سؤال محير جدا ارجو الكل يدخل يجاوب عليه بامانة ؟؟

**Inteltech** · 08-05-2012 10:36 AM

المشاركة الأصلية كتبت بواسطة _hema

اخى الكريم

اسمح لى بالمشاركه بمضوعك العطر
اهلا بحضرتك وحضورك يشرفني ويسعدني بشكل شخصي

وسوف اسرد لحضرتك مثالاً

لو ان حضرتك لك حبيبه وتعشقها كل العشق

هل سترضى عنها بديلاً ؟

عن نفسي لم اصل بيوم لعشق السيارة كما الحبيبة يمكن لان محصلش بيني وبين عربية العشرة لاكثر من سنتين الى ثلاثة كحد اقصى وكمان دي بتتباع وتشتري ولا ايه ؟؟ بس طبعا بقدر عشقك لعربيتك ومش مستغربه وبحترمه بس معنى كده ان عمرك ما هتدي عربيتك لحد فهل ممكن اطلب اخد لفتين بيها ههههههههههه ؟؟

هل سترضى ان احداً ما من الاشخاص يفرد عيوباً لها او احد عيوبها ؟

الاجابه بالطبع كـــــــــــلا

يعني بالضبط زي المثل اللي بيقول " بدعي على ابني وبكره اللي بيقول آمين" عن نفسي بنتقد عربيتي اكثر ما بنتقد عربيات الناس ده انا مبهدل عربيات الشركة انتقاد الصراحة وهتشوف ده بمشاركاتي الجاية ازاي بطلت سرعة وربنا يستر

فسياره كل منا كحبيبته

ويعاملها معامله الحبيبه
ابقى انا مليش حبيبة لاني بركب عربيات كثير بالشغل وبحب اجدد باستمرار هههههههههه

فبالتالى لايكون هناك تعصب لانه لاتعصب فى الحب
التعصب موجود بالفعل اخي الكريم وبصورة مستفزة ويمكن كمان يتحول من مناقشة لعداء شخصي ما بين الناس ودي النقطة اللي تخوف

وحبك لسيارتك ليس تعصباً وانما رغبه اكيده فى الحب فحبى لسيارتى ملكنى وجعلنى لاارى فيها العيب حتى وان كان موجودا

أقدر وجهة نظرك اخي الكريم بس برضو المصلحة بالنهاية بتعود على مالك العربية نفسه لو عرف عيوب عربيته بأمانة مش على اللي ذكر العيوب وهو راكب عربية تانية من نوع تاني ولا ايه ؟؟

هكذا عيون المحب اخى الكريم

ولكن مانعارضه هو ان نتفنن فى سرد عيوب

السيارات الأخرى

رغم ان بها مزايا كثيره فى عيون اصحابها او ملاكها
وده الغلط بعينه انك تحقر شيء بيملكه واحد غيرك وشايفه عنده شي بيحترمه وهنا المشكلة الاولية اللي بيقع فيها سوء الفهم وفي فرق ما بين ذكر العيوب بموضوعيه وتحقير الشيء ودي اللي تدايق فعلا

فمثلاً حضرتك تستطيع ان تركب المانى او فرنسى وربنا موسع عليك وانا امكانياتى ضعيفه ونفسى اركب عربيه زى الناس اقضى بيها مصالحى وجبت عربيه على قدى وقد فلوسى فلا ينفع ولايصح ان نقول ان الكورى كذا والصينى كذا والمالىزى كذا والالمانى افضل واليابانى احسن والفرنسى اروع وهكذا
كلام سليم لو غرضه التحقير والاستخفاف لا سمح الله لكن لو علشان مصلحة المستهلك انه يعرف عيوب كل صناعة وانه يختار بشكل افضل ما بين الموديلات المتوفرة بشريحة سعرية معينة وفئة معينة فايه المشكلة ؟؟

لان كل شركه انشئت بغرض اشباع شريحه معينه من المستهلكين ويجب ان يحترم انتاج كل شركه واحترام راكبى انتاجها

وعلى العكس ممكن تكون المقدره الماليه كبيره ولا ارغب إلا فى ركوب الصينى او الكورى نظراً لاقتناعى التام به

فى النهايه اخى الكريم

الموضوع موضوع اقتناع وحب وليس تحيز ودفاع وانفراد بعيوب الاخرين

صحيح جدا والدليل ان في اخ معانا هنا بالمنتدى اشتري عربية صيني عن اقتناع تام وصحح لي معلومة غلط ان كل العربيات الصيني لم تنجح باي اختبار سلامة وانا شفت اللنك بنفسي وان العربية محققة ارقام ما شاء الله في اختبارات السلامة وهي اذواق طبعا ولولا اختلافها لبارت السلع

اشكر حضرتك على سعه صدرك
انا اللي بشكر سيادتك على تشريفك الموضوع وردك العطر وحضورك اللي اتمناه يكون دائم وتحملني بردي فانا لا اقصد اخي الكريم الا المصلحة

