الموضوع: الحكومة تقرر السماح بحيازة قطعة سلاح واحدة للأفراد

المشاركة الأصلية كتبت بواسطة drmsadek1979

لا دي مش نكتة ولا حاجة ومش المفروض انك تقول ياه ولا حاجة انت حسستني اني كسبتك حاجة كبيرة وسحبتها منك وبعدين دا منتدى كل واحد يكتب الموضوع الي هو عاوز يكتبه ةالناس مش ناقصة ليه بالظبط انا شايف ان الحكومة لو عملت الموضوع دا يكون كويس انت مبتسمعش عن البلطجية وةالناس الي بتموت كل يوم وبعدين انت من حقك تقول او تكتب اي حاجة ويبقى موضوع جامد جدا والناس كلها تدخل تمدح وتثني على حضرتك واكيد انت عارف ليه دونا عن الاخرين

اكيد كل واحد ليه حريه التعبير وكتابه اللي يعجبه ومن حق الناس تنتقد او تثني علي الكلام
ومش كل مواضيعي جامده علي فكره
ليا مواضيع كتير محدش رد عليا فيها
وكل الناس بتكتب وبيترد عليها مش انا وبس
واكيد لازم الناس ترد عليا بقالي 5 سنين قايم نايم علي المنتدي وتقريبا قابلت وشوفت نص اعضاء المنتدي باصحابهم اللي من بره المنتدي كمان
-------------------------------------------------------------------
حقولك بقي انا اتضايقت ليه وناس كتير هنا اتضايقت ليه
لانك بتتكلم في تحقيق حلم لناس كتير هنا انا منهم
معرفش انت كنت موجود معانا هنا ايام الانفلات الامني ولا لا وحاله الرعب اللي الناس كانت فيها
لدرجه ان فيه ناس كانت ماسكه سكاكين مطابخ من خوفها من اي حد يهجم عليها
والاحباط اللي جالنا كلنا لما حاولنا نطلع رخص سلاح ومعرفناش بسبب القوانين الزفت
------------------------------------------------------------------
تخيل كده انك حلم حياتك تركب عربيه نضيفه وممعاكش غير ربع تمنها
وقريت خبر بيقولك سياره لكل مواطن بدون جمارك
فكر وقولي
وحقك عليا لو كان كلامي زعلك واهلا بيك في اسره نايل موتورز ومستنيين مشاركاتك معانا