ياريت الاعضاء اللي تعاملوا مع مركز العدوي وهو احد الفروع المعتمدة لشركة رينو يقولنا ايه رايه وايه تجربته مع هذا الفرع .. هل سمعته http://...........com/vb/images/smilies/Bravo.gif كويسه ولا لا ؟ هنتظر المشاركات
ياريت الاعضاء اللي تعاملوا مع مركز العدوي وهو احد الفروع المعتمدة لشركة رينو يقولنا ايه رايه وايه تجربته مع هذا الفرع .. هل سمعته http://...........com/vb/images/smilies/Bravo.gif كويسه ولا لا ؟ هنتظر المشاركات
أنا عملت أول صيانتين فى المقطم ..
بس كان المشوار صعب وخنقة ، والتوكيل زحمة وطابور انتظار ، وكان بيبقى يوم ما يعلم بيه الا ربنا.
نقلت بعد كده على العدوى وعملت فيه الصيانات من 20 إلى 40 ألف.
وانطباعى عنهم فى الصيانات الدورية هو : كويس جداً.
المكان هادى ، وسريع نسبياً ، والانتظار مريح
وبتشوف عربيتك اللى بيعملوا فيها كل حاجة بما فيها فك الـ 4 فرد كاوتش والكشف على التيل.
فيه ملاحظة بقوا يعملوها مؤخراً وهى إضافة حاجة لدورة الوقود اسمها Gasoline treatment وبيضيفوا تمنها 30 جنيه ، وبقوا يغسلوا الموتور بالفوم وبيضيفوا 40 جنيه .. الحاجات دى مش محتاجة صنايعى علشان يعملها ، وممكن تشترى معالج الوقود ، والفوم من بره بنص السعر ده لو حبيت تعملهم بالإضافة إلى ان الفوم كمان بيكفى كذا مرة غسيل ، فلو مالكش مزاج قول لهم مافيش داعى تعملوا الحاجات دى.
ده بالنسبة للصيانات الدورية ، أما بالنسبة للاصلاحات بره الصيانة فانا ماجربتهمش لأنى لم احتاج اليها.
انا جربته بس عربية اكسنت ار بي وشيفهم اكفاء بنسبة جيد ويوم ماروحت كانت الدنيا فاضية
كويس انك قلت على موضوع الفوم والمنظف ده
انا معملتش غير صيانة ال 5000 هما كانو بيغسلو العربيه وبيروقوها بس طبعا انا لسه متعاملتش بفلوس معاهم بس بيني وبينكم انا مرعوب منهم ليه واحد زميلي معاه كليو كان بيقولي عليهم حراميه
بس طول ما فيه فيس بوك والمنتدى بتاعنا اعتقد ان مفيش حد هيقدر بعد كده ينصب علينا
طيب انا هحيلكوا علي موضوع حصل معاهم وتقولوا ايه رايكم .. انا اللوجان معايا عالة 1800 كيلو ورحتلهم لما كنت عامل 1000 كيلو عشان زرار الازار اللي ورا مكنش شغال .. قالولي الموضوع بسيط وفعلا شغلوا الازاز .. يعدها ب 3 ايام الازاز نزل ومش عايز يطلع اتصل بيهم قالولي اكيد تراب علي الزار! رحت لهم تاني يوم السبت اللي فات عملوا الزرار وقالولي مش محتاج تغيير واحنا شيلنا التراب اللي علي الزار! روحت من التوكيل والساعه 1 باليل في نفس اليوم وانا بركن العربية الازاز نزل ومش عايز يطلع وقعدت ساعتين جوه العربية احاول انه يطلع طبعا كنت مرعوب لاني ممكن ابيت العربية في الشارع والازاز مفتوح لحد الساعه 3 الفجر الازاز طلع وقفل ومجربتش انزله تاني .. هل ده كده طبيعي ؟؟
حصلت معايا على فكرة .. وعملتها عند كهربائى عادى ، وهو بيبقى تراب فعلاً لأن مكان زراير الازاز الخلفى بيلم تراب وحصى جامد. هو بس محتاج يتفك خالص ويتنضف كويس.
بس مش الموقف ده اللى يخلينا نحكم عليهم انهم وحشين. محتاجة حاجة تقيلة ومايسدوش فيها.
طول ما هى على قد الصيانات العادية ما تخافش لأن دى حاجات متسعرة ..اقتباس:
المشاركة الأصلية كتبت بواسطة drosamaragab
والبوجيهات وفلتر الهوا بتاخد القديم وانت ماشى.
طيب يا استاذ Egyzizo انا الزار قعد معايا حوالي 7 ساعات من اول ما طلعت من التوكيل وعطل .. ازاي هيلحق يلم تراب ؟ كمان لاحظت ان الزرار اللي جمب الفتيس اللي بيقفل الازار اللي ورا مش شغال .. انا شاكك ان يكون فيه قفله في الكهرباء وما اعتقدش ان الموضوع ليه علاقة بالتراب خالصاقتباس:
المشاركة الأصلية كتبت بواسطة Egyzizo
بيبقى حصى فى قاعدة الزرار وبيتحرك مع حركة العربية فممكن يمنع التوصيل .. روح لكهربائى نضيف وخليه يفك الزرار خالص وينضفه كويس بره وان شاء الله مش هييرجع تانى.