بس شدتها من شهر الحمدلله اتكلفت بظبط 17 الف بتمن واحدة تانية بس زي مقولت عزيزة شوية ومينفعش تتباع
احكيلكم عنها شوية
ابواب مش بتتفتح او تتقفل اصلا
كهربة ضايعة مينفعش تشغل أي حاجة حتي لما بفتح النور العربية بتبطل :d اة والله
عشان كدا يئما امشي 10 دقايق واقف اشغلمروحة الرادياتير واقفلها واسمع اغنية واقفل الكاسيت وافتح النور شوية واقفلة وادور العربية وهكذا
:d:d
طبعا العفشة فبريكة من سنة 74
ولا تقلي كوني
دي عفشتها خوني :d ابسط حاجة تلاقي نفسك راشق في السقف وبما ان السقف فيه باروما فعمل حفرة اة والله :d:d:d
بقي فوق السواق كدا في حتة مدورة مكان راسي من المطبات
العربية بتركبها بتشم جميع الروائح الغريبة من طبيخ الخ الخ الخ
اقصي سرعة وصلتلها كانت 35 وفقدت السيطرة ساعتها و الدريكسون اتخلع :d:d:d
ميزة التشحيم الذاتي انك تركب تنزل تلاقي نفسك مشحم وانا كنت بدايق في الاول لحد معرف ان فيات عملت كدا عشان عارفة ان الواحد هيتزنق عشان الباب مش بيفتح غير 5 سني فالميزة دي بتخليك تنزلق بسهولة
طبعا الموكيت اللي فيها بقي حصيرة
فيها مكان للي عاوز يخش الحمام او يرمي حاجة في خرم كبير في الارضية
طبعا الفرامل مش abs بس لو حبيت تفرمل بتفتح الباب وتنزل رجلك او تحط رجلك في الخرم اللي في الارضية طبعا هتسالوني علي الهاند بريك عشان لو حبيت اركن هقولك يا سيدي جايب حجر كبير حاطة في الشنطة ورابطة بجنزير وفي العربية لما بقف بنزلة من الشنطة واحطة علي الارض
طبعا العربية مش هتكلم علي خاصيه الدريفت الذاتي اللي فيها لانها اصلا مش بتمشي عدل ولا بجمبها دي ساعات بتتشقلب اصلا
الاير باج ربنا يكرم ويبقي فيها طابلوه الاول :d
الدبرياج مش انا اللي بدوس علية لا هو عنده كرامة هو اللي بيدوس عليا
اخر مرة سافرت بيها
كانت من الهرم لحد شبرا
اخدتها الحمدلله الهم لا حسد في 9 ساعات :d:d
اسيبكم مع الصور :d لاني لو حكيت عنها للصبح مش هخلص :d:d
http://www.nileup.com//uploads/images/sc614957036.jpg