+11111111111111111
اه فى ناس باردة فيه بيمشوا باستهبال واستعباط اه كتير بس برضوا بعد راكبى المركبات يتصرفون كأنهم مالكى الشارع بمفردهم لا يهتم بمن يمشى على قدمية لا يعطى فرصة للمار بالعبور فعلينا سائقى السيارت التخلق بالخلق الحسن واعطاء الفرصة للمشاة فى العبور من الماكن المخصصة لعبور المشاه طبعا الكل حيهاجم عليا هما بيمشو من اى حتة طيب شفتم سواقين يقومن بترك الحارة المخصصة للمشاة للعبور منه عند اشارات المرور ابد السائقين يقيفون عن حد الانطلاق الاخير دون مراعاه حق المارة فى العبور....
طيب وحنروح بعيد ليه الرصيف اللى فى الشارع دا بتاع مين بالظبط اليس للمارة ام لآصحاب المحلات يضعون عليها ويعرضون بضاعتهم شفتم فى حياتكم رصيف او تلتوار خالى ومؤهل للمارة ابدا طيب يعنى الناس اللى بتمشى على الأرض تمشى من فين ....
انا ارى فيما ارى ان نجرم من يمشى فى الشارع على قدمية بل ويعاقب بغرامة فورية من يمشى فى الشوارع الشوارع للسيارت فقط والتلتوار والارصفة لأصحاب المحلات دا حقهم حد يقدر يتكلم ....*ام المشاه فعليهم عمل جمعيات وشرا سيارة او توكتك حتى يكون لهم الحق بالتمتع بالمرور فى شوارع المحروسة ....*
حبيب قلبي يا عواني باشا .... وكلو كوم وتكون ماشي وفاتح. وفجئة تلاقي شب من الشباب. الامامير بتوع اليومين دول البنطلو الجينز والجيل والشعر المسبسب وهووووبا. فجئة نط من على الرصيف ونزل على الاسفلت قدام بوز اكصدامك ، وتقول معليش استنى شوية خليه يعدي يمكن مستعجل ولا حاجة .... وتتفاجئ ان الاخ ماشي بمنتها تناكة الدنيا ايدو اليمين ساندة الموبايل على ودنوا. وايدو الشمال مدفونة جو جيبوا ،
وانا كنت دايماً بستغرب ليه الشباب دول لازمن تلاقيه ايدهم الشمال جوا جيب البنطلون بتاعوا . هل هيا نوع من الوجاهة ولا نوع من الألاطة ، اتاري ياعيني اكمن البنطلون واسعه عليه ولو شال ايدو من جيبو هيسقط البنطلون بتاعوا ويتفضح في الشارع والناس كلها وامة لا اله الا الله هاتعرف انو لابس بوكستر كوتنييييييل ، كل ده ولسه الافندي عمال بيعدي قدام عربيتك ، والي يدحك ايه باه تيجي تزمرلوا. كانك بتقولوا اخلص يا تنك ، يقوم بمنتهى تناكت العالم كلو يطلع ايدوا من البنطلون ويشاورلك ويقولك اصبر شوية فيه ايه مفيش صبر عند الناس وهوبا يرجع ايدو في البنطلوم بسرعه ويلحقو قبل ما يوقع منو ووو ، طيب انا ممكن اصبر عليه لو وحده سيت بتعدي بس ده شب في عز شبابوا هو انا هقعد ساعتين اعديه ، ولا هستنى لمن يخلص المكالمة بتاعتو ... شباب غريب بجد وعيال تفقع المرارة ...
