الموضوع: سؤال محير جدا ارجو الكل يدخل يجاوب عليه بامانة ؟؟

موضوع فى الجون بصراحة ... وكان نفسى اعمل موضوع زيه من زمان .

التعصب الأعمى

تلاقى العضو راكب عربية ماركة معينة سواء كورى أو يابانى أو أوروبى او حتى صينى وطالع بيها السما وبيدافع عنها اكنها من انتاج مصانعنا الوطنية .
مش كدة وبس ... لا كمان بيدافع عن البلد المصنعة للعربية والمدرسة اللى متخرجة منها العربية .
واتحولت مدارس تصنيع العربيات من مدرسة أوروبى وأمريكى ويابانى وكورى ... لمدرسة حكومى ومدرسة خاصة ومدرسة لغات ومدرسة مالتى ناشونال .
لا والدفاع عن تكنولوجيا العربيات بأستماتة كما لو كانت من ابتكار علمائنا ومهندسينا العباقرة المتخرجين من ازهى قلاع التعليم المصرى .
ده لو كانوا مصريين اللى اخترعوها واحنا عندنا انتماء مكناش هندافع عنها بأستماتة كدة .

ونيجى بقى للجانب الآخر وهو التقليل من شأن العربيات الآخرى والكلام عنها كما لو كانت توكتوك بأربع عجلات ومترخص عربية ملاكى .
والآغرب احيانا بيكون الانتقاد قائم عن السمع فقط وعدم الالمام بكافة المعلومات عن العربية اللى بينتفقدها .
ومواضيع المقارنات دى بتسخن وتلاقى الاعضاء كل واحد مصمم على رايه وبيطلع مميزات الصناعة اللى بيحبها وعيوب الصناعة اللى مبيحبهاش .

وبتضيع الموضوعية فى المناقشة .

فيها ايه يعنى لما نعترف بأن الصناعة الكورى مثلاً مجتهدة وبدأت تاخد مكانتها فى
العالم ويكفى انهم مقعدوش يتفرجوا ويركبوا فقط زينا وعملوا صناعة مفخرة ليهم بامكانيات واسعار مناسبة وان كانت بتوصلنا برضوا غالية عن قيمتها اللى المفروض توصلنا بيها.
وفيها ايه لما نعترف بأن اصل صناعة العربيات مثلاً اوروبى وان ليهم السبق فى تكنولوجيا تصنيع العربيات فى العالم فى مقابل اسعارعالية وسوق بيع ضعيف مقارنتا بغيرهم اللى بدأوا يسحبوا البساط من تحت رجلهم وان كانت عربياتهم اكثر جودة .
وليه كل واحد لما بيستخدم مبدأ Value For Money بالنسباله ميحاولشى يزود اوينتقص من من مميزات عربيتة وعيوب عربيات الآخرين .

المشاركة الأصلية كتبت بواسطة inteltech

السلام عليكم ورحمة الله وبركاته

هو ليه كل مالك نوع معين من العربيات بيكون مدافع عن العربية اكثر كمان من الشركة المصنعة ليها ؟؟؟؟ يعني ممكن الشركة المصنعة تعترف بعيوب صناعية بموديل معين والعميل او مالك العربية يقولك ياعم ابدا !!!!
وياويلك لو قلت الموديل ده وحش هتبقى حكاية شخصية وناس تزعل وممكن تهاجمك وتتهمك بالجهل ليه يعني مع ان المصلحة واحدة بالنهاية وهي نقل التجارب الجيدة والسيئة حتى تعم المنفعة ؟؟
انا مش بقصد عضو بذاته ولا بقصد حد معين علشان اكون واضح وانا عن نفسي هبدا واقول انا هشتري كوري لان الكوري الزيرو لسه احسن من الماني مستعمل من الاخر هجيب هيونداي زيرو احسن من عربيتي الاودي المستعملة واللي خلاص بتجيب اخرها اهو ؟؟؟ طب يا ترى لو دخلت قسم اي قسم بالمنتدى وقلت بلاش تجيب صيني مثلا لان الصيني وحش ومش بيتحمل ومفيش عربية نجحت في اختبار سلامة قبل كده ملاك العربيات الصيني هيكون ردهم ايه ؟؟؟
وده مجرد مثال بالنهاية بشكركم جميعا وارجو ان يكون في سعة صدر من ملاك الماركات جميعا لان دي اذواق ومش حرام ابدا ان اللي يشوف مشكلة بموديل معين يقوله بدون ما يتهاجم وشكرا مرة تانية .

اخى الكريم

اسمح لى بالمشاركه بمضوعك العطر

وسوف اسرد لحضرتك مثالاً

لو ان حضرتك لك حبيبه وتعشقها كل العشق

هل سترضى عنها بديلاً ؟

هل سترضى ان احداً ما من الاشخاص يفرد عيوباً لها او احد عيوبها ؟

الاجابه بالطبع كـــــــــــلا

فسياره كل منا كحبيبته

ويعاملها معامله الحبيبه

فبالتالى لايكون هناك تعصب لانه لاتعصب فى الحب

وحبك لسيارتك ليس تعصباً وانما رغبه اكيده فى الحب فحبى لسيارتى ملكنى وجعلنى لاارى فيها العيب حتى وان كان موجودا

هكذا عيون المحب اخى الكريم

ولكن مانعارضه هو ان نتفنن فى سرد عيوب

السيارات الأخرى رغم ان بها مزايا كثيره فى عيون اصحابها او ملاكها

فمثلاً حضرتك تستطيع ان تركب المانى او فرنسى وربنا موسع عليك وانا امكانياتى ضعيفه ونفسى اركب عربيه زى الناس اقضى بيها مصالحى وجبت عربيه على قدى وقد فلوسى فلا ينفع ولايصح ان نقول ان الكورى كذا والصينى كذا والمالىزى كذا والالمانى افضل واليابانى احسن والفرنسى اروع وهكذا

لان كل شركه انشئت بغرض اشباع شريحه معينه من المستهلكين ويجب ان يحترم انتاج كل شركه واحترام راكبى انتاجها

وعلى العكس ممكن تكون المقدره الماليه كبيره ولا ارغب إلا فى ركوب الصينى او الكورى نظراً لاقتناعى التام به


فى النهايه اخى الكريم

الموضوع موضوع اقتناع وحب وليس تحيز ودفاع وانفراد بعيوب الاخرين


اشكر حضرتك على سعه صدرك

وتقبل منى تحياتى ومرورى على موضوعك العطر