الموضوع: بمناسبه الحماس اللى فى القسم وتعيين احمد منسق عام

طبعا مبسوط من حاله الحماس اللى فى القسم
تانى حاجه يلا شباب ساعدونى الله يكرمكم لانى محتاج المشوره
عربيتى برتون واجا 2006 عامله 88 الف كم
لقيت فى دخنه فى الشكمان لما بقرص قلت يا واد الحق
المهم بعد عرض العربيه على حوالى 15 ميكانيكى اتفقو انه مبدئيا طقم شنبر
اتوكلت على الله وصليت استخاره وقعد افلتر الميكانيكه لغايه اما استقريت على واحد
المهم
وديتله العربيه
وفتح الموتور طبعا قلبى كان بيوجعنى وهو بيشتغل
لانى ما بحبش حاجه تحصل فى العربيه
المهم فك
لقيته بيقولى بسم الله ما شاء الله على البساتم والشمايز مش محتاجه اى حاجه والسبيكه تمام وكمان الوش مش هنحتاج نعمله روديه
طب يا سيدى انا معاك فى كام حاجه بس الوش لازم يتعمله روديه
قالى انت عندك الوش ناشف ما فيهوش نقطه زيت انما العيب كله من طقم الشنبر
قلت على بركه الله
جبت الحاجه طقم شنبر 165 جنيه من التوفيقيه
جوان وش سلندر 275 جنيه متسوبيشى موتورز
زيت 70
فلتر 55 جنيه
فلتر هوا 70
بويجهات 45
المهم ركب الحاجه انا حاسس ان العربيه اتحسنت بس بمشى على سرعه 40 علشان التليين
ياترى بقا التليين اد ايه يا جماعه
200 كيلو ولا اكتر
تانى حاجه انا لقيت شويه زيت زياده لما غيثرنا الزيت قمت ساحبهم
المهم مستنى مشاركات