،
وكلو كوم. والبطل الشجاع كووووم تاني تكون ماشي على ستين اربعين وفجئة تلاقي شب شجاع بطل مقدام جرندايزر رقم ٢ هوباااااااا نط قدام عربيتك ووقفك غصب عنك .... خير فيه ايه اصل معاه الحته بتاعتوا ويشورلك كده stoooop يعني اوووووقف. عسكري مرور بسلامتو وتبص كمان في المرايا الي في النص متلقيش عربيات وراك الله طيب يابارد يا ابن الباردين ماتستنى لمن تعديني وبعدين عدي براحتك ، لا ابداً يالله مش مشكلة معاه وحده ست خليني اصبر وابص الاقيه بعد ما وقفني رجع للرصيف وخد بايد. حبيبتو وقالها يالله يا حبيبتي نعدي. وقامت حبيبتو ناولتوا ايديها ونزلت من على الرصيف وهوبا ابتدوا يمشوا سوياً بخطوات واثقة. وخطاً من حديد ويتطلعون الى المستقبل الزهيد ..... وتااااته خطي العتبة .... تااااته وحده وحده .... تااااااته يالله يا قطة ، وانا كل ده واقف بالعربية قاعد اتفرج واقول يارب. ، يارب تنتعها بالسلامة هههههههههههه
، وتيجي تزمرلو ا وهو صحيح صوت الكلاكس بييييييب. بس ترجمتو بالمصري اخلص يارحومك هو انتا بتصور فيلم عمر وسلمى تووو ..... هههههههه يقوم باصصلك. بنظرة فيها شرار كده ونظرة غضب. وكويس انو مشتمكش او تف على كبوت عربيتك ويقوم سايب ايد حبيبتو الجميلة ويشاورلك. ويقولك اصبر أااااااااااا الله مفيش صبر عند الناس ولا ايه ويقوم راجع تاني مره مانجش ايد حبيبتو ومكملين خطواتهم الذهبية ..... وكل ده. الكبيل والثنائي اللطيف الي بحكيلكم عليه مش راجل مع مراتو لا بت في تانية اعدادي او في الثانوية ولا في خدمة اجتماعية ( عيلة صغيرة ) طالعه تتمشى مع البطل حبيبها ساقط الثانوية ... هههههههه جيل مايعلم بيه الا ربنا. انا بسميهم جيل تامر حسني حاجة تنقط حاجة تشل ، جيل مايعلم بيه الا ربنااااااااااااا عيال عاوزة الحرررق ، وترجع البت من مدرستها وامها تقلها اتأخرتي ليه يا منى ترد البت كنت عند أبلة سعاد ياماما باخود عندها المجموعه ولا دروس تقوية هههههههه اه صحيح خلي البت تتقوى. في الشارع مع الصايع ابن الصايع الي وخدها الطف بينا يارب عيال عاوزة. الحرررررق !!!! هههههههه وتحياتي يا شباب
ميدو .......... أنت مُشكلة ........ أنا عمال أضحك بقالي ربع ساعة http://www.kolobok.us/smiles/user/crigon_01.gif
===
مُشكلة مصر ........ أن اللي راكب مستعجل .......... و اللي ماشي مستعجل .......... و العملية في الكُنافة و بزرميط آخر حاجة .
أمس عند اشارة هايبر وان
العداد بيعد ..... 20 ..........19 ........18 و أخضر
و الناس مش عايزين يستنوا العشرين ثانية دول ؟
ده شعب خلاص .......... الجهل بقى عامل زي السوس ........... نخر في دماغه على الآخر
أسكت دا أنا مفقوع على الآخر من تصرفات الناس و أسلوبها
بس أنت أسلوبك .............. جامد
:yeah:
الناس ااااااااه ياعزيزي. من الناس .... انا مش مشكلة في الناس الكبيرة مبتكلمش عليها لكن كلووووووو كوم والشباب كوم تاني. ، اموت وافهم ايه سر ان العيال بتمشي في نص الشارع. ، يعني هما كده فاكرين نفسهم بني ادمين. وانهم حاجة مهمة وياسلام لو شلة بقة. وكل عربية تعدي لازم تزمرلهم ، يعني هو البني ادم ماينفعش يمشي محترم لوحدو مستني عربية تزمرلوا ، الزمارة في بلدنا ليها معنا مش مجرد بيييييب وخلاص يعني ممكن واحد يزمرلك بييييييييييييب = (ياحماااااااااااااار ) وفي زمارة بييب بييب بييب = ( بحبك بحبك ) وهكزا فانا باستغرب اني الاقي شب قاد اللوح كده. مخووو في الالاله كدهووو. وتزمرلوا ولا هو هنا ويمكن ميكلفش نفسو حتى يبص وراه اذا في عربية هتخبطو ولا لأ، الله يخرب بيت ابو البرشام الي العيال بتبلبعووو كدهو صبح ومسا ، يمشي العيل من دول. في ملكوت الله وتلاقيه خراج من بيتو ضارب طقم الجيل وبنطلوم الجينز الساقط ، سوائاً كان لابس كوتنيل محترم من ابو خمسة وعشرين جنيه ولا كوتن ابيض من ابو سبعة جنية لازم . ويوري للناس الشعار تقلش شعار مرسيدس ياخي حاجة تيكسف وقال ايه علشان الناس تعرف ان ده شب نزيه. ماهو النزاهة اليومين دول بنوع البوكستر مش باخلاقو وتربيتو ، ولابس تشيرت فوق تشيرت قليط قوووي الواد ، وفوق كل النزاهة دي كلها لابس شيبشب زنوبة فررجلوا وماشيلك في قلب نص الشارع هو والشلة بتاعتو الفزدانة .... تقلش طالعين مظاهرة وتقعد تزمرلهم تزمرلوهم ومفيش اي فايدة لا حياااااااااة لمن تنادي لازم اطلع دماغي من الشباك وارفع صوتي واقول والنبي ياكبتن والنبي ياحبيبي. والنبي ياروحي. على جمب ياحبيبي انتا وهو .... اطلعو فوق الرصيف ولا اجي اشيلكم واطلعكم هوبا فوق الرصيف ههههههههههه
حاجة تفقع المرارة بجد .... ينعل ابو التربية يا اخي .... الواد فيهم ماشي وهو لابس فردة الزنوبة في رجلو وفاكر نفسو عربية من حقو يمشي
في نص الشارع. واي عربية تعدي وراه لازم تستنى بسلامتو .... وبدليل تلاقيه ماشي هو والشله الفزدانة بتاعتو ومشغل موبايل على. ال mp3 ومشغل اغاني بصوت عالي تقلش سايق عربية ومشغل الكاسيت وعايش الافندي في ملكوت الله. ومع نفسووو
بس العيال دي مش محتاجة غير جاز وسخ من بتوع الميكانيكية وتدلوقوا عليهم وتولع فيهم. لان خسارة فيهم جاز نضيف
وكلو كوم والناس الكبيرة في السن كوم تاني ... مرة كنت ماشي مع المدام والعيال بالعربية ولقيت راجل كبير نزل من على الرصيف فجئة فلحقت نفسي بسرعة وضربت فرامل علشان مخبطهوش ايييييييء. لقيت بنتي اتنطرت من الكرسي الي ورى وطارت وشها دخل في التابلوة قودام وراسها ضربت في الكاسيت وطلعت الشريط من قلب الكاسيت من قوة الخبطة .... المهم كل ده ومتكلمتش وشاورتلو اتفضل ياحج الراجل بدل مايقولي كتر خيرك يابني بصيت لقيتو بيرزع على الكبوت وبالعصاية بتاعتو وديييب في الشبكة ، ويزعق بكل حسو ويقولي ااااااايه يابني شوية شوية وبراحة مش كده ولا اكمن معاكو عربيات هتدوسونا ... رحت انا بكل ادب قلتلوا وانا اقدر ياحج انا اسف معليش غصب عني ، لقيتو برضو مصر يزعق ويقولي ياجدع ده انا قااااااد ابووووووووك. قاددددد ابوووك وبيقلها بطريقة كانو بيقولي ( ينعل ابوك ) وانا بقول معليش ياحج امسحها فيا ، وهو امسحها فيك يعني ايه !!!! ولا اكمن ربنا رزقكم بعربيات هتدوسو على خلق الله ، وانا عمال بقول الصبررررر يارب بصيت لقيت بنتي بتقولي بابا بابا دوسووووووو. يابابا ههههههه. قلتلها اسكتي انتي راجل كبير نص ساعه ياراجل يامؤمن ولم الناس عليا ، ومرضاش يسكت غير لمن قلتلوا طيب اتفضل ياحج نوصلك معاناااااا ومراتي تقولي بلاش لا يصوت ويقول يابووووليس الواد الصايع ده خطفني ولا خبطني ههههههه قلتلها مش بعيد ماهو يوم مايعلم بيه الا ربنا ابقي خلي بالك من العيال وانا في السجن بقة. ولو اضربت خودي العربية والعيال واجرووو بعيد ههههههههههه. كان يوم. بجد بجد ربنا يكون في عون كل سواق عربية وحسبي الله ونعم الوكيل
شعب البلالة
أمبارح و أنا مروح يا ميدو
ألاقيلك أيه .......... واحد جاي عكسي في وشي على طريق الواحات وأنا كنت ماشي في الحارة اليمين علشان ماشي على مهلي (70 )
المهم و أنا شايفه من بعيد قلت و الله ما أنا متحتح من مكاني
و شايف أيده اللي عايزه قطعها عمال يشاورلي من بعيد أن أروح الحارة اللي في النص و أوسعله
أنا بقى تنحت ووقفت قدامه و بقوله ما تلف يا أخي من اليو ترن ....... قعد يبرطم بس ما سمعتش هو قال أيه لأن الزجاج كان مقفول .
مفيش بعدها بخمسة دقائق ........ 2 ستات ........ ماشيين في وسط أم الشارع ......... و الرصيف فاضي بيقول يا عالم يا هو أنا أتعملت علشان تمشوا عليا ........... و دول مفيش فايدة
رحت جنبهم كدا بقولهم يا مدام ما تمشوا على الرصيف آمن ليكم ! ......... و بدأت أسمع ما لا تحب ان تسمعه
طبعا انا قلت يا فكيك بدل ما يلموا عليا الناس و يقولوا بيتحرش بينا و لا حاجة .
فبجد ........... الشعب مُخه عايز وش نظافة ....... الناس و الله العظيم مخها تعبان
الصح بقى غلط .......... و الغلط صح
بصراحة معاهم حق انهم يقولوك كلام لا تحمد عقباه بقه ياراجل يا طيب اتنين ستات ولا بنات بيتمشو في نص الشارع وعربية وقفت لهم بدل ما تقلهم كلمتين حلويين ورايح فين يا جميل واتفضل اوصلك ياقمرررر تقلوهم امشو انجرو اطلعوووو فوق الرصيف ههههههههههههههه. حبيب قلبي واللهِ