وتقبل منى تحياتى ومرورى على موضوعك العطر

**Inteltech** · 08-05-2012 10:38 AM

المشاركة الأصلية كتبت بواسطة exact

المتعصبين بيشجعوا

واحنا مش معاهم

واللي هيجيب سيرة السوزوكي هنا
له مني كل تحية

ههههههههههههههه وربنا انت عسل والسوزوكي يا عم من اروع العربيات كده ايه رأيك؟؟

**Inteltech** · 08-05-2012 10:45 AM

المشاركة الأصلية كتبت بواسطة assaf

لأن محدش فينا بيحب يبان انه غلطان لازم يبان انه الواد الفت المخلص وجايب احسن حاجه وضاحك علي الناس كلها
جايز عندك حق بس اللي جايب حلو فده ليه والوحش برضو ليه
غير في ناس بيكون لها دماغ تانيه
واحد زميلي جايب عربيه مش منتشره وعمال يقنع بيها طوب الارض في مره بستفسر منه ليه قالي عشان لما تنتشر قطع الغيار كتقل سعرها

لو التوكيل مكنش عمل كدا
ههههههههههههه وربنا صاحبك ده تمام وينفع يكون وكيل للماركة دي اعرض عليه الفكرة ويراسل الشركة يمكن يبقى الوكيل لها بصراحة

اشكر لحضرتك المشاركة والحضور

**Inteltech** · 08-05-2012 10:48 AM

المشاركة الأصلية كتبت بواسطة minicooper20

مصر كلها كده مش عربيات بس
ده دلوقتى التعصب وصل للموبلات اندرويج و لا ايزو و سيمبيان
سامسونج برقبه اي فون
الجيش ولا الثوار
كل واحد عندوقناعه بالحاجه المقنع بيها و دفاع اعمى
زى الاهلى و الزمالك
برشلونه و الريال
المعادى اجمد ولا مدينه نصر و تلاقى ناس تقولم تغور مدينه نصر و التناى يقولك المعادى دى حته زباله
تكيف شارب و لا سامسونج
تلاقى العندو شارب بيشتم فى بيتاع سامسونج و العكس
اى باد و لا اى تابلت تانى
حتى فى الاب توب بيتخنقو
و اخيرا العربيات ههههههههههههه
المصيبه انهم كلهم متعصبين لحجات مصنعوش فيها مسمار
يا راجل متتعبش قلبك

بصراحة كلام حضرتك كافي ووافي ومش هقدر اقول عليه الا اني اتمنى اننا نتخلص من ده باقرب وقت لانه بيسبب مشاكل من دون داعي وحتى بيخلي اللي يعرف ان نوع معين فيه عيب صناعة يسكت ليه مش بنقيس مثلا على شركة زي تيوتا لما بتسحب الالاف العربيات علشان مشكلة في الموتور او الفرامل او اي كان السبب من السوق مع ان ده بيخليني احترم الشركات اللي بتعمل كده يعني الشركات نفسها بتعترف بخطأها وبتصححه احنا ليه مش نصحح ادي النظرية
واشكر حضرتك على الحضور والمشاركة

**Inteltech** · 08-05-2012 10:50 AM

المشاركة الأصلية كتبت بواسطة mazher_m

لازم يكون في اختلاف في الرائ
بالنسبه للعربيات كل واحد بيشتري العربيه اللي هو مقتنع بيها
وبيكون دافع فيها كل اللي محوشه فبتبقي غاليه عاليه

الاصل في اختلاف الرأي عدم افساد الود بس مش ده اللي بيحصل أخي الفاضل شكرا لرد حضرتك بس المسألة مش بتكون شخصية فياريت مش نخليها شخصية ادي القصة

**Inteltech** · 08-05-2012 10:51 AM

المشاركة الأصلية كتبت بواسطة elawany13

شرفتني بالموضوع ياباشا وعجبتني الصورة ومعناها اكيد هههههههه ابلغ من الكلام وشكرا

**Inteltech** · 08-05-2012 10:52 AM

المشاركة الأصلية كتبت بواسطة Sehsss

تعصب

ليه ولامتى ؟؟

**Inteltech** · 08-05-2012 10:53 AM

المشاركة الأصلية كتبت بواسطة semi

اكيد طبعا مفيش حد في الدنيا كلها هيدفع دم قلبه في حاجه عشان ترجع تقوله انت اضحك عليك
ومكنش المفروض تعمل كده
طبعا هيضحك على نفسه ويفهم نفسه انه كع دم قلبه في حاجه تستاهل وانها الافضل وستبقى كذلك
يعني انا مش اشتري عربية مستعملة مثلا بالشئ الفلاني عشان بعد ما اخلص وامشي بها واحد يجي يقولي
ياعم انت عملت كده ليه حد يعمل كده هعمل ايه ساعتها اعيط ولا الطم ولا اروح انتحر
لا طبعا اللي هعمله اني هقوله بطل فتي واضطر اضحك على نفسي عشان اعيش :)

بحترم وجهة نظر حضرتك بس مش بيكون المقصود ان حد يقول لحد انت اضحك عليك ومع كده بتحصل تعصبات ومشاكل وده اللي محيرني
شرفتني بالموضوع وشكرا على الرد