل الرقم يبقي شيله انت وخلاص واللي صاحبك عايز يدفعه يدفعه

المشاركة الأصلية كتبت بواسطة shaddadfalcon1

حتي لو في نص الطريق فصاحبك مش غلطان لان ممكن الفرامل تقفش او حاجه تحصل في العربيه او عيل ينط قدامك وفي الأخر تضطر تقف فجاه والمفروض اللي وراك يبقي اخد باله

كون انها عربيه قديمه وبهدلك العربيه كده فاكيد صاحبك نزله من السما لما قاله انه هو اللي غلطان لا وكمان بيعرض عليه اي حاجه

وطبعا 8000 رقم كبير قوي انه يشيله لوحده وتخيل لو صاحبك مش معاك كنت ممكن عملت حادثه وانت اتبهدلت والعربيه

وانا شايف طالما تقدر تشيل الرقم يبقي شيله انت وخلاص واللي صاحبك عايز يدفعه يدفعه

ان شاء الله هو ده اللي انا هاعملة هادغع معظم الفلوس و الحمد لله رب العالمين ان الكلام ده محصلش علي الطريق السريع الحمد لله

بس هو انا كنت اقصد هل 8000 كتير علي تصليح العربيه انا عاوز اضيفلكوا صوره بس مش عارف
يعني التوكيل مزود اوي في االفلوس و لا كده معقول
مع العلم انه هايغير باب الشنطة و الاكصدام
باب الشنطة لوحده ب 2600

التوكيل كده كده بينصب في الفلوس والحاجه اللي تتعمل ب 10 بيقولك